ახალი ამბები
ზუგდიდში პური გაძვირდა [ვიდეო]
FaceBook Twitter
E-mail Print
ზუგდიდის საცხობების ნაწილში პურის ღირებულება გაძვირდა. მაგალითად, „პურის სახლში“ ფასმა 10-15 თეთრით მოიმატა თითქმის ყველა სახეობაზე. მიზეზი, როგორც განგვიმარტეს, ერთ ტომარა ფქვილზე 49 ლარამდე გაზრდილი ღირებულებაა. მათივე თქმით, ორი წლის განმავლობაში ფასი ეტაპობრივად იმატებდა, განსაკუთრებით შესამჩნევი კი ბოლო ორ თვეში გახდა.

„ყოველ ორ კვირაში თითო-თითო, ორ-ორ ლარად იმატებდა. როგორც გვითხრეს, ხორბალია გაძვირებული. თუ ბატონის გასაყიდი ფასი 52-50 თეთრი იყო, ახლა მასიურად 60-ია. მრგვალი პურის შემთხვევაში 45-დან 55 თეთრამდე გაიზარდა. ტოსტის პურის ჩაბარების ფასი 82-83 თეთრი იყო, ახლა 93 თეთრი გახდა. მოიმატა ფუნთუშის ფასმაც“, - გვითხრეს პურის სახლში.

აღნიშნეს, რომ მომხმარებლებში ფასების მომატებამ უკმაყოფილება გამოიწვია, თუმცა ეს მათი რაოდენობის შემცირებაზე არ ასახულა. ამ ყველაფერს იმით ხსნიან, რომ პური თითოეული ოჯახისთვის სასიცოცხლოდ მნიშვნელოვანი პროდუქტია. განმარტეს - ბოლო წუთამდე თავს იკავებდნენ ღირებულების გაზრდისგან, თუმცა ჩაბარების ფასი უკვე თვითღირებულებას სცდებოდა.

პური ჯერ არ გაუძვირებიათ ზუგდიდში მოქმედ სხვა პურსაცხობებში. შპს „ნაროს“ მფლობელმა დავით ნაროუშვილმა გვითხრა, რომ ფასები მათთან და ყველა სხვა ქარხანაში ხვალიდან 10 თეთრით მოიმატებს. ამბობს, რომ ამ პირობებში რეალურად მოგება არაფერი რჩებათ და შესაბამისი გადაწყვეტილებაც მიიღეს.

„ჩვენთან, ადგილზე პურის საბითუმო ფასი გვაქვს 50 თეთრი, გახდება 60 თეთრი. მიზეზი დენის და გაზის გაძვირებასთან ერთად, განსაკუთრებით არის ხორბლის ღირებულების გაზრდა. ერთი ტომარა ხორბალი გაძვირდა 11 ლარით. კიდევ ძვირდება ჩვენი ინფორმაციით. სად გაჩერდება და როგორ, არ ვიცით“, - აღნიშნა მან.

პურის და ფუნთუშის ღირებულებას ხვალიდან შპს „ლეკოც“ გააძვირებს. მისმა მეპატრონემ, ლევან ბეჭვაიამ „ლაივპრესთან“ საუბარში იგივე მიზეზები დაასახელა, რაც წინა ორი საცხობის წარმომადგენელმა. მომხმარებელი მათ პროდუქციას პურზე 10, ფუნთუშაზე კი 5 თეთრით გაზრდილ ფასად შეიძენს.

ჩვენს მიერ ზუგდიდის ქუჩებში გამოკითხული მოქალაქეების უმრავლესობას პურზე ფასის მომატების შესახებ ინფორმაცია არ აქვს. ამბობენ, რომ ჯერაც ეს პროდუქტი ძველი ღირებულებით შეიძინეს. განმარტავენ - ფასის ზრდა მნიშვნელოვნად დააწვება ოჯახების ბიუჯეტს, რომლებსაც ისედაც უჭირთ.

მარკეტებში აცხადებენ, რომ გაძვირება ჯერ მათთან არ ასახულა. მხოლოდ ერთ მაღაზიაში ლიტვურ პურზე ფასმა ათი თეთრით მოიმატა.

პურის საცხობებში აქვთ ინფორმაცია, რომ ფასის ზრდა კიდევ იგეგმება. მათი თქმით, შესაძლოა ერთი ტომარა ფქვილის ღირებულება 60 ლარიც კი გახდეს.

Print E-mail
Twitter
სხვა მასალები
საქართველოს საგარეო საქმეთა მინისტრი
21:24 / 23.01.2022
საქართველოს საგარეო საქმეთა მინისტრი
საგანგებო სიტუაციების მართვის სამსახური მოსახლეობას
16:51 / 23.01.2022
საგანგებო სიტუაციების მართვის სამსახური მოსახლეობას
დაავადებათა კონტროლის ეროვნული ცენტრის ინფორმაციით,
11:42 / 23.01.2022
დაავადებათა კონტროლის ეროვნული ცენტრის ინფორმაციით,
დღეს ქვეყანაში გამოვლენილი ინფიცირების 9 696 ახალი შემთხვევიდან
11:06 / 23.01.2022
დღეს ქვეყანაში გამოვლენილი ინფიცირების 9 696 ახალი შემთხვევიდან
კორონავირუსი

საბჭოთა რეპრესიები

ვიდეო
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.