ახალი ამბები
ზუგდიდელი ახალგაზრდების მონაწილეობით, ტომოსის კითხვის აქცია გაიმართება
თბილისში, ერეკლე მეორის მოედანზე, სადაც საქართველოს საპატრიარქოს შენობა მდებარეობს, გაიმართება ტომოსის კითხვის დღე. აქციის ორგანიზატორების თქმით, მათი მიზანია მოუწოდონ საპატრიარქოს, დააფიქსირონ საკუთარი პოზიცია უკრაინის ეკლესიისთვის ავტოკეფალიის მინიჭების აღიარებასთან დაკავშირებით. ამბობენ, რომ მსოფლიო პატრიარქმა შესაბამისი ტომოსი (ბრძანება) უკვე გამოსცა, რომლითაც იურიდიულად დაადასტურა მხარდაჭერა უკრაინის ეკლესიის მიმართ. ახლა, განმარტავენ - სხვა ეკლესიების მსგავსად ჯერი საქართველოს საპატრიარქოზეა, ცნონ გადაწყვეტილების სამართლიანობა.

აქციის ერთ-ერთი ორგანიზატორის, ზუგდიდელი ვლადიმერ წითლიძის თქმით, ეს იქნება ერთგვარი ტესტი, რამდენად გაბედავს, არ შეეშინდება და არ გაიყიდება ქართული ეკლესია. ამასთან, გამოიყენებს „უნიკალურ შანსს“ და მოიშორებს რუსულ ორბიტაზე მყოფობის სამარცხვინო იარლიყს და გაჰფანტავს ეჭვებს, რეალური დამოუკიდებლობის შესახებ. მანვე აღნიშნა, რომ უკრაინის ავტოკეფალიის ცნობა შეუქცევადი პროცესია, რომელიც ადრე თუ გვიან ყველა ეკლესიას მაინც მოუწევს, თუმცა საკითხს ქართველებისთვის ორმაგი მნიშვნელობა ენიჭება.

„ფაქტია, საქართველოს საპატრიარქო, როგორც ადრე, ახლაც ყველაფერს აკეთებს დრო გაწელოს და მოსკოვის პოზიციას არ დაუპირისპირდეს. ამ ფონზე, ორმაგად მნიშვნელოვანია კიდევ ერთხელ შევახსენოთ საკუთარი მრევლის პოზიცია და მივუტანოთ უკრაინის ავტოკეფალიის ცნობის ტომოსი რამდენიმე ენაზე (უკრაინულ, ბერძნულ და ქართულ ენებზე), რომ „გავუადვილოთ " გადაწყვეტილების მიღება. თან საინტერესოა და ალბათ იმ იშვიათ შემთხვევასთან გვაქვს საქმე, როცა საპატრიარქო ერთ მხარეს დაგას და მრევლის, საზოგადოების დიდი ნაწილი სხვა მხარეს“, - აცხადებს ვლადიმერ წითლიძე.

მისივე თქმით, მოსახლეობის უმრავლესობა სოლიდარულია უკრაინელი ხალხის და უკრაინული ეკლესიის ავტოკეფალიისადმი, საპატრიარქო კი ხელისუფლებასთან ერთად მარტოა ამ პოზიციაზე. აქციის ორგანიზატორის განმარტებით, ბოლოდროინდელი საგარეო პოლიტიკა, თუ არ ჩავთვლით მსოფლიო კრებაზე წაუსვლელობას, რომელიც რუსეთის ეკლესიის მოთხოვნა იყო, დღეს კი ასევე რუსეთის ეკლესის პოზიციაზე დგომა ბადებს ეჭვს, რამდენად აქვს საქართველოს ეკლესიას რეალური ავტოკეფალია და დამოუკიდებლობა საგარეო თუ საშინაო ურთიერთობებში.

„აქციის მიზანია მივაწვდინოთ საზოგადოების განწყობა საპატრიარქოს და გავაპროტესტოთ მისი პოზიცია აღიარებისგან თავის შეკავებაზე. ასევე, გამოვუცხადოთ სოლიდარობა უკრაინელ ხალხს.

რალურად უკრაინის ეკლესიის არაღიარება იქნება ლუსტარაცია ჩვენი ეკლესიის, როგორც რუსული ეკლესიის სატელიტის, რომელსაც არ აქვს რეალური დამოუკიდებლობა“, - უთხრა ლადო წითლიძემ „ლაივპრესს“.

ტომოსის კითხვა თბილისში, 14:00 საათზე დაიწყება.

ავტოკეფალიის დამადასტურებელი ტომოსი უკრაინის ეკლესიის მეთაურს მსოფლიო პატრიარქმა 6 იანვარს გადასცა. თუ მანამდე საქართველოს საპატრიაქრო აცხადებდა, რომ პოზიციის დასაფიქსირებლად მსოფლიო პატრიარქის გადაწყვეტილებას დაელოდებოდნენ, დღეს განმარტავენ, ტომოსის ტექსტს არ გაცნობიან, რომელიც ჯერ კიდევ რამდენიმე დღის წინ გამოქვეყნდა.

შარშან, პირველ ოქტომბერს კონსტანტინოპოლის მსოფლიო პატრიარქმა, ბართლომემ გააუქმა საუკუნეების განმავლობაში მოქმედი გადაწყვეტილება, რომელიც უკრაინის ეკლესიას მოსკოვის პატრიარქს უქვემდებარებდა.
| Print |  E-mail
FaceBook Twitter Google
სხვა მასალები






ზუგდიდის მერის რიგგარეშე არჩევნები შესაძლოა 19 მაისს დაინიშნოს.
11:18 / 21.03.2019
ზუგდიდის მერის რიგგარეშე არჩევნები შესაძლოა 19 მაისს დაინიშნოს.






ზუგდიდის მაჟორიტარი დეპუტატების, მერაბ ქვარაიას და ედიშერ თოლორაიას
ბიუროები არ ეთანხმებიან „ლაივპრესზე“,
20:28 / 20.03.2019
ზუგდიდის მაჟორიტარი დეპუტატების, მერაბ ქვარაიას და ედიშერ თოლორაიას ბიუროები არ ეთანხმებიან „ლაივპრესზე“,






ზუგდიდში, ქუჯის ქუჩაზე, რკინიგზის სადგურის მიმდებარედ
მიკროავტობუსებისთვის
19:53 / 20.03.2019
ზუგდიდში, ქუჯის ქუჩაზე, რკინიგზის სადგურის მიმდებარედ მიკროავტობუსებისთვის






მოძრაობა „სამეგრელოს ხმის“ დამფუძნებელი თენგიზ ჯგუშია, რომელიც
18:34 / 20.03.2019
მოძრაობა „სამეგრელოს ხმის“ დამფუძნებელი თენგიზ ჯგუშია, რომელიც
დღის ფოტო
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.