აშშ-მა რუსეთის მოქალაქეებს მრავალჯერადი ვიზები გაუძვირა
ვიზის ღირებულება მთლიანობაში 143 დოლარით, ნაცვალგების საფუძველზე იზრდება-აღნიშნულია საელჩოს საიტზე. ანალოგიურ ვიზებში ამდენივე თანხას იხდიან რუსეთში მიმავალი აშშ-ის მოქალაქეები.
2017 წლის მარტში ამერიკის შეერთებული შტატების პრეზიდენტმა განკარგულება გასცა, გათანაბრებულიყო ამერიკული ვიზების ღირებულება იმ ქვეყნების ვიზების ღირებულებასთან, რომელსაც ამერიკის შეერთებული შტატების მოქალაქეებს ახდევინებდნენ.
მრავალჯერადი ვიზის ფასის გაზრდის გარდა, გართულდა ასევე მისი ხელმეორედ მიღების პროცედურაც. აქამდე ასეთი ვიზის მიღება ფოსტის საშუალებითაც შეიძლებოდა, ახლა კი რუსეთის მოქალაქეებს გასაუბრება მოუწევთ.