დეპუტატები „ზუგდიდდასუფთავებას“ სოფლებში ნაგვის არგატანის გამო აკრიტიკებენ
მისი თქმით, დასუფთავების სამსახური აცხადებს, რომ ამის მიზეზი მოსახლეობის მხრიდან გადასახადის გადაუხდელობაა.
საკრებულოს დეპუტატის სანდრო სორდიას განცხადებით, მისი აღშფოთება გამოიწვია დასუფთავების სამსახურის უფროსის ნუგზარ მალაშხიას „ლაივპრესზე“ გაკეთებულმა განცხადებამ, რომ დაითხოვეს მძღოლები და მტვირთავები იმ სოფლებში, სადაც მოსახლეობა გადასახადს არ იხდის.
„კონკრეტულად ამ აიპ-ის ვალდებულებაა, რომ მომსახურება გასწიოს, შემოსავალზე კი ჩვენ ვიფიქრებთ. ჩვენ ამ აიპ-ს 4 მილიონ 200 ათასი ლარი გამოვუყავით და მე მოვუწოდებ აუდიტის სამსახურს შეისწავლოს, რამდენად სწორად აქვს გახარჯული თანხა ამ აიპს“, -განაცხადა სანდრო სორდიამ.
ოპოზიციონერი დეპუტატის ბათლომე შელიას განცხადებით, თუ დასუფთავებამ გადაწყვიტა ვიღაცის დასჯა ამ მეთოდით, ეს არის ძალიან არასწორი გადაწყვეტილება.
„ძალიან გთხოვთ, რომ ჩაიხედოთ ამ გადაწყვეტილებაში, იმიტომ, რომ ეს არასწორი მიდგომაა“, - მიმართა მერის მოვალეობის შემსრულებელს გიორგი შენგელიას დეპუტატმა.
თავის მხრივ, მერის მოვალეობის შემსრულებელმა განაცხადა, რომ ცალკეული უბნებში შეიქმნა დასუფთავების პრობლემა, თუმცა კომისიამ უნდა შეისწავლოს აიპ-ის საქმიანობა, რომ ოპტიმიზაციის შედეგად სამსახურის მუშობა კი არ შეფერხდეს, არამედ უფრო ეფექტური გახდეს.
„შემსწავლელი კომისიის ფუნქცია სწორედ ის არის, რომ მოხდეს ოპტიმიზაცია, რომ უფრო მეტი სოფელი მოვიცვათ და უფრო მეტ მოსახლეს გავუწიოთ მომსახურება“, - განაცხადა გიორგი შენგელიამ.