ახალი ამბები
ზუგდიდში ევროკავშირის მისიის წარმომადგენლებს მეგრული ენის გაქრობის საფრთხეზე ესაუბრნენ
FaceBook Twitter
E-mail Print
ზუგდიდში მოქალაქეები და არასამთავრობო ორგანიზაციის წარმომადგენლები მეგრული ენის დაცვა-გადარჩენის საკითხზე ევროკავშირის სადამკვირვებლო მისიის ადგილობრივი ოფისის წევრებს შეხვდნენ. შეხვედრა მედიისთვის დახურული აღმოჩნდა. ადგილზე მისულ „ლაივპრესს“ განუცხადეს, რომ თემის სენსიტიურობიდან გამომდინარე ასეთი გადაწყვეტილება მიიღეს.

შეხვედრის დასრულების შემდეგ ერთ-ერთმა მონაწილემ, იური ღვინჯილიამ გვითხრა, რომ მიაწოდეს დეტალური ინფორმაცია, თუ რა საფრთხე ემუქრება დღეს მეგრულ ენას, რომ ამ საშიშროების მიუხედავად, ქართული სახელმწიფოს მხრიდან პრობლემა იგნორირებულია. მოითხოვეს დიალოგის ორგანიზება.

„საფრთხეებზე ვისაუბრეთ, რომ ეს არის ეთნოკონფლიქტის წინაპირობა. მე ყველა დავპატიჟე, ხელისუფლებიდან, პოლიტიკური პარტიებიდან, სახალხო დამცველის ოფისი, გუბერნია, მაგრამ არავინ მოსულა. არც საკრებულოდან, არც მერიიდან. სახელმწიფოს მხრიდან საკითხი იგნორირებულია“, - განმარტა იური ღვინჯილიამ.

მისივე თქმით, ხელისუფლებასთან დიალოგის რესურსი უკვე ამოწურეს და ამის შესახებაც აცნობეს ევროკავშირის მისიის წარმომადგენლებს. მათგან მიიღეს დაპირება, რომ ზემდგომებს მიაწვდიან დღეს მოსმენილ ინფორმაციას.

იური ღვინჯილიას ცნობით, შეხვედრაზე დასასწრებად ადამიანები სენაკიდან, მარტვილიდან და წალენჯიხიდანანაც ჩამოვიდნენ. აქვე იყო ასევე შემოქმედთა გაერთიანება „აიას“ თავმჯდომარე ედემ იზორია.

ამავე შეხვედრაზე იმყოფებოდა სამოქალაქო მოძრაობა „სამეგრელოს ხმის“ დამფუძნებელი თენგიზ ჯგუშია, რომელიც ზუგდიდის მერად კენჭისყრას გეგმავს. მან „ლაივპრესს“ უთხრა, რომ დააფიქსირა საკუთარი პოზიცია - ერთმნიშვნელოვნად ერთიანი ქართული სახელმწიფოებრივი აზროვნების ჭრილში, აუცილებლად მიაჩნია მთავარი სახელმწიფო ენის, ქართულის გაძლიერების და ქართული ენის სიმდიდრის შენარჩუნების მიზნით,  ქართველური ენების - სვანურის და მეგრულის განვითარება-გადარჩენა და ამ კუთხით სწორი მიდგომების შემუშავება.

თენგიზ ჯგუშიასვე თქმით, მან განუცხადა ევროკავშირის მისიის წარმომადგენლებს შემდეგი, რომ ქართული კულტურა სხვადასხვა კუთხეის და ამ კუთხეთა მრავალფეროვნების ერთობაა, და რომ ამ სივრცეში მეგრულ პოეზიას, სიმღერას, ადგილობრივ კულინარიას განსაკუთრებული ადგილი აქვს.

„ისინი ძირითადად ისმენდნენ და სწავლობდნენ თემას. მე ასეთი შთაბეჭდილება დამრჩა. ვუთხარი, რომ პარლამენტში ყოფნის შემთხვევაში, აქტიურად გავუწევ ლობირებას ენის პალატასთან, აღმასრულებელი ორგანოს სხვადასხვა სტრუქტურასთან, მთავრობასთან. მეგრული და სვანური ენების განვითარების, გადარჩენის აუცილებელ ღონისძიებებს“, - გვითხრა მან.

თენგიზ ჯგუშია კატეგორიულად ემიჯნება საერთო სახელმწიფო ხედვიდან მცირედ გადახვევასაც კი, და რომ ეს მისი პრინციპული პოზიციაა. თუმცა აღნიშნა - მსგავსი შინაარსის შემცველი მოსაზრებები დღევანდელ შეხვედრაზე არ მოუსმენია.

თავის მხრივ, იური ღვინჯილიამ გვითხრა, რომ პროტესტს არც მომავალში შეწყვეტენ და უცვლელი მოთხოვნით აქციებს პერიოდულად გამართავენ.

ის რამდენიმე თანამოაზრესთან ერთად ექვს თებერვალს სამხარეო ადმინისტრაციის წინ შეიკრიბა, მეგრულ-ლაზურ-სვანური ენებისთვის რეგიონულის სტატუსის მინიჭების მოთხოვნით. შემდეგ კი ევროკავშირის მისიის წარმომადგენლობის ადგილობრივ ოფისთან გადაინაცვლეს.

ზუგდიდში დროდადრო იმართება აქციები მეგრულ-ლაზურ სვანური ენების დაცვის მოთხოვნით.
Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.