პრეზიდენტი: იმედი მაქვს, ზვიად გამსახურდიას საქმეზე ისტორიული სამართლიანობა აღდგება
„იმედს გამოვთქვამ, რომ მთავარი პროკურორის ხელმძღვანელობით გაწეული სამუშაოს შედეგად, პირველი პრეზიდენტის გარდაცვალების გარემოებებს ნათელი მოეფინება და აღდგება ისტორიული სამართლიანობა, რაც ჩვენი ქვეყნის ღირსების საქმეა“, - აცხადებს სალომე ზურაბიშვილი.
პრეზიდენტმა პარლამენტს 21 დეკემბერს მიმართა ზვიად გამსახურდიას მკვლელობის გამოძიების ხანდაზმულობის ვადის გაგრძელების თხოვნით.
მანამდე იგივე მოთხოვნით შიმშილობის აქცია დაიწყეს ცოტნე და კონსტანტინე გამსახურდიებმა.
გავრცელება აღნიშნულთან დაკავშირებით ომბუდსმენმაც გაავრცელა.
საქართველოს პირველი პრეზიდენტის, ზვიად გამსახურდიას გარდაცვალების საქმის ხანდაზმულობის ვადის გაზრდაზე პარლამენტი ორშაბათიდან დაჩქარებულად იმსჯელებს. პარლამენტის თავმჯდომარემ, ირაკლი კობახიძის განაცხადებით, პარლამენტმა გაითვალისწინა ზვიად გამსახურდიას ოჯახის მოთხოვნა და კანონი მომდევნო კვირის ბოლომდე იქნება მიღებული.