ჩხოროწყუს მუნიციპალიტეტის სოფელ ნაკიანში, მეგრული თხის სანაშენე ფერმა გაკეთდება. ჩხოროწყუს საკრებულოში „ლაივპრესს“ უთხრეს, რომ ფერმა გარემოს დაცვისა და სოფლის მეურნეობის სამინისტროს კვლევითი ცენტრის ინიციატივით მოეწყობა.

„კვლევითმა ცენტრმა უკვე განახორციელა ერთი პროექტი. ეს არის მუხურში მეფუტკრეობის ბაზა. შემდეგი პროექტი არის მეგრული თხის ჯიშის გენოფონდის შექმნის და გამრავლების მიზნით სანაშენე ფერმის გაკეთება. შემდეგი იქნება, მეგრული, კვარცხელიას ჯიშის ძროხის ფერმა, პროექტი გაკეთებულია და უახლოეს მომავალში გამოცხადდება ტენდერი.

პირველ ეტაპზე თხის სანაშენე ფერმაში იგეგმება 10 ნევზის და ერთი ბოტის შერჩევა შემდგომი გამრავლების მიზნით“, - გვითხრეს ჩხოროწყუს საკრებულოში.