სოხუმი: კარგად ვაცნობიერებთ გალის შეხვედრების მიზანშეწონილობას
„მიუხედავად ამისა, ქართულმა მხარემ, წუთიერი პოლიტიკური ინტერესების სასარგებლოდ, საჭიროდ ჩათვალა სიის გამოქვეყნება, რითაც სრულად აიღო თავის თავზე პასუხიხმგებლობა ჟენევის საერთაშორისო მოლპარაკებების შესაძლო ჩაშლაზე. მიუხედავად ამისა, ჩვენ კარგად ვაცნობიერებთ ინცინდენტების პრევენციისა და მათზე რეაგირების მექანიზმების ფარგლებში მიმდინარე შეხვედრების მიზანშეწონილობას, რადგან, აღნიშნული მექანიზმი მხარეებს შორის შეხების წერტილების ძიებისკენაა მიმართული“, - გვითხრა დაურ კოვემ.
მისივე თქმით, თუ ქართული მხარე მომავალშიც დაჟინებით მოითხოვს „ოთხოზორია-ტატუნაშვილის“ სიის განხილვას, თავად შეუძლიათ მიმართონ რუს კოლეგებს, ინტერპოლიდან გამოითხოვონ ინფორმაცია, იმ პირების პასუხისმგებლობის საკითხის დაყენების მიზნით, რომლებიც აფხაზეთის რესპუბლიკის ტერიტორიაზე ჩადენილ დანაშაულებებებში მონაწილებდნენ.
27 ივნისს „ინციდენტების პრევენციისა და მათზე რეაგირების მექანიზმის“ რიგით 57-ე შეხვედრა ჩაიშალა. ის პროტესტის ნიშნად დაწყებიდან მალევე დატოვეს აფხაზეთის და რუსეთის წარმომადგენლებმა. თბილისის განმარტებით, ამის მიზეზი გახდა ულტიმატუმი - არ განხილულიყო გიგა ოთხოზორიას მკვლელობის საკითხი, რაზეც მათ უარი განაცხადეს.
ინტერვიუ ვრცლად შეგიძლიათ იხილოთ აქ.
მასალა შეიცავს ტერმინოლოგიას, რომელი აფხაზეთის ტერიტორიაზე გამოიყენება.