ზუგდიდის მუნიციპალიტეტის საკრებულომ 2018 წელს 24 სხდომა გამართა. 50 დეპუტატიდან ხმა არცერთხელ არ ამოუღია ნახევარზე მეტს, 27 პირს. მათ შორის 24 უმრავლესობის წევრია. „ლაივპრესის“ მიერ გამოთხოვილი ინფორმაციის მიხედვით, ეს დეპუტატები არიან:

მიხეილ ჯობავა, ოთარ მარშავა, მამუკა ყურაშვილი, ზაზა ანდრიაძე, ამირან ჩხოლარია, ზვიად ყორშია, ჯანსუღ ჯაბუა, გიორგი კუკავა, დაზმირ ძიმცეიშვილი, ზაზა ხუბუა, რევაზ თორდია, გოგიტა ზარქუა, დავით ჭაფანძე, არჩილ ბერაძე, მამუკა თოლორაია, გოგი თოდუა, სოსო გოგოხია, ლაშა ესებუა, პაატა ებრალიძე, რამაზ ჯაბუა, გიორგი თოდუა, ტარიელ გაბულდანი, ირაკლი ჯანაშია, თენგიზ ალმასია.

მდუმარე დეპუტატებს შორის ერთი ფრაქცია „ნაციონალური მოძრაობის“ წარმომადგენელი დათა შელიაა, დანარჩენი ორი კი ფრაქცია „ევროპული საქართველოს“ წევრი გელა თოლორაია და ირაკლი ღურწკაია.

ყველაზე მეტჯერ - 87-ჯერ ხმის უფლებით საკრებულოს თავმჯდომარე მამუკა წოწერიამ ისარგებლა. ის დეპუტატების წინაშე მოხსენებით 60-ჯერ წარსდგა.

მეორე ადგილზე ფრაქცია ენმ-ის თავმჯდომარე ანა წითლიძეა, რომელმაც სიტყვის უფლება 37-ჯერ გამოიყენა.

მესამე ადგილზეა საკრებულოს თავმჯდომარე ბესიკ ჭეჟია. მან სიტყვით 30-ჯერ ისარგებლა, მოხსენებით კი სხდომაზე 17-ჯერ წარსდგა.

მეოთხე პოზიციას ფრაქცია „ევროპული საქართველოს“ თავმჯდომარე ბათლომე შელია იკავებს. მან სიტყვის უფლებით 27-ჯერ ისარგებლა.

მას მოსდევს იურიდიულ, სამანდატო და ადამიანის უფლებათა დაცვის საკითხთა კომისიის თავმჯდომარე სანდრო სორდია. დეპუტატმა სიტყვით 23-ჯერ ისარგებლა, მოხსენებით კი სხდომაზე 25-ჯერ წარსდგა.

ეკონომიკის და ქონების მართვის კომისიის თავმჯდომარე ირაკლი ლაგვილავა სიტყვით უფლებით სარგებლობის რაოდენობას თანაბრად იყოფს ფრაქცია ენმ-ის წევრ პაატა ადამიასთან. ორივემ ეს უფლება 19-ჯერ გამოიყენა. ამას გარდა, ირაკლი ლაგვილავა სხდომაზე მოხსენებით 33-ჯერ წარსდგა.

სიტყვის უფლებით ათჯერ ისარგებლა საკრებულოს თავმჯდომარის მოადგილე თაზო ფაცაციამ. მოხსენებით ის მხოლოდ ერთხელ წარსდგა.

სიტყვის უფლება თანაბრად, 6-6-ჯერ გამოიყენა ფრაქცია „კონსერვატორების“ თავმჯდომარის მოადგილე კონსტანტინე კაკავამ და ჯონი ჯიქიამ. კონსტანტინე კაკავა პარარელურად 12-ჯერ წარსდგა მოხსენებით სხდომაზე.

ზაზა პროკოპენკომ სიტყვის უფლება ოთხჯერ გამოიყენა. სამჯერ ოთარ ქადარიამ, ედიტა კოდუამ, გია დანელიამ და მალხაზ ციკუტანიამ. ამათგან, ოთარ ქადარია სხდომაზე მოხსენებით შვიდჯერ წარსდგა.

სიტყვის უფლებით ორჯერ ისარგებლა საფინანსო-საბიუჯეტო კომისიის თავმჯდომარე დავით გახარიამ. სხდომაზე მისი მოხსენებების რაოდენობა 16-ია.

თითო-თითოჯერ ისარგებლეს სიტყვის უფლებით შემდეგმა დეპუტატებმა - სალომე ფაცაციამ, თამუნა ჯიქიამ, ირუზა კაკავამ, მანანა მებონიამ, ზურაბ გოგოძემ და ზვიად ქირიამ.

მათგან სხდომაზე მოხსენებით 8-ჯერ წარსდგა ფრაქცია „ქართული ოცნების“ თავმჯდომარე თამუნა ჯიქია.

სიტყვის უფლებით არცერთხელ არ უსარგებლია, თუმცა დეპუტატების წინაშე მოხსენებით შვიდჯერ წარსდგა განათლების, კულტურის, სპორტის, ახალგაზრდულ და გენდერულ საკითხთა კომისიის თავმჯდომარე ეკატერინე კიფაია.