„თანასწორობის მოძრაობის“ თანამშრომლის მიმართ მუქარის ფაქტზე გამოძიება დაიწყო
ორგანიზაციის ხელმძღვანელ ცაბუნია ვართაგავას თქმით, სავარაუდოდ ყალბი „ფეისბუკ გვერდის“ მომხმარებელი მის მიერ გურამ კაშიას მიმართ საჯაროდ დაფიქსირებულმა მხარდაჭერამ გააღიზიანა და მუქარის შემცველი წერილიც მისწერა. ამბობს, რომ მსგავსი შინაარსის შეტყობინებები ადრეც მიუღია და რეაგირების გარეშე დატოვა, დღეს კი გადაწყვიტა სამართალდამცველებისთვის მიემართა.
სოციალურ ქსელში საქართველოს ნაკრების მცველის, გურამ კაშიას მიმართ გამოხატულმა სოლიდარობამ საზოგადოების ნაწილი გააღიზიანა. მიზეზი სპორტსმენის მხრიდან ლგბტ თემის დროშის სამკლაურით გამოსვლა გახდა მოედანზე. ამ ჟესტისთვის ფეხბურთელმა რამდენიმე დღის წინ უეფასგან „თანასწორობის ჯილდოც“ მიიღო.