ახალი ამბები
ზუგდიდის აფთიაქებში გრიპის ვირუსის საწინააღმდეგო ვაქცინა არ იყიდება
გრიპის ვირუსის თავიდან აცილების საუკეთესო საშუალებაა ვაქცინაცია, - აცხადებს დაავადებათა კონტროლისა და საზოგადოებრივი ჯანმრთელობის ეროვნული ცენტრი, თუმცა ირკვევა, რომ ვირუსის თავიდან აცილების ეს საშუალება ზუგდიდის აფთიაქებში არ იყიდება.

აფთიაქების ცხელ ხაზზე „ლაივპრესს“ უთხრეს, რომ არ იციან, თუ როდის ექნებათ ქსელში ვაქცინები. მათ ასევე უარი თქვეს განემარტათ, თუ რატომ არ არის ვაქცინა ხელმისაწვდომი აფთიაქებში.

ზუგდიდის საზოგადოებრივი ჯანდაცვის ცენტრის ხელმძღვანელის ნანა ოდიშარიას განცხადებით, აფთიაქებში ვაქცინების არარსებობა, სავარაუდოდ, იმით არის გამოწვეული, რომ ვაქცინაციის პერიოდი ძირითადად შემოდგომაზეა.

„აცრის სეზონი არის ოქტომბრის თვეში და ძირითადად ამ სეზონზე შემოაქვთ ხოლმე ვაქცინები. აფთიაქები ძირითადად კომერციულ გათვლებზე მუშაობენ და ალბათ მაშინ შემოაქვთ, როცა ამაზე მოთხოვნა არის მოსახლეობაში“, - გვითხრა ნანა ოდიშარიამ.

მისივე თქმით, მართალია ვაქცინაციის სეზონი გავიდა, მაგრამ ის ადამიანი, ვინც რისკის ჯგუფს მიეკუთვნება, შესაძლოა ნებისმიერ სეზონზე აიცრას.

„ქრონიკული დავადებების მქონე ადამიანებმა, რომლებიც რისკის ჯგუფს მიეკუთვნებიან, ნებისმიერ სეზონზე შეუძლიათ აცრა გაიკეთონ“, - აღნიშნა მან.

გაირკვა, რომ გრიპის საწინააღმდეგო ვაქცინა ზუგდიდში ამ ეტაპზე, მხოლოდ „ევექსის“ სამედიცინო დაწესებულებებში გვხვდება.

„ნებისმიერ მსურველს შეუძლია ჩვენთან გაიკეთოს ვაქცინა, რომელიც გვაქვს სხვადასხვა სახეობის, შესაბამისად, ფასებიც არის სხვადასხვა“, - გვითხრეს „ევექსში“.

დაავადებათა კონტროლისა და საზოგადოებრივი ჯანმრთელობის ეროვნული ცენტრმა დღეს გაავრცელა განცხადება, რომ გრიპის თავიდან აცილების საუკეთესო საშუალებაა ვაქცინაციაა. „გრიპის ვირუსი მუდმივად განიცდის ცვლილებებს, შესაბამისად გრიპის საწინააღმდეგო ვაქცინაცია საჭიროა ყოველწლიურად“, - ნათქვამია ცენტრის განცხადებაში.

სამეგრელო - ზემო სვანეთში ბოლო ორ თვეში ე.წ. ღორის გრიპით ორი ადამიანი გარდაიცვალა. ზუგდიდის რეფერალურ ჰოსპიტალში კი ამ დროისთვის გრიპისთვის დამახასიათებელი სიმპტომებით 15 პაციენტს მკურნალობენ, მათ შორის სამი მცირეწლოვანი ბავშვია, გრიპის სიმპტომებით 28 დეკემბრიდან დღემდე ჰოსპიტალს 229- მა მოქალაქემ მიმართა.
| Print |  E-mail
FaceBook Twitter Google
სხვა მასალები






ზუგდიდში, დადიანების მუზეუმის ეზოში კოლხური ქალ-ღვთაების ბრინჯაოს
21:27 / 19.03.2019
ზუგდიდში, დადიანების მუზეუმის ეზოში კოლხური ქალ-ღვთაების ბრინჯაოს






ზუგდიდის მაჟორიტარი დეპუტატების, მერაბ ქვარაიას და ედიშერ თოლორაიას
ბიუროები გამოეხმაურნენ
20:56 / 19.03.2019
ზუგდიდის მაჟორიტარი დეპუტატების, მერაბ ქვარაიას და ედიშერ თოლორაიას ბიუროები გამოეხმაურნენ






ფოთის მერიიდან ფინანსთა სამინისტროს საგამოძიებო სამსახურმა
2015-2017 წლებში შესრულებულ სამუშაოებთან დაკავშირებით
19:17 / 19.03.2019
ფოთის მერიიდან ფინანსთა სამინისტროს საგამოძიებო სამსახურმა 2015-2017 წლებში შესრულებულ სამუშაოებთან დაკავშირებით






განმუხურის ადმინისტრაციულ ერთეულში ხეები მოჭრეს. მცენარეები აკვა
პარკის
16:45 / 19.03.2019
განმუხურის ადმინისტრაციულ ერთეულში ხეები მოჭრეს. მცენარეები აკვა პარკის
დღის ფოტო
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.