ახალი ამბები
ზუგდიდში მუნიციპალიტეტების მერებმა რუსული პროპაგანდის საფრთხეებზე ისაუბრეს [ვიდეო]
FaceBook Twitter
E-mail Print
ზუგდიდის მერიის სხდომათა დარბაზში „ნატოსა და ევროკავშირის შესახებ საინფორმაციო ცენტრის“ ორგანიზებით შეხვედრა გაიმართა, რომელსაც მუნიციპალიტეტების მერები, საჯარო მოხელეები, არასამთავრობო ორგანიზაციების წარმოადგენლები და პედაგოგები ესწრებოდნენ.

ნატოსა და ევროკავშირის საინფორმაციო ცენტრის წარმომამდგენელმა ანა ცანავამ განაცხადა, რომ აშშ-ს სახელმწიფო დეპარტამენტისა და საქართველოში აშშ-ს საელჩომ „ნატოსა და ევროკავშირის შესახებ საინფორმაციო ცენტრს“ გადასცა ნახევარი მილიონი აშშ დოლარის დახმარება, რომელიც ითვალისწინებს ევროატლანტიკური ინტეგრაციის შესახებ მოსახლეობის ჩართულობისა და ინფორმირებულობის გაზრდას.

„ეს არის პირველი მასშტაბური პროექტი, რომელიც საქართველოს მთავრობამ ანტი-დასავლური პროპაგანდისგან მომდინარე საფრთხეების წინააღმდეგ საქართველოს მოსახლეობის მედეგობის გაძლიერებისა და ქვეყნის ევროპული და ევრო-ატლანტიკური ინტეგრაციის პროცესების ეფექტიანი კომუნიკაციის მიზნით მიიღო“, - განაცხადა ანა ცანავამ.

ფოთის მერის მოადგილე გიორგი ფარეშიშვილმა ისაუბრა იმ გავრცელებულ მითებზე, რომელსაც რუსული პროპაგანდა ავრცელებს ევროკავშირთან დაკავშირებით.

„საინფორმაციო ქსელის საშუალებით, ჩვენი ქვეყნის არაკეთილმოსურნეები, რუსული იმპერიალისტური მანქანა ხშირად ავრცელებს არასწორ მითებსა და შეხედულებებს ნატოსა და ევროკავშირთან დაკავშირებით, რომელიც სამწუხაროდ იკიდებს ხოლმე ფეხს საზოგადოებაში. მითების გამავრცელებლები ცდილობენ, რომ ჩვენი ერის ისტორია, ტრადიციები, კულტურა გამოიყენონ საამისოდ. ჩვენი მიზანია, რომ საზოგადოებამ არა კონტრპროპაგანდა, არამედ ინფორმირებული არჩევანი დაუპირისპიროს მას. მეტი უნდა ვიცოდეთ, თუ რატომ გვინდა ევროკავშირსა და ნატოში ინტეგრაცია, რადგან ადამიანები როცა წაიკითხავენ დეზინფორმაციას, ჰქონდეთ ალტერნატიული, ჯანსაღი ინფორმაცია და არ გახდნენ დეზინფორმაციის მსხვერპლნი“, - განაცხადა გიორგი ფარეშიშვილმა.

აბაში მუნიციპალიტეტის მერის ლევან მაკალათიას განცხადებით, ყველამ კარგად უნდა გააცნობიეროს რუსული პროპაგანდის საფრთხე.

„ცოტა ხნის წინ ვიყავი გუბერნიაში, სადაც მეხანძრეებთან ერთად ვსაუბროდბით იმაზე, თუ როგორ უნდა მივიტანოთ მოსახლეობამდე ინფორმაცია, რომ ფრთხილად იყონ ხანძართან, დამერწმუნეთ, რომ ასანთით მიღებული ცეცხლი ვერასოდეს იქნება ისეთი საშიში, როგორც რუსეთის მიერ დანთებული ცეცხლი, რომელიც მომაკვდინებელია“, - განაცხადა ლევან მაკალათიამ.

გუბერნიის ადგილობრივი თვითმმართველობის ორგანოებთან ურთიერთობის სამსახურის უფროსის მოადგილე ლაშა გვასალიას თქმით, საქართველოს ისტორიის სახელმძღვანელოები სრულად არ ასახავს რუსეთის მიერ წარმოებულ დამპყრობლურ პოლიტიკას და ხელისუფლებამ ამ მიმართულებითაც უნდა იმუშაოს.

„ჩვენ უნდა ვუთხრათ ხალხს, რატომ არის რუსეთი ცუდი. ჩვენ ვერ მივეცით სწორი შეფასება 90-იანი წლების მოვლენებს, რომ ეს იყო რუსეთ-საქართველოს ომი, რომელიც დღემდე გრძელდება და გაგრძელდება მანამ, სანამ ჩვენ ამ ყოველივეს სიმართლეს არ დავუპირისპირებთ. როცა ტყუილზე ააგებ მოვლენებს შედეგებსაც შესაბამისს ღებულობ, ძალიან ბევრი ისტორიული ფაქტი, რომელიც ასახავს რუსეთის სახე და არ არის ცნობილი ფართო საზოგადოებისთვის“, - განაცხადა ლაშა გვასალიამ.

შეხვედრის დასასრულს მერები შეთანხმდნენ, რომ საქართველოს ევროპული და ევროატლანტიკური ინტეგრაციის საკითხებზე შეხვედრებს მუნიციპალიტეტებში გამართავენ.

პროექტი „დასავლური ინტეგრაციის შესახებ ინფორმირებულობისა და ჩართულობის გაზრდა საქართველოს რეგიონებში“ ფარგლებში გაძლიერდება და გაფართოვდება საინფორმაციო ცენტრის რეგიონალური ბიუროები. ცენტრს დაემატება 5 ახალი რეგიონალური ბიურო და ევროპული და ევროატლანტიკური ინტეგრაციის საკითხებზე ქვეყნის მასშტაბით 12 რეგიონალური ბიურო გააგრძელებს მუშაობას. პროექტის მეორე კომპონენტი მოიცავს რეგიონალური მედია ორგანიზაციების საშუალებებით საქართველოს რეგიონებში აღნიშნული თემების გაშუქებას.


Print E-mail
Twitter
სხვა მასალები
საქართველოს შინაგან საქმეთა სამინისტრო რუსეთიდან შემოსული
18:06 / 27.09.2022
საქართველოს შინაგან საქმეთა სამინისტრო რუსეთიდან შემოსული
სამეგრელო-ზემო სვანეთის სამხარეო ადმინისტრაციის შენობასთან
საპროტესტო აქცია გაიმართა.
17:08 / 27.09.2022
სამეგრელო-ზემო სვანეთის სამხარეო ადმინისტრაციის შენობასთან საპროტესტო აქცია გაიმართა.
არასამთავრობო ორგანიზაციებმა საქართველოს სახალხო დამცველის
13:11 / 27.09.2022
არასამთავრობო ორგანიზაციებმა საქართველოს სახალხო დამცველის
კორონავირუსი

საბჭოთა რეპრესიები

ვიდეო
კამპანია სამეგრელოში ოჯახური ძალადობის მსხვერპლთა ერთადერთი თავშესაფრის გადასარჩენად [ვიდეო]
სამეგრელოს რეგიონში, ძალადობის მსხვერპლ ქალთა და ბავშვთა ერთადერთი თავშესაფარი შესაძლოა დაიხუროს.
სპორტის სიყვარულით დაძლეული სტიგმა და ბრძოლა “ოდიშის” შესანარჩუნებლად [ვიდეო]
ზუგდიდის ამპუტანტ ფეხბურთელთა გუნდი "ოდიში" დაშლის ზღვარზეა. კლუბი ერთ-ერთია ქვეყნის მასშტაბით მოქმედი ექვსი გუნდიდან,
ფოტოხელოვანი, რომელიც საკუთარი ნამუშევრებით ტურისტებს სამეგრელოს აცნობს [ვიდეო]
სამეგრელოს ტურისტული პოტენციალი ამ დრომდე შეუსწავლელია. აქ ბევრია ვიზიტორებისთვის საინტერესო ადგილი,
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.