ახალი ამბები
ზუგდიდის მერიამ გარემოვაჭრეებთან შეთანხმებას ისევ ვერ მიაღწია
FaceBook Twitter
E-mail Print
გარევაჭრობის საკითხზე შექმნილი სამუშაო ჯგუფის შეხვედრა ხელისუფლებას და თვითდასაქმებულებს შორის შეთანხმების გარეშე დასრულდა. გარემოვაჭრეებს სხვა ალტერნატივებთან ერთად, დღეს წულაიას ბაზრობის ტერიტორიაც შესთავაზეს, რომელიც კვარაცხელიას ბაზრობის მოპირდაპირედ მდებარეობს, რაზეც მათ უარი განაცხადეს. ამბობენ, რომ 200-300 ლარიანი საქონლით შიგნით შესვლას და მუშაობას ვერ მოახერხებენ. ამას გარდა უარის მიზეზი, როგორც გარემოვაჭრე მარინა ფარულავამ აღნიშნა, მეპატრონის, ამზა წულაიას მხრიდან მათი მისამართით შეურაცხმყოფელი სიტყვებით მოხსენიებაც გახდა. ამიტომ, მათი თხოვნაა ხელისუფლებისადმი, არ განიხილონ ეს წინადადება და მანამდე, ვიდრე პაპაშვილების ტერიტორიას შესაბამისად კეთილმოაწყობენ, ბაზრის უკანა ტერიტორიაზე, სადაც დღეს არიან, მუშაობის ნება დართონ.

„ჯერ ერთი, ჩვენ გვაქვს ჩვენი სიამაყე. შეურაცხყოფა მოგვაყენა. არავინ არ შევა, ამ 80 ქალისგან. მეორე, მე არ მაქვს ის საქონელი, რომელიც სტანდარტს შეესაბამება. მინიმუმ 5 ათასი ლარის საქონელი უნდა გქონდეს. 200-300 ლარის საქონელი მაქვს. ისეთი ალტერნატივა გვინდა, ლუკმა-პურს შოვნა შევძლოთ“, - თქვა მარინა ფარულავამ.

მისივე თქმით, კარგი იქნება, თუ 80-ვე გარემოვაჭრეს ფართს ერთ ლოკაციაზე გამოუყოფენ, რადგან ისინი ყველაზე მეტად „ღარიბ ფენას“ წარმოადგენენ და მსგავსი ღირებულების საქონლით ვაჭრობენ.

გარემოვაჭრის პოზიცია გაიზიარა საიას ზუგდიდის ოფისის ხელმძღვანელმა ჯემალ ჭკადუამ. აღნიშნა, რომ იმ ბაზრობებზე, სადაც ერთი ტანსაცმელი 70-80 ლარი ღირს, ეს ადამიანები შემოსავალს ვერ მიიღებენ, ამიტომაც, თუკი იგივე პაპაშვილის ტერიტორიაზე, რომელზეც გარემოვაჭრეები თანახმანი არიან, მოეწყობა სათანადო კონსტრუქციებით, კარგი იქნება.

პასუხად საკრებულოს თავმჯდომარე მამუკა წოწერიამ წულაიას ბაზრობის მეპატრონეს დაუწუნა გამონათქვამი და აღნიშნა, რომ მან ამის გამო შესაძლოა ბოდიშიც მოიხადოს, თუმცა განმარტა - სუბიექტური შეხედულებები გვერდზე უნდა გადადონ და ვაჭრობის ბევრად უკეთესი პირობებით უნდა იხელმძღვანელონ, რაც იქ დახვდებათ. ამბობს, რომ ვერ მოიცდიან ექვსი თვე და გარევაჭრობას ამ დრომდე ვერ დაუშვებენ, სანამ პაპაშვილების ტერიტორია, ხიდის მარცხენა მხარეს მოეწყობა.

ხელისუფლება 80-ვე გარემოვაჭრის ერთ ლოკაციაზე განთავსების აუცილებლობას ვერ ხედავს. საკრებულოს თავმჯდომარის მოადგილე ბესიკ ჭეჟიამ ინდივიდუალური მოლაპარაკებების წარმოებაც არ გამორიცხა თვითდასაქმებულებთან და საჭიროების შემთხვევაში ამის საფუძველზე მათი სხვადასხვა ბაზრობებზე გადანაწილება.

მისივე თქმით, გარემოვაჭრეებს ასევე სთავაზობენ საკოლმეურნებო ბაზრის შიდა ტერიტორიას, კვარაცხელიას ბაზრობას, სადაც ერთი თვის განმავლობაში გადასახადისგან გათავისუფლდებიან.

მერიის ზედამხედველობის სამსახურის წარმომადგენელ იაგო ქირიას განმარტებით, კვარაცხელიას ბაზრობაზე ფართებს 70 ლარად სთავაზობენ თვეში, სადაც 45 ადგილია. ასევე, არის დავითაიას ბაზრობაზე ათი ადგილი. მათ შორის უსასყიდლოდ ორი თვის განმავლობაში.

საკრებულოს წევრის, ირაკლი ლაგვილავას თქმით, ესმის, რომ წულაიას ბაზრის მეპატრონის მიმართ წყენა არსებობს და პატიებაც მარტივი არ არის, თუმცა ურჩია გარემოვაჭრეებს, იქნებ სცადონ და გარკვეულ დათმობაზე წამოვიდნენ.

იგივე სიტყვებით შეაჯამა სამუშაო ჯგუფის დღევანდელი შეხვედრა საკრებულოს თავმჯდომარემაც. მან გამოთქვა იმედი, რომ ეს ადამიანები იფიქრებენ შეთავაზებულ წინადადებაზე და სანამ ხიდის მარცხენა მხარეს გამართავენ ინფრასტრუქტურას, დათანხმდებიან წულაიას ბაზრობაზე მუშაობას.

„ლაივპრესის“ კითხვის პასუხად, რომ წინა შეხვედრაზე აქტიურად განიხილეს პაპაშვილის ტერიტორია, დღეს კი აქცენტი სხვა ფართზე გაკეთდა, განმარტა:

„წუალაია წამოვიდა, როგორც ერთ-ერთი ალტერნატივა. არანაკლებ აქტუალურია იმაზე, რომელიც ნახევარი წლის შემდეგ იქნება. ახალი სივრცეა. არ შეიძლება ითქვას, რომ ერთგან კარგი ვაჭრობა იქნება და მეორეგან ცუდი“.

გარემოვაჭრეთა თქმით, თუკი მერია მათ თხოვნას არ გაითვალისწინებს, საპროტესტო აქციებს განაახლებენ.

რაც შეეხება ნიკოლაძის ქუჩაზე ხილ-ბოსტნეულით გარემოვაჭრეებს, მამუკა წოწერიას თქმით, აკრძალვა მათაც შეეხებათ. ამ ადამიანებს, საკრებულოს თავმჯდომარის განმარტებით, სთავაზობენ ბაზრის შიდა სივრცეს. ასევე აბანოების გაყოლებაზე ტერიტორიას.

გარევაჭრობის აკრძალვის წესს სამუშაო ჯგუფის მომდევნო შეხვედრაზე მიიღებენ, რომელიც იანვრის ბოლოს გაიმართება.

სამუშო ჯგუფმა შეხვედრა 16 იანვარსაც გამართა.
Print E-mail
Twitter
სხვა მასალები
აფხაზეთის ტყეებში გაჩენილი ხანძრები, რომელსაც 11 დღის განმავლობაში
აქრობდნენ, უკვე ლიკვიდირებულია.
16:29 / 22.11.2019
აფხაზეთის ტყეებში გაჩენილი ხანძრები, რომელსაც 11 დღის განმავლობაში აქრობდნენ, უკვე ლიკვიდირებულია.
ზუგდიდის მუნიციპალიტეტის ბიუჯეტიდან ქალაქის საახალწლო
დეკორაციებისთვის
15:00 / 22.11.2019
ზუგდიდის მუნიციპალიტეტის ბიუჯეტიდან ქალაქის საახალწლო დეკორაციებისთვის
15:00 / 22.11.2019
"ევროპული საქართველოს" ერთ-ერთი ლიდერის, გიგი უგულავას ინფორმაციით, წალენჯიხის და
ვიდეო
პოლიეთილენის საფრთხე [ვიდეო]
სამწუხაროდ, საქართველოში პოლიეთილენის გამოყენება კვლავ დიდი დოზით ხდება. ამის მიზეზი
ბოტანიკური ბაღი გახსნამდე ერთი თვით ადრე [ვიდეო]
ზუგდიდის განახლებული ბოტანიკური ბაღი,
ბაღის იატაკი - საძინებელი თუ „მოსვენების კუთხე“?
ზუგდიდის მუნიციპალიტეტის სოფელ დარჩელის საბავშვო ბაღში
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
ფოტო
ჩირის ფარდები მარტვილის სოფლებში [ფოტო]
მარტვილის მუნიციპალიტეტში ხურმა მნიშვნელოვანი სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.