წალენჯიხაში მიმდინარე აქციის მონაწილეებს გუბერნატორი შეხვდა [ფოტო]
შეკრებილებმა გუბერნატორს უთხრეს, რომ წლებია სოფლებში უგზოობა აწუხებთ და მისგან ამ პრობლემის მოგვარებისთვის კონკრეტული ვადა მოითხოვეს.
სახელმწიფო რწმუნებულის პასუხად აღნიშნა, რომ გზების მშენებლობაზე ტენდერი სექტემბერში გამოცხადდება.
ალექსანდრე მოწერელიას თქმით, კომუნიკაციის პრობლემა მოსახლეობასა და ადგილობრივ ხელისუფლებას შორის, მისი გუბერნატორობის დროს არ იქნება.
„მოდით, სუფთა ფურცლიდან დავიწყოთ ურთიერთობა. მე თითოეულ ჩემს სიტყვაზე ვარ პასუხისმგებელი. გპირდებით, აქ იმდენად ხშირად მოვალ, რომ თავს მოგაბეზრებთ“, - უთხრა ალექსანდრე მოწერელიამ აქციის მონაწილეებს.
საპროტესტო აქცია გუბერანტორთან გასუბრების შემდეგ დასრულდა, მიუხედავად იმისა, რომ მოსახლეობის ნაწილს სახელმწიფო რწმუნებულის დაპირების არ სჯერა.
საპროტესტო აქციის მონაწილე ახალგაზრდებისგან შეიქმნა საინიციატიოვო ჯგუფი, რომლის წარმომადგენლები აცხადებენ, რომ იმ შემთხვევაში, თუ ხელისუფლება საპრეზიდენტო არჩევნებამდე არ დაიწყებს გზების დაგებას, ისინი არჩევნებს ბოიკოტს გამოუცხადებენ.
გუბერნატორმა მუჟავადან ჯვარში გადაინაცვლა, სადაც ასევე გზის პრობლემაა. მისი განცხადებით, ანალოგიური საკითხები ბევრ მუნიციპალიტეტს აწუხებს და ეს ეტაპობრივად მოგვარდება.
ჭალესა და მუჟავაში გზების მშენებლობის მოთხოვნით სოფლის მოსახლეობა დილიდან საპროტესტო აქციებს მართავს.