სენაკის მუნიციპალიტეტის 33 წევრიან საკრებულოში არცერთი სხდომა არ გაუცდენია მხოლოდ სამ დეპუტატს - ფრაქცია „ქართული ოცნება-კონსერვატორების“ თავმჯდომარე ზურაბ წურწუმიას, დეპუტატებს - როზმან ქადაგიძეს და მაია ადამიას.

ყველაზე მეტი გაცდენა სენაკის მუნიციპალიტეტის საკრებულოს თავმჯდომარე კახაბერ რუსიას ქვს. ის წლის განმავლობაში 25 სხდომიდან მხოლოდ რვას დაესწრო. მუნიციპალიტეტის საკრებულოდან „ლაივპრესის“ მიერ გამოთხოვილი ინფორმაციის თანახმად, კახაბერ რუსიას 17 გაცდენა აქვს და ყველა მათგანი საპატიოა.

გაცდენების მხრივ მეორე ადგილზეა დეპუტატი პაატა ჯიქიძე. ის 12 სხდომას დაესწრო. აქედან 11 გაცდენა საპატიოდ უფიქსირდება. 14 სხდომას დაესწრო ფრაქცია „სენაკელების“ თავმჯდომარე მურად შამათავა. მას 3 საპატიო და 8 არასაპატიო გაცდენა აქვს. ასევე, 14 სხდომას დაესწრო ფრაქცია „ნაციონალური მოძრაობის“ თავმჯდომარე ლაშა კუჭავა. მას 6 გაცდენა არასაპატიო მიზეზით აქვს. 15 სხდომას დაესწრო საკრებულოს წევრი იური ქორიძე. მას 10-ივე გაცდენა საპატიოდ ჩაეთვალა.

7 სხდომაში მიიღო მონაწილეობა დეპუტატმა თეიმურაზ ვახანიამ. მას რვავე გაცდენა საპატიო აქვს. ექვსჯერ გააცდინა სხდომა წლის განმავლობაში დეპუტატებმა - მალხაზ ტორჩიანავამ, ფრაქცია „ქართული ოცნება-მრეწველების“ თავმჯდომარის მოადგილე გენადი ხუხუნმა და ფრაქცია „ქართული ოცნება - დემოკრატიული საქართველოს“ თავმჯდომარის მოადგილე ინგა ქარდავამ. 7 გაცდენა აქვს ფრაქცია „ქართული ოცნება-დემოკრატიული საქართველოს“ თავმჯდომარე ზაზა ნაჭყებიას. აქედან ორია საპატიო.

შვიდი და მათგან ერთი საპატიო გაცდენა აქვს საკრებულოს წევრ ნუკრი მირგატიას. სხდომა ხუთჯერ გააცდინეს ფრაქცია „ნაციონალური მოძრაობის“ თავმჯდომარის მოადგილე მირანდა მირცხულავამ, დეპუტატმა ბეჟან სანაიამ და სოციალურ საკითხთა კომისიის თავმჯდომარე ნანა ალანიამ. ოთხი სხდომა გააცდინეს საკრებულოს სამანდატო, საპროცედურო საკითხთა და ეთიკის კომისიის თავმჯდომარე ზურაბ აფაქიძემ, ფრაქცია „ქართული ოცნება-დემოკრატიული საქართველოს“ თავმჯდომარის მოადგილე ბესიკი ნარმანიამ და დეპუტატმა დათო ადამიამ.

სამი გაცდენა აქვს ფრაქცია „ქართული ოცნება-კონსერვატორების“ თავმჯდომარის მოადგილე ლევან გაბელიას და ფრაქცია „სენაკელების“ თავმჯდომარის მოადგილე ბორის სოსელიას.

25-დან 23 სხდომას დაესწრო ექვსი დეპუტატი: ქონების მართვისა და ეკონომიკური საკითხების კომისიის თავმჯდომარე ბადრი ხურცია, სივრცითი-ტერიტორიული დაგეგმარების და ინფრასტრუქტურის კომისიის თავმჯდომარე თათია ჯინჯოლავა, დეპუტატები ელისო ცაგურია, თამარ სალაყაია, შაქრო კოკაია და ზურაბ სანაია.

მხოლოდ ერთი გაცდენა აქვს საკრებულოს თავმჯდომარის მოადგილე ბადრი კალანდარიშვილს, საკრებულოს საფინანსო-საბიუჯეტო კომისიის თავმჯდომარე დავით ხუხიას, დეპუტატ დინარა ხარბედიას და სენაკის მუნიციპალიტეტის საკრებულოს ფრაქცია „ქართული ოცნება-მრეწველების“ თავმჯდომარე ავთანდილ ფოცხვერაიას.

2018 წელს სენაკის საკრებულომ ჯამში 25, მათ შორის 13 რიგგარეშე სხდომა გამართა. საჯარო ინფორმაციის თანახმად, 33 წევრიან საკრებულოში არცერთ დეპუტატს სიტყვის უფლებით არ უსარგებლია და არც ინიციატივა წარუდგენია.