ზუგდიდი ხვალ, 5 იანვარს საშობაო ბაზრობას ისევ უმასპინძლებს. ღონისძიებები კვლავ სკეიტ პარკში გაიმართება. მერიის ინფორმაციით, ბაზრობა რეგიონის მუნიციპალიტეტების მონაწილეობით 13:00 საათზე დაიწყება.

15:00 საათზე წარმოდგენილი იქნება გ.ნახუცრიშვილის „ჭინჭრაქას" მიხედვით დადგმული სპექტაკლი „ბერიკაობა“, ზუგდიდის შალვა დადიანის სახელობის პროფესიული სახელმწიფო დრამატული თეატრის დასის მონაწილეობით.

16:00 საათზე ბავშვების საზეიმო განწყობაზე ზღაპრის გმირები, თოვლის ბაბუ და სანტა კლაუსი საგანგებო პროგრამით იზრუნებენ.

დღე 17:00 საათზე „პრეზიდენტის ნაძვის ხის“ კონცერტით დასრულდება. ამ დროისთვის ზუგდიდში სალომე ზურაბიშვილს ელოდებიან.

პატარებს საჩუქრებიც დაურიგდებათ.

საშობაო ბაზრობა სკეიტ პარკში 31 დეკემბერსაც მოეწყო.