ახალი ამბები
მერიის თანამშრომელი ზურაბიშვილის ვიდეოზე: ერთი სული მქონდა გამეზიარებინა
FaceBook Twitter
E-mail Print
ზუგდიდის მუნიციპალიტეტის მერიის თანამშრომელმა ფეისბუკზე დამოუკიდებელი და პარტია "ქართული ოცნების" მხარდაჭერილი საპრეზიდენტო კანდიდატის სარეკლამო ვიდეორგოლი გააზიარა. ააიპ „ხელოვნებისა და კულტურის განვითარების ცენტრის“ თანამშრომელმა თემურ კიკალეიშვილმა სააგიტაციო ვიდეოს სალომე ზურაბიშვილის საარჩევნო სლოგანი ჰეშთეგით - „ერთად საქართველოსთვის“ დაურთო და დღეს 13:15 საათზე გამოაქვეყნა.

„საერთაშორისო გამჭვირვალობა - საქართველო“ მიიჩნევს, რომ ფაქტით საოლქო საარჩევნო კომისია უნდა დაინტერესდეს. ორგანიზაციის ზუგდიდის ოფისის კოორდინატორის, არჩილ თოდუას შეფასებით, სამუშაო საათებში სოციალური ქსელის მეშვეობით რომელიმე პოლიტიკური სუბიექტის სააგიტაციო მასალის გავრცელება არის კანონდარღვევა.

„საარჩევნო კომისიამ უნდა შეისწავლოს აღნიშნული ფაქტი. ასევე, იმყოფებოდა თუ არა ეს პირი შვებულებაში. თუმცა საარჩევნო კომისიას სამუშაო საათებში მოხელის მიერ სოციალურ ქსელში სააგიტაციო მასალის გავრცელება დარღვევად მაშინ მიაჩნია, როდესაც იგი იყენებს სამსახურის კომპიუტერს, ტელეფონს ან ინტერნეტს, რასაც ჩვენი ორგანიზაცია არ ეთანხმება“, - განაცხადა არჩილ თოდუამ.

თემურ კიკალეიშვილი ირწმუნება, რომ ვიდეორგოლი შესვენებისას გამოაქვეყნა და კანონი არ დაურღვევია.

„ეს ვიდეო დაიდო დილით. ერთი სული მქონდა გამეზიარებინა, მაგრამ დაველოდე შესვენებას. ვიდეო გაზიარებული მაქვს ზუსტად ორის თხუთმეტ წუთზე. არ დამირღვევია კანონი“, - უთხრა მან "ლაივპრესს".

ზუგდიდის საოლქო საარჩევნო კომისიას უფრო ადრე „საერთაშორისო გამჭვირვალობა - საქართველომ“ მიმართა საჩივრით, სოციალურ ქსელში სამუშაო დროს მერის წარმომადგენლის მიერ სააგიტაციო მასალის გამოქვეყნებაზე. კომისიამ ეს ფაქტი დარღვევად არ ცნო, რადგან „ინფორმაციის გაზიარება მოხდა პირად საკუთრებაში არსებული მობილური ტელეფონით და არა მუნიციპალიტეტის ბალანსზე არსებული რომელიმე სხვა ტექნიკური საშუალებით“.

იგივე არგუმენტით დაასაბუთა კომისიამ მერის მოვალეობის შემსრულებლის წინააღმდეგ შეტანილი „სამართლიანი არჩევნების“ საჩივარიც. არასამთავრობო ორგანიზაცია საჩივარში წერდა, რომ მაიზერ ნანავამ სამუშაო საათებში გამოაქვეყნა სალომე ზურაბიშვილის მხარდამჭერი სტატუსი.
Print E-mail
Twitter
ვიდეო
ჰოლანდიური ნესვის სათბური ზუგდიდში [ვიდეო]
ზუგდიდის სოფელ ცაიშში 65 წლის გენო ასათიანს ნესვი მოჰყავს.
ზუგდიდის „საარჩევნო ტურიზმის“ მადლი [ვიდეო]
არჩევნები დასრულდა და ქალაქი ნელ-ნელა უბრუნდება ჩვეულ რიტმს.
დამკვირვებელი ქალი, რომელიც არჩევნებმა პოპულარული გახადა [ვიდეო]
63 წლის ქეთევან სორდია ზუგდიდის სოფელ კახათში ცხოვრობს.
ცირკი ცხოველების გარეშე - აქცია ზუგდიდში [ვიდეო]
ზუგდიდში ცირკის ცხოველების მხარდასაჭერი აქცია გაიმართა.
არის თუ არა შრომითი უფლებები დაცული - გამოკითხვა
1 მაისი მშრომელთა საერთაშორისო დღეა.
ფოტო
ქვეყნის დამოუკიდებლობის 101-ე წლისთავი ზუგდიდში [ფოტო]
ზუგდიდელები საქართველოს დამოუკიდებლობის 101-ე წლისთავს აღნიშნავენ.
ზუგდიდის ცენტრალურ ქუჩებში საცობებია [ფოტო]
ზუგდიდის ბულვართან ცენტარლური გზების ჩაკეტვამ ქალაქში
ქვეითთა შეზღუდული უფლებები ზუგდიდში [ფოტო]
ქვეითთა უფლებები ზუგდიდში ხშირად ირღვევა.
პროტესტი ვენეციის კომისიის სახელით [ფოტო]
უზენაეს სასამართლოს მოსამართლეთა უვადოდ
ქვეითთა წაშლილი გადასასვლელები ზუგდიდში [ფოტო]
ზუგდიდის ცენტრში, საავტომობილო გზებზე ქვეითთა გადასასვლელები
მზარეულის მაგიდა
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.