რუსეთის პრეზიდენტი ვლადიმირ პუტინი სოჭში შეხვდა აფხაზეთის დე ფაქტო რესპუბლიკის პრეზიდენტ რაულ ხაჯიმბას. სოხუმი იუწყება, რომ მხარეებმა ეკონოიკური ურთიერთობის გაძლიერებაზე ისაუბრეს. ვლადიმირ პუტინმა აღნიშნა, რომ "ორ სახელმწიფოს შორის" ტვირთბრუნვა თანდათანობით იზრდება, მაგრამ ნელა. მისი განცხადებით, ამ მიმართულებით მუშაობა უნდა გაძლიერდეს.

თავის მხრივ რაულ ხაჯიმბამ რუსეთის პრეზიდენტს მასთან შეხვედრის შესაძლებლობისთვის მადლობა გადაუხადა და აღნიშნა, რომ რეგიონში საინვესტიციო გარემო უმჯობესდება.

მისი სიტყვებით, შეხვედრების ტრადიციული ხასიათის მიუხედავად, მაინც რჩება საკითხები, რომლების განხილვაც საჭიროა. „ამ ხნის განმავლობაში საინვესტიციო პროგრამის ხაზით მუშაობა ინტენსიურად მიმდინარეობს, არის წარმატებები“, -თქვა მან.

დე ფაქტო რესპუბლიკის პრეზიდენტის მტკიცებით, აგრარულ სექტორში უკვე არის დასრულებული ერთობლივი პროექტებიც.