იაპონური მედიის ინფორმაციით, იაპონიის პრემიერ-მინისტრმა სინძო აბემ ამერიკის შეერთებული შტატების პრეზიდენტი დონალდ ტრამპი მშვიდობის დარგში ნობელის პრემიაზე წარადგინა.

მათივე ცნობით, ტრამპის პრემიაზე წარდგენის მიზეზი კორეის ნახევარკუნძულის ბირთვული განიარაღების და აზია-წყნარი ოკეანის რეგიონში „მშვიდობის შენარჩუნებაში შეტანილი წვლილია“.

იაპონური გამოცემა „ასაჰის“ მტკიცებით, იაპონიის პრემიერმა ტრამპი ნობელის პრემიაზე თეთრი სახლიდან მიღებული თხოვნის საფუძველზე წარადგინა.

აშშ-ის პრეზიდენტმა 15 თებერვალს განაცხადა, რომ სინძო აბესგან ხუთგვერდიანი წერილი მიიღო, რომელიც იაპონიის პრემიერმა ნობელის კომიტეტს გაუგზავნა.

წერს საზოგადოებრივი მაუწყებლის პირველი არხი.