26 იანვარს, 10:00 საათიდან 18:00 საათამდე ელექტროენერგიის მიწოდება შეუწყდება ქალაქ ზუგდიდის ნაწილს. როგორც „ლაივპრესს“ კომპანია „ენერგო-პრო ჯორჯიაში“ განუცხადეს, ელექტროენერგია შეუწყდება რუსთაველის, დავით აღმაშენებლის, თამარ მეფის, თაბუკაშვილის,ზ.გამსახურდიას, ერისთავის და მიმდებარე ქუჩებს. ასევე, ტუბდისპანსერს, სოფელე ჭითაწყარს, ინგირის ნაწილს და ოირემეს.

კომპანიის ინფორმაციით, გათიშვა უკავშირდება ტექნიკურ სამუშაოებს, რომელის შედეგადაც გაუმჯობესდება ზუგდიდის ცენტრალური ნაწილის ენერგომომარაგება და გაიზრდება მისი ხარისხი.

„ზუგდიდის რაიონის ცენტრალური ნაწილის სტაბილური და საიმედო ელექტრომომარაგებისათვის დაგეგმილია 35 კვ-იანი ელექტროგადამცემი ხაზ „ჩხოუშის“ რეაბილიტაცია“, - აცხადებენ კომპანიაში.

მათივე მტკიცებით, ელექტროენერგიის მომარაგების საიმედოობისა და სტაბილურობის გაზრდის მიზნით, „ენერგო-პრო ჯორჯია“ განაგრძობს ქსელის სარეკონსტრუქციო სამუშაოებს მისი მომსახურების არეალის მასშტაბით.