ახალი ამბები
აქვს თუ არა მაიზერ ნანავას ვიცე მერის დანიშვნის უფლება - ექსპერტთა მოსაზრებები
FaceBook Twitter
E-mail Print
ზუგდიდის მერის მოვალეობის შემსრულებელი მაიზერ ნანავა აცხადებს, რომ ვიცე მერის ვაკანტურ თანამდებობაზე რამდენიმე კანდიდატურას განიხილავს. თუმცა საზოგადოებაში გაჩნდა კითხვის ნიშნები, რამდენად აქვს მას ამის უფლება, რადგან ამ პოზიციის შეთავსებამდე ის მერის მოადგილე იყო, ვიცე მერი კი უფრო მაღალი იერარქიაა. ექსპერტების მოსაზრებები აღნიშნულ თემაზე არაერთგვაროვანი და ურთიერთწინააღმდეგობრივია.

მაგალითად, ექსპერტის თვითმმართველობის საკითხებში, ალექსანდრე სვანიშვილის განმარტებით, რადგან მაიზერ ნანავა დღეს მერის მოვალეობას ასრულებს, ეს კი ნიშნავს, რომ აღმასრულებელი ორგანოს ხელმძღვანელის უფლებამოსილება მთლიანად მასზე გადადის. მისი თქმით, ის მოცემულ შემთხვევაში არ არის მოადგილე, არამედ მერის მოვალეობის შემსრულებელია, მერის უფლებამოსილებებში კი მოადგილეების დანიშვნა ნამდვილად წერია.

„უბრალოდ აქ არის საკითხი, საარჩევნო კამპანიის პერიოდში საკადრო გადაადგილება არის დაუშვებელი. თუ ეს ვაკანტური ადგილია, შესაძლებელია დაინიშნოს, თუ ვინმეს გათავისუფლება უნდა მოხდეს და დანიშვნა, მაშინ დაუშვებელია“, - უთხრა ალექსანდრე სვანიშვილმა „ლაივპრესს“.
r
განსხვავებული პოზიცია აქვს საქართველოს რეფორმების ასოციაციის (GRASS) ანალიტიკოს ეგნატე შამუგიას. მისი თქმით, მერის მოადგილე ამ შემთხვევაში მერის მოვალეობას ასრულებს და არა უფლებამოსილებას. მოვალეობები კი გულისხმობს მათ შორის ბიუჯეტის და ანგარიშების წარდგენას, სხვადასხვა აქტის გამოცემას. ერთი სიტყვით, რაც საჭიროა მმართველობითი საქმიანობის განსახორციელებლად.

„მაგრამ, ამავდროულად გვაქვს თვითმმართველობის კოდექსი, სადაც ნათქვამია, რომ მერის პირველი მოადგილის და მოადგილის დანიშვნის უფლება აქვს მხოლოდ მერს. მერის მოვალეობის შემსრულებელი ვერ იქნება მერი. ეს არის მისი ფუნქციური დატვირთვა და არა თანამდებობრივი. მერი რომ იყოს, ის პირდაპირი წესით უნდა იყოს არჩეული. კანონი არ იძლევა ინტერპრეტაციის საშუალებას, რადგან სიტყვა სიტყვით წერია, რომ მერის მოადგილეს და პირველ მოადგილეს ნიშნავს მერი“, - განმარტა ეგნატე შამუგიამ.

ანალიტიკოსის თქმით, ისედაც აბსურდია თანამდებობრივად მაღალი იერარქიის პირის დანიშვნა, თანმედებობრივად უფრო დაბალ პოზიციაზე მომუშავე საჯარო მოხელის მიერ.

მანვე აღნიშნა, რომ თუკი მაიზერ ნანავა ვიცე მერის დანიშნვის შესახებ ბრძანებას გამოსცემს, ეს ბრძანება უკანონო იქნება. თუმცა, სხვა პირებს ამ გადაწყვეტილების სასამართლოს გზით ბათილად ცნობის უფლება არ ექნებათ.

„ბრძანების გასაჩივრების უფლება აქვს მხოლოდ დაინრტერესებულ მხარეს, ვის უფლებებსაც უშუალოდ ეხება. ამ შემთხვევაში, პირის დანიშვნის შესახებ ბრძანება მხოლოდ იმ პირის უფლებებს ეხება, ვინც დაინიშნება ამ ბრძანებით. ის კი, ცხადია არ იტყვის, რომ უკანონოდ მოხდა დანიშვნა და არც სასამართლოს მიმართავს“, - აღნიშნა ეგნატე შამუგიამ.

მერის მოვალეობის შემსრულებელმა მაიზერ ნანავამ „ლაივპრესს“ დაუდასტურა, რომ ვიცე მერის პოზიციაზე რამდენიმე კანდიდატურას განიხილავს. ერთ-ერთი მათგანი თი ბი სი ბანკის ზუგდიდის ფილიალის მმართველი გეგა შენგელიაა. მისი თქმით, „გარკვეული მოლაპარაკებები“ მიმდინარეობს, ყველაფერი კი უახლოეს მომავალში გაირკვევა.

ყოფილმა ვიცე-მერმა გია გულორდავამ თანამდებობა 13 სექტემბერს დატოვა. მანამდე, საკუთარი განცხადების საფუძველზე გადადგა ყოფილ მერი ლაშა გოგია. ორივე მათგანი დღეს გლდანის სასჯელაღსრულების მერვე დაწესებულებაში იმყოფება. თბილისის საქალაქო სასამართლომ მათ აღმკვეთის ღონისძიებად პატიმრობა 3 ნოემბერს შეუფარდა.

გამოძიების ინფორმაციით, 2018 წლის პირველ ნახევარში, ლაშა გოგიამ და გია გულორდავამ, რომლებიც იმ პერიოდში ზუგდიდის მუნიციპალიტეტის მერის და ვიცე-მერის თანამდებობებს იკავებდნენ, ქალაქ ზუგდიდში მდებარე გულუას ბაღის და რკინიგზის სადგურის მიმდებარე ტერიტორიების იჯარით გასაცემ აუქციონზე გატანის სანაცვლოდ მოქალაქეს ქრთამის სახით მოსთხოვეს და გამოართვეს განსაკუთრებით დიდი ოდენობით თანხა - 21 500 აშშ დოლარი.
Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.