ზუგდიდის ვიცე მერად გეგა შენგელია დაინიშნა
"პრესკონფერენციას უახლოეს დღეებში გავმართავ, სადაც სამომავლო გეგმებზე ვისაუბრებ", - განმარა მან.
ჯერ კიდევ 5 ნოემბერს გეგა შენგელიამ დაგვიდასტურა, რომ აღნიშნულ თანამდებობაზე დასანიშნად მასთან მოლაპარაკებები მიმდინარეობდა. მერის მოვალეობის შემსრულებელმა მაიზერ ნანავამ კი გვითხრა, რომ ვიცე მერის პოზიციაზე რამდენინე კანდიდატი გაინიხილება.
რამდენად აქვს ვერს მოვალეობის შემსრულებელს ვიცე მერის დანიშვნის უფლება, ამაზე თვითმმართველობის სპეციალისტებს განსხვავებული მოსაზრებები აქვთ.
ყოფილმა ვიცე-მერმა გია გულორდავამ თანამდებობა 13 სექტემბერს დატოვა. მანამდე, საკუთარი განცხადების საფუძველზე გადადგა ყოფილ მერი ლაშა გოგია. ორივე მათგანი დღეს გლდანის სასჯელაღსრულების მერვე დაწესებულებაში იმყოფება. თბილისის საქალაქო სასამართლომ მათ აღმკვეთის ღონისძიებად პატიმრობა 3 ნოემბერს შეუფარდა.
გამოძიების ინფორმაციით, 2018 წლის პირველ ნახევარში, ლაშა გოგიამ და გია გულორდავამ, რომლებიც იმ პერიოდში ზუგდიდის მუნიციპალიტეტის მერის და ვიცე-მერის თანამდებობებს იკავებდნენ, ქალაქ ზუგდიდში მდებარე გულუას ბაღის და რკინიგზის სადგურის მიმდებარე ტერიტორიების იჯარით გასაცემ აუქციონზე გატანის სანაცვლოდ მოქალაქეს ქრთამის სახით მოსთხოვეს და გამოართვეს განსაკუთრებით დიდი ოდენობით თანხა - 21 500 აშშ დოლარი.