აბაშის სოფლებში, წყემსსა და ზანათში მოსახლეობის ევაკუაცია განხორციელდა. პრევენციის მიზნით ისინი უსაფრთხო ადგილას გადაიყვანეს. საგანგებო სიტუაციების მართვის სააგენტოს ინფორმაციით, ორივე სოფელში წყლის დონემ საგრძნობლად იკლო და მოქალაქეებს საფრთხე არ ემუქრებათ.

„გატარებული ღონისძიებების შედეგად სიტუაცია ექვემდებარება კონტროლს და ვითარების გართულება მოსალოდნელი არ არის. საგანგებო სიტუაციების მართვის სამსახური, ყველა შესაბამის სამსახურთან ერთად, ვითარების მუდმივ მონიტორინგს განაგრძობს“, - ნათქვამია განცხადებაში.

ძლიერმა წვიმამ სამეგრელოს მუნიციპალიტეტები აზარალა. დაიტბორა მოსახლეობის სახლები და ეზოები, საკარმიდამო ნაკვეთები. ასევე განადგურდა მოსავლის ნაწილი.