ზუგდიდის მერიის სპორტულ დაწესებულებათა ცენტრში საკადრო ცვლილებები განხორციელდა. ცენტრის დირექტორმა და მისმა მოადგილემ თანამდებობები გაცვალეს. ყოფილი დირექტორი დავით კვაშილავა მოადგილე გახდა, მისი მოადგილე გოჩა ჩიქოვანი კი დირექტორი.

როგორც „ლაივპრესს“ დავით კვაშილავამ განუცხადა, ცვლილება 31 დეკემბერს, მისივე თხოვნით განხორციელდა და დღეიდან ამოქმედდა. „ეს იყო ჩემი თხოვნა, იმ მიზეზით, რომ ნაკლები დატვირთვა მქონდეს“, - განაცხადა დავით კვაშილავამ. 

ააიპ-ის დირექტორს მერი ან მისი მოვალეობის შემსრულებელი ნიშნავს, მოადგილეს კი თავად ააიპის ხელმძღვანელი.