ახალი ამბები
„სამეგრელოს ხმის“ ხელმძღვანელი ენგურის ხიდზე გალელების დასახმარებლად შტაბის გახსნას ითხოვს [ვიდეო]
FaceBook Twitter
E-mail Print
სამოქალქო მოძრაობა „სამეგრელოს ხმის“ დამფუძნებელი და ხელმძღვანელი თენგიზ ჯგუშია ენგურის ხიდზე შტაბის ამოქმედებას ითხოვს, რომელიც ოკუპირებული გალის რაიონიდან გადმოსულ ადამიანებს სხვადასხვა სახის დახმარებას აღმოუჩენს. მისი თქმით, დღეს ე.წ. ღორის გრიპთან დაკავშირებით დე ფაქტო მთავრობის მიერ გამოცხადებული კარანტინის გამო, განსაკუთრებული პრობლემების წინაშე სწორედ აფხაზეთში მცხოვრები თანაქალაქელები არიან, რომელსაც ხელისუფლება ვერ იცავს. ამბობს, რომ შტაბის წევრებმა საფუძვლიანად უნდა აღწერონ ამ ადამიანების საჭიროებები, გაუწიონ კონსულტაცია და სათანადოდ დააკვალიანონ. თენგიზ ჯგუშია გალში მიმავალ ქალს ხელბარგის წაღებაშიც დაეხმარა და აღნიშნა, რომ უნდა არსებობდეს ერთგვარი მოხალისეობრივი ინსტიტუტი, რომელიც მძიმე ტვირთით ქვეითად მიმავლებს იმ ადგილამდე, სანამდეც შესაძლებელია, ამ ყველაფერს მიატანინებს.

„გახსენით შტაბი. პირდაპირ მივმართავ ბატონ ბიძინას. ის ხალხი, ვისაც თქვენ ეს ყველაფერი მიანდეთ, თბილისში, დაბურული შუშებიდან უყურებენ თბილისის ქუჩებს მაშინ, როცა აქ უნდა იყვნენ. აქ უნდა იჯდეს გახარიას და ციხელაშვილის მოადგილეები მინიმუმ, თუ პირველი პირები არა“, - განმარტა თენგიზ ჯგუშიამ.

მისივე თქმით, ხელისუფლებამ ამ გზით მაინც უნდა შეუმსუბუქოს საკუთარ მოქალაქეებს ის სიმძიმე, რა პირობებშიც მათ ოკუპირებულ ტერიტორიაზე ცხოვრება უწევთ.

„სამეგრელოს ხმის“ დამფუძნებელის " განცხადებით, მთავრობა უნდა დაინტერესდეს იმ ფაქტით, რომ გალის მცხოვრებლებს ხშირ შემთხვევაში ზუგდიდში გადმოსვლის სანაცვლოდ ქრთამის გადახდაც უხდებათ. ამიტომ, თუკი არ აუნაზღაურებენ თანხას, რაიმე სახით მაინც კომპენსირება შესთავაზონ. როგორ - ფორმა მოსაფიქრებელია, მაგრამ ის ცენტრალურმა ხელისუფლებამ უნდა გაიღოს.

თენგიზ ჯგუშიამ დღეს ადგილობრივი თვითმმართველობა ნაკლებად დაადანაშაულა გალელების მიმართ უყურადღებობაში და განმარტა, რომ ისინი საჭირო პათოსს სწორედ თბილისისგან ვერ გრძნობენ.

თავის მხრივ, ჟურნალისტებს აფხაზეთის მკვიდრმა დალი ღურწკაიამ განუცხადა, რომ ზუგდიდში სამედიცინო ცნობის საფუძველზე გადმოვიდა, რომელიც გალის საავადმყოფოში გასცეს. მისი თქმით, გალში რთული ვითარებაა - მოიმატა პროდუქტების, მედიკამენტების ფასმა. სწორედ ამიტომ, საჭირო წამლები და პროდუქცია ზუგდიდიდან მიაქვს.

გალის მცხოვრების ინფორმაციით, შესაძლოა 11 იანვარს კარანტინის შედეგად ჩაკეტილი საზღვარი ორშაბათისთვის გაიხსნას. ამბობს, რომ შტაბის ამოქმედება კარგი იქნება, თუმცა უმჯობესია, გზა სრულად გაიხსნას და გადაადგილებაც ხიდის ორივე მხარეს დაუბრკოლებლად იყოს შესაძლებელი.

გამონაკლისი ამ დრომდე დაშვებულია მხოლოდ ენგურჰესის თანამსრომლებზე და პირებზე, რომლებიც სამედიცინო ცნობას წარადგენენ.

გალელებს რამდენიმე დღე უწევთ რიგში დგომა, რომ სამედიცინო ცნობა მიიღონ. დოკუმენტს გალის ცენტრალურ საავადმყოფოში გასცემენ, რომელსაც ასევე სჭირდება ე.წ. სახელმწიფო უსაფრთხოების სამსახურის დასტური. ადმინისტრაციული საზღვრის გახსნის მოთხოვნით გალელებმა აქციას გამართეს, თუმცა მათი მოთხოვნა დე ფაქტო ხელისუფლებამ არ გაითვალისწინა.

Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.