ახალი ამბები
კულტურული მემკვიდრეობის დაცვის სააგენტო წალენჯიხელებისგან ომუნეს კოშკის პროექტს ელოდება
FaceBook Twitter
E-mail Print
კულტურული მემკვიდრეობის დაცვის ეროვნულ სააგენტოში ომუნეს კოშკის რეკონსტრუქციასთან დაკავშირებით შეხვედრა გაიმართა. სააგენტოს დირექტორ ნიკოლოზ ანთიძეს წალენჯიხის მერი ბესიკ ფარცვანია და იმ საინიციატივო ჯგუფის წევრები შეხვდნენ, რომლებსაც განსხვავებული მოსაზრებები აქვთ კოშკის პირვანდელ იერსახეზე. საქმე კოშკში სარემონტო სამუშაოების წარმოებას ეხება, რომლის წარმომავლობა ამ დრომდე დავის საგანია ერთის მხრივ წალენჯიხელებს, მეორეს მხრივ კი მესტიის მცხოვრებლებს შორის.

ნიკოლოზ ანთიძემ „ლაივპრესს“ უთხრა, რომ ჯვარის მკვიდრთ აქვთ გარკვეული მოსაზრებები კოშკის ფორმებთან დაკავშირებით, თუ როგორ გამოიყურებოდა ნაგებობა თავის დროზე, რასაც დაასაბუთებენ.

„ამბობენ, რომ 1982 წელს როგორც გაკეთდა, ასე არ უნდა ყოფილიყოო. ამიტომ, მე შევთავაზე წალენჯიხის მუნიციპალიტეტს, იმ მოსაზრებებზე დაყრდნობით, რაც გააჩნიათ, მოამზადონ საპროექტო დოკუმენტაცია, თუ როგორი უნდა იყოს კოშკი. განვიხილოთ ყველამ ერთად და ამის მიხედვით დავგეგმოთ რეკონსტრუქცია“, - აღნიშნა სააგენტოს დირექტორმა.

ნიკოლოზ ანთიძის თქმით, პროექტს წარმოდგენის შემდეგ დაჩქარებულ რეჟიმში განიხილავენ. მისივე განმარტებით, მესტიელები, რომლებიც ომუნეს კოშკის სვანურ წარმომავლობაზე საუბრობენ, შეხვედრას არ დასწრებიან.

„ეს არის წალენჯიხის მუნიციპალიტეტის ტერიტორია და მათ კავშირი არ აქვთ. მეგობრული შეხვედრა იყო, როცა თავის დროზე შევხვდით. წალენჯიხელებთან გვაქვს საკითხი მოსაგვარებელი. ჩვენ კონკრეტულად ვსაუბრობთ იმაზე, ძეგლის აღდგენა რა ფორმით უნდა მოხდეს“, - გვითხრა ნიკოლოზ ანთიძემ.

თავის მხრივ, წალენჯიხის მუნიციპალიტეტის მერი ამბობს, რომ პროექტს დაახლოებით 15-20 დღის ფარგლებში სპეციალისტების ჩართულობით შეიმუშავებენ, რადგან ეს მარტივი თემა არ არის. ამის შემდეგ კულტურული მემკვიდრეობის დაცვის სააგენტოში წარადგენენ.

„რისი შეცვლა გვინდა, ეს უკვე გამოჩნდება პროექტის მომზადების პერიოდში, როცა სპეციალისტები დაჯდებიან, იმსჯელებენ ამ კოშკის წარმომავლობაზე, პირველ იერსახეზე“, - განმარტა ბესიკ ფარცვანია.

ომუნეს კოშკი ჯვარში მდებარეობს. მის წარმომავლობაზე მესტიელებს და წალენჯიხელებს განსხვავებული მოსაზრებები აქვთ. კულტურული მემკვიდრეობის დაცვის სააგენტოში კი ამბობენ, რომ საქმე ზოგადად კოლხურ, ქართულ მოვლენასთან გვაქვს.

გადახურვის გარდა, კოშკში კოლხური კულტურის სამუზეუმო სივრცის მოწყობაც იგეგმება.
Print E-mail
Twitter
სხვა მასალები
20:36 / 22.04.2019
"საერთაშორისო გამჭვირვალობა-საქართველომ" შეიმუშავა რეკომენდაციები
მე პირველ რიგში ვარ მართლმადიდებელი ქართველი.
19:49 / 22.04.2019
მე პირველ რიგში ვარ მართლმადიდებელი ქართველი.
კოლხური ბზის მცველმა სანდრო ნარსიამ ბზობის დღესასწაულზე,
19:48 / 22.04.2019
კოლხური ბზის მცველმა სანდრო ნარსიამ ბზობის დღესასწაულზე,
სამეგრელო-ზემო სვანეთის მუნიციპალიტეტების სკოლების მოსწავლეებმა
19:08 / 22.04.2019
სამეგრელო-ზემო სვანეთის მუნიციპალიტეტების სკოლების მოსწავლეებმა
გამოკითხვა
ვის აირჩევ ზუგდიდის მერად?
ვიდეო
ანიმაციის საერთაშორისო ფესტივალი ზუგდიდში [ვიდეო]
ზუგდიდის მოსწავლე-ახალგაზრდობის სასახლეში დღეს ანიმაციური
ბავშვების საყვარელი გაკვეთილი ახალსოფლის სკოლაში [ვიდეო/ფოტო]
ანჟელა ჩუბინიძე ახალსოფლის სკოლაში ხელოვნებას ასწავლის.
ზუგდიდის ბოტანიკური ბაღის რეკონსტრუქცია ივნისში დასრულდება [ვიდეო]
ზუგდიდის ბოტანიკურ ბაღში 3000 ძირი დეკორატიული მცენარე
მავთულხლართებით გაყოფილი ჭირისუფლები [ვიდეო]
ამ სოფელში და ამ ადამიანთან ერთად გავატარე მთელი ბავშვობა,
დანგრეული გზები ზუგდიდში [ვიდეო]
ზუგდიდში გზების ნაწილი მძიმე მდგომარეობაშია.
ფოტო
წვიმას გაქცეული თავშესაფრის მაძიებლები [ფოტო]
მიუსაფარი ძაღლების ბრძოლა არსებობისთვის,
გუბეები ზუგდიდის პარკებსა და სკვერებში [ფოტო]
წვიმიან ამინდში ქალაქ ზუგდიდის პარკებსა თუ სკვერებში გასეირნება
რას ჰყვებიან კედლები [ფოტო]
ზუგდიდში, კორპუსების კედლებზე, დადიანების ეზოში და სკეიტ პარკში
აუტისტური სპექსტრის აშლილობის მქონე გიგის პერსონალური გამოფენა [ფოტო]
აუტისტური სპექტრის აშლილობის მქონე ბავშვებსაც აქვთ
მესტიელი გიდი, რომელიც ამბებს ფოტოებით ყვება [ფოტო]
სოფელი ადიში ისეთია, ერთხელ თუ ადამიანმა ნახა, მისი
მზარეულის მაგიდა
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მეგრული ხაჭაპურის მომზადების ტრადიცია [ვიდეო]
მეგრულ ხაჭაპურს წინაპრები ჯარგვალში, შუაცეცხლზე