სამეგრელო-ზემო სვანეთის გუბერნატორად ალექსანდრე მოწერელია მიმდინარე წლის 20 აგვისტოს დაინიშნა. დღემდე მის შესახებ მწირი ინფორმაცია იყო ცნობილი, რომ სახელმწიფო რწმუნებულის თანამდებობამდე თხილის გადამამუშავებელთა და ექსპორტიორთა ასოციაციის აღმასრულებელ დირექტორად მუშაობდა. სამხარეო ადმინისტრაციის გვერდზე გუბერნატორის ბიოგრაფია უკვე დევს.

ამ მონაცემების მიხედვით, ალექსანდრე მოწერელია 1972 წლის 16 ნოემბერს დაიბადა, ქალაქ ფოთში.

1989-1995 წლებში დაამთავრა საქართველოს ტექნიკური უნივერსიტეტი - საინჟინრო ფიზიკის ფაკულტეტი, სპეციალობა ინჟინერ-ფიზიკოსი.

რაც შეეხება მის სამუშაო გამოცდილებას:

1994 -1995 წლებში ქალაქ ფოთის საზღვაო ნავსადგურის კომერციული განყოფილების ინჟინერია.

1995-1996 წლებში საბაჟო დეპარტამენტის ფოთის საბაჟოს ინსპექტორის პოზიციაზე მუშაობს.

1996-1997 წლებში უკვე ფოთის საბაჟოს უფროსი ინსპექტორის თანამდებობა უკავია.

2002 წელს ალექსანდრე მოწერელიამ ამერიკის შეერთებულ შტატებში USAID-ის ბიზნეს საკვალიფიკაციო პროგრამის სტაჟირება გაიარა.

1998- 2002 წლებში შპს „მაგთიკომის“ რეგიონალური წარმომადგენელია სამეგრელოში.

2003-2004 წლებში საქართველოს სახელმწიფო უშიშროების სამსახურის ოპერატიული აღრიცხვის სამმართველოს ქვეგანყოფილებას ხელმძღვანელობს.

2005-2007 წლებში შპს „Fima-Georgia-ს“ მმართველი პარტნიორია.

2007 წელს ამავე შპს-ს დირექტორი/პარტნიორი.

2013 წლიდან მიმდინარე წლის აგვისტომდე „საქართველოს თხილის გადამამუშავებელთა და ექსპორტიორთა ასოციაციის“ გამგეობის თავმჯდომარედ მუშაობდა.

2018 წლის 20 აგვისტოდან დღემდე სამეგრელო-ზემო სვანეთის გუბერნატორია.

ალექსანდრე მოწერელია ფლობს ქართულ, ინგლისურ და რუსულ ენებს.

სახელმწიფო რწმუნებული დაოჯახებულია.

ალექსანდრე მოწერელიამ გუბერნატორის თანამდებობაზე ლევან შონია შეცვალა.

მოძრაობა „სამეგრელოს ხმის“ დამფუძნებელმა თენგიზ ჯგუშიამ გააკრიტიკა რამდენიმე დღის წინ გამართულ ბრიფინგზე ახალი სახელმწიფო რწმუნებული, რომ მის შესახებ მხოლოდ ძალიან მწირი ინფორმაცია იძებნება, ბიოგრაფია კი მოსახლეობისთვის დღემდე უცნობი იყო.