ხობის სოფელ ხიბულაში ხანძრის შედეგად დაშავებული პაციენტის მდგომარეობა ამ დრომდე სტაბილურად მძიმეა. თბილისის დამწვრობის ცენტრის ხელმძღვანელ გუგა ქაშიბაძის ინფორმაციით, მეტ-ნაკლებად სტაბილურობას ინარჩუნებენ.

„მათ ისეთი დიაგნოზები აქვთ, ასე სწრაფად გაუმჯობესებას არც ველოდებით. მთავარია გაუარესება არ იყოს“, - უთხრა ქაშიბაძემ „ლაივპრესს“.

მისივე ინფორმაციით, ერთ პაციენტს სხეულის 60%-იანი დამწვრობა აღენიშნება, მეორეს 40%, მესამეს კიდევ 35%.

სულ, 19 ნოემბერს, საცხოვრებელ სახლში გაჩენილი ხანძრის შედეგად ერთი ოჯახის შვიდი წევრი დაშავდა. მათგან ორი გარდაიცვალა, ამდენივე კი საავადმყოფოდან გაწერეს.