ზუგდიდის მოსახლეობის 95% ინტელექტია, 5% გიჟი, რა ვქნათ ყველგან არიან, ამიტომაც გვაქ ჯანდაცვის პროგრამები, რომ მათ ვუმკურნალოთ, - განაცხადა მერის მოვალეობის შემსრულებელმა მაიზერ ნანავამ ანგარიშის წარდგენაზე მოქალაქე თეონა ქარდავას მისამართით.

შეხვედრას წინ უძღოდა აფხაზეთიდან დევნილის, თეონა ქარდავას დაპირისპირება მაიზერ ნანავასთან. ის მერიის სხდომათა დარბაზში რამდენიმე იძულებით გადაადგილებულ პირთან ერთად მივიდა და პროტესტის ნიშნად იატაკსა და მაგიდაზე პოლიეთილენის ბრეზენტები დაყარა. მათი უკმაყოფილების მიზეზი გახდა ის, რომ სტიქიის შედეგად სახურავ გადახდილი საცხოვრებელი კორპუსი ამ დრომდე არ გადაუხურავთ.