ახალი ამბები
სმენადაქვეითებული და უსინათლო პირები ზუგდიდში, სპეციალურ კლუბში განათლებას მიიღებენ [ვიდეო]
FaceBook Twitter
E-mail Print
ზუგდიდში, „ყრუთა კავშირის“ ბაზაზე გაიხსნა მხარდამჭერი კლუბი იმ ადამიანებისთვის, რომლებსაც ერთდროულად სმენის და მხედველობის პრობლემა აქვთ. ეს იქნება ადგილი, სადაც შესაბამისი საჭიროების პირების საზოგადოებაში ინტეგრირების კუთხით სპეციალისტები იმუშავებენ, იზრუნებენ მათ განათლებაზე, კომუნიკაციის უნარის გაუმჯობესებაზე. საქმე გვაქვს ამიერკავკასიაში მსგავსი დანიშნულების პირველ ცენტრთან, რომლის კლუბებიც ზუგდიდის გარდა ბათუმში, თბილისსა და თელავში იფუნქციონირებს.

პროექტის ფარგლებში, რომელიც პოლონეთის საგარეო საქმეთა სამინისტროს განვითარების პროგრამის მიერაა მხარდაჭერილი, საგანგებოდ შეიქმნა ლორმის ანბანის ქართული ვერსია ჯერ კიდევ ივლისში, პოლონელი და ქართველი სპეციალისტების კოორდინაციით. ანბანის სწავლება ამ ადამიანებისთვის ხელის გულის მეშვეობით ხდება, რომლის თითოეული წერტილიც კონკრეტული ასოს აღმნიშვნელია, რაც უსინათლოებს შეგრძნებების მეშვეობით გაუადვილებს სწავლის პროცესს.

კლუბის საქმიანობაში საკრებულოს და მერიის თითო წარმომადგენელია ჩართული, რომლებიც გადაამზადეს პრობლემის მქონე პირებთან კომუნიკაციისთვის. ერთ-ერთი მათგანი მერიის სოციალური სამსახურის თანამშრომელი და პროექტის ხელმძღვანელია ადგილზე, ნონა კვარაცხელია, რომელიც ჟესტების ენას ფლობს. მისი განმარტებით, ინტეგრაციისთვის საჭირო უნარებს ბენეფიციარები მათი დახმარებით განავითარებენ, მიიღებენ სერვისს საჭიროებების შესაბამისად. კლუბში ჯერ მხოლოდ სამი სპეციალისტია. თუმცა სურვილის შემთხვევაში მოხალისეებს გადაამზადებენ, გაუზიარებენ ცოდნას და გამოცდილებას, რომელიც პოლონეთში ვიზიტისას შეიძინეს.

პროექტის განხორციელებაში მონაწილეობს საკრებულოს წევრი ირუზა კაკავაც, რომელიც კლუბში თარჯიმან მეგზურის ფუნქციას შეასრულებს და ურთიერთობასა და კომუნიკაციაში დაეხმარება ბენეფიციარებს, გაჰყვება შეხვედრებზე. ის ლორმის ენის სპეციალისტია. მისი თქმით, ადგილობრივი თვითმმართველობა მზადაა მსგავსი საჭიროების ბენეფიციარებს დაეხმაროს. კერძოდ, გამოყონ თანხა მუნიციპალიტეტის ბიუჯეტში უკვე 2020 წლისთვის. ეს იმიტომ, რომ ამ კუთხით მუშაობას ახლა იწყებენ და მომავალი წლის მთავარ საფინანსო დოკუმენტში ეს ვეღარ მოასწრეს.

„ჯერ ჩვენ მონაცემთა ზუსტი ბაზა არ გვაქვს. მოძიების პროცესში ვართ. მუნიციპალიტეტში უკვე თერთმეტამდე ასეთი საჭიროების მქონე ადამიანი მოვიძიეთ“, - აღნიშნა მან.

შეხვედრას საკრებულოს თავმჯდომარე და მერის მოვალეობის შემსრულებელიც ესწრებოდნენ. მათაც დაადასტურეს მხარდაჭერისთვის მზაობა. მამუკა წოწერიამ კი განაცხადა, რომ ლორმის ანბანს შეისწავლის.

კლუბის გახსნის ღონისძიებას პოლონეთის საგარეო საქმეთა სამინისტროს განვითარების პროგრამის დეპარტამენტის ვიცე დირექტორიც დაესწრო. მარეკ კუბერსკის განცხადებით, მნიშვნელოვანია, რომ მათ აქვთ შესაძლებლობა, მხარი დაუჭირონ პროექტს, რომელიც ძალიან სენსიტიური პრობლემის პირებს ეხებათ. მანვე განმარტა - ამ მიმართულებით საქართველოში დღემდე არავის უმუშავია.

„პოლონეთში უკვე დიდი გამოცდილება გვაქვს. გვინდა ჩვენი გამოცდილების გაზიარება საქართველოსთვის. ვფიქრობთ, ეს პროექტი იქნება წარმატებული, განსაკუთრებით თქვენს რეგიონში. საქართველო პოლონეთისთვის და პოლონეთის დახმარების პროგრამისთვის ერთ-ერთი პრიორიტეტია 2004 წლიდან, როცა დავიწყეთ ამ პროგრამების განხორციელება“, - აღნიშნა მან.

შეხვედრის მონაწილეთა თქმით, თუ დღემდე არსებობდა მხოლოდ სმენადაქვეითებულის, ან უსინათლოს დეფინიცია საკანონმდებლო აქტებში, უკვე დაწყებულია მუშაობა და გაჩნდა ორივე პრობლემის ერთდროულად მქონის დეფინიციაც.

კლუბი შეიქმნა „მომავალი იწყება დღეს“ და პოლონური ორგანიზაცია Human Doc-ის პროექტის ,,მხედველობა - სმენის პრობლემების მქონე მხარდაჭერის სისტემის შექმნა საქართველოში“ ფარგლებში, პოლონეთის საგარეო საქმეთა სამინისტროს დაფინანსებით.

ზუგდიდში რომ მსგავსი კლუბი გაიხსნებოდა, ამის შესახებ ცნობილი საკრებულოს ერთ-ერთ სხდომაზე გახდა.

Print E-mail
Twitter
სხვა მასალები
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.