ახალი ამბები
სასტუმრო რეკრეაციულ ზონაში - მომხრე და მოწინააღმდეგეთა არგუმენტები [ვიდეო]
FaceBook Twitter
E-mail Print
სახელმწიფო რწმუნებულის ადმინისტრაციაში, დღეს, სკეიტ პარკის ტერიტორიაზე ახალი სასტუმროს პროექტის საჯარო განხილვა გაიმართა.

შეხვედრას ადგილობრივი ხელისუფლების, ოპოზიციის, არასამთავრობო სექტორის წარმომადგენლები და მოქალაქეები ესწრებოდნენ.

დეველოპერული კომპანია „m²-ის“ გენერალურმა დირექტორმა ირაკლი ბურდილაძემ ისაუბრა, თუ რას სთავაზობს ის ზუგდიდს რეკრეაციულ ზონაში სასტუმროს აშენების სანაცვლოდ:

„სასტუმროს სანაცვლოდ მზად ვართ ავიღოთ ვალდებულება, გადავიტანოთ ყინულის მოედანი იმ ტერიტორიაზე, რომელზეც მუნიციპალიტეტი მიგვითითებს და გავწიოთ ის ხარჯები, რაც დაკავშირებული იქნება მის გადატანასა და გაფართოებასთან. ამ ადგილას მოეწყობა სპორტული კომპლექსიც“.

მისივე თქმით, კომპანია მოამზადებს ტურიზმის სფეროში მომსახურე პერსონალს და ამისთვის ე.წ. შონიას ტექნიკუმის ბაზაზე გახსნის პროფესიულ კოლეჯს.

რეკრეაციულ ზონაში სასტუმროს მშენებლობა მიუღებელია „სამეგრელოს ხმის“ ლიდერის თენგიზ ჯგუშიასთვის.

„დღეს მოხდა ბიზნესზვიგენის ინტერესებისთვის ფეხქვეშ გაგება დადიანების კულტურული მემკვიდრეობის უწმინდესი მემკვიდრეობის. ეს ასე არ მოხდება. დღეს აქ ტაშს უკრავდა ოცნების პარტიული ნომენკლატურა, მაშინ როცა ანაკლიის პორტის განვითარებას აფერხებს ივანიშვილი. ამ დროს ოცნების ხელისუფლება კულტურული მემკვიდრეობის რეკრეაციული ზონის მიწიხვლით კომპანიის უქმნის სასათბურე პირობებს. მაგრამ ზუგდიდში ვერ გაიმარჯვებს პარტიული ელიტის აზრი, გაიმარჯვებს მოქალაქეების აზრი“, - განაცხადა თენგიზ ჯგუშიამ.

საკრებულოს ფრაქცია „ნაციონალური მოძრაობის“ თავმჯდომარე ანა წითლიძის განცხადებით, მას აქვს ლეგიტიმური ეჭვები, რომ ადგილი ქვს კორუფციულ გარიგებას ინვესტორთან.

„აქ დარღვეულია ყველაზე მნიშვნელოვანი, კონკურენტული გარემოს პრინციპი. როცა ხელისუფლება ლობირებს კომპანიას, ეს აჩენს ლეგიტიმურ ეჭვს. მითუმეტეს, ვიცით რომ კომპანია არის არაფორმალური შემომწირველი წინასაარჩვენო პერიოდში. გვაქვს ეჭვი, რომ ეს არის კორუფციული გარიგების შედეგი. ასევე, საინტერესოა ადგილობრივი ხელისუფლების პასუხი იმაზე, რომ ეს მშენებლობა ხორციელდება რეკრეაციულ ზონაში. ნებისმიერი მშენებლობა შესაბამისაობაში უნდა იყოს მუნიციპალიტეტის და ქალაქის განვითარების გეგმასთან და იმ ფონზე, როცა ქალაქში არ არსებობს გენერალური გეგმა, მაშინ რის საფუძველზე გაიცემა ეს ნებართვა“, - განაცხადა ანა წითლიძემ.

მის პასუხად, ზუგდიდის მუნიციპალიტეტის ვიცე-მერმა გიორგი შენგელიამ თქვა, რომ მზადაა ითანამშრომლოს სხვა ინვესტორებთანაც.

„საინვესტიციო გარემოს ჩვენ არ ვზღუდავთ, პირიქით. თუ კიდევ სხვა კომპანია გამოთქვამს დაინტერესებას ინვესტიციის განხორციელებასთან დაკავშირებით, ჩვენ მზად ვართ ვითანამშრომლოთ თითოეულთან. რაც შეეხება რეკრეაციულ ზონას, დღეს ყინულის სახლი მდებარეობს 5000 კვადრატულ მეტრზე, ხოლო სასტუმრო იქნება 3000-ზე, დანარჩენი ტერიტორია კი უფრო კეთილმოეწყობა. ჩემი აზრით უკეთეს რეალაობას გვათვაზობს ინვესტორი, ვიდრე ახლა გვაქვს“, - განაცხადა გიორგი შენგელიამ.

ფრაქცია „ევროპული საქართველოს“ თავმჯდომარე ბათლომე შელიას განცხადებით, ამ ინვესტიციის განხორციელება მხოლოდ საზოგადოებრივი აზრის გათვალისწინებით უნდა მოხდეს.

„ინვესტიციის შემოსვლა ყველა ჩვენგანის ინტერესშია, მაგრამ გასათვალისწინებელია ის ფაქტორები, რაც აქ გაჟღერდა. პირველ რიგში, საზოგადოებრივი სივრცის დაცულობა და როცა ასეთ ინვესტიციაზეა საუბარი, ყველაფერი უნდა იყოს გათვლილი. ჩემი პოზიცია იქნება მოსახლეობის აზრის გათვალისწინებით მიღებული გადაწყვეტილება“, - განაცხადა ბათლომე შელიამ.

მისივე აზრით, პროფესიული კოლეჯის აღდგენა კომპანიას, სასტურმოს აშენების სანაცვლოდ ვალდებულებად კი არ უნდა მიეცეს, არამედ შესაძლებელია ამ შენობით მუნიციპალიტეტმა სხვა ინვესტორი დააინტერესოს.

საკრებულოს თავმჯდომარე მამუკა წოწერიას განცხადებით, სკეიტ პარკის ტერიტორიაზე სასტუმროს მშენებლობის პროექტის საჯარო განხილვები გაგრძელდება.

„სასტუმროს მშენებლობის იდეა თავდაპირველად დამუშავდა ვიწრო ჯგუფში, შემდეგ გადავიდა პროფესიულ წრეებში, დღეს იყო ლოგიკური გაგრძელება, ეს გახლდათ საზოგადოებრივი, საჯარო განხილვა კონცეფციის. რა თქმა უნდა, გამოითქვა კრიტიკული მოსაზრებები, მაგრამ საზოგადოების უმეტესობა ემხრობა პროგრესულობას. საკრებულოს სხდომაზე ეს საკითხი გამოვა მას შემდეგ, რაც ყველა ის პროცედურა დასრულდება იმ ლოგიკით, რომელიც ჩაფიქრებული გვაქვს. ეს არის მეტი ჩართულობა ჩვენი მოსახლეობის და დარწმუნებულები ვართ, რომ ჩვენი ქალაქის მოსახლეობის უმეტესი ნაწილი ქალაქის განვითარებას ამ სახით მხარს დაუჭერს“, - განაცხადა საკრებულოს თავმჯდომარემ.

მოქალაქე მარიკა თოდუას თქმით, საჯარო განხილვა ხელისუფლებამ მხოლოდ მას შემდეგ დააანონსა, რაც სასტუმროს აშენების წინააღმდეგ პროტესტი აქციით გამოითქვა.

მისივე განცხადებით, მან ვერც ფეისბუკზე მიიღო დასმულ კითხვებზე პასუხი ადგილობრივი ხელისუფლების წარმომადგენლებისგან.

16 თებერვალს სკეიტ პარკის ტერიტორიაზე საპროტესტო აქცია გაიმართა. აქციის მონაწილეების განცხდებით, ისინი აპროტესტებენ რეკრეაციულ ზონაში სასტუმროს მშენებლობას.

Print E-mail
Twitter
სხვა მასალები
სამართალდამცველებმა ოჯახში ძალადობის ბრალდებით მარტვილში ერთი პირი
დააკავეს.
16:02 / 05.10.2022
სამართალდამცველებმა ოჯახში ძალადობის ბრალდებით მარტვილში ერთი პირი დააკავეს. "ლაივპრესის" ინფორმაციით,
14:11 / 05.10.2022
"საერთაშორისო გამჭვირვალობა-საქართველოს" ინფორმაციით, პარლამენტარი ვიქტორ ჯაფარიძე
რუსეთის მიერ ოკუპირებული აფხაზეთის დე ფაქტო პრეზიდენტმა ასლან
ბჟანიამ
12:03 / 05.10.2022
რუსეთის მიერ ოკუპირებული აფხაზეთის დე ფაქტო პრეზიდენტმა ასლან ბჟანიამ
ბუდაპეშტში,
11:46 / 05.10.2022
ბუდაპეშტში, "ისტორიული ბაღების ევროპული მარშრუტის" მეხუთე ფორუმზე,
კორონავირუსი

საბჭოთა რეპრესიები

ვიდეო
კამპანია სამეგრელოში ოჯახური ძალადობის მსხვერპლთა ერთადერთი თავშესაფრის გადასარჩენად [ვიდეო]
სამეგრელოს რეგიონში, ძალადობის მსხვერპლ ქალთა და ბავშვთა ერთადერთი თავშესაფარი შესაძლოა დაიხუროს.
სპორტის სიყვარულით დაძლეული სტიგმა და ბრძოლა “ოდიშის” შესანარჩუნებლად [ვიდეო]
ზუგდიდის ამპუტანტ ფეხბურთელთა გუნდი "ოდიში" დაშლის ზღვარზეა. კლუბი ერთ-ერთია ქვეყნის მასშტაბით მოქმედი ექვსი გუნდიდან,
ფოტოხელოვანი, რომელიც საკუთარი ნამუშევრებით ტურისტებს სამეგრელოს აცნობს [ვიდეო]
სამეგრელოს ტურისტული პოტენციალი ამ დრომდე შეუსწავლელია. აქ ბევრია ვიზიტორებისთვის საინტერესო ადგილი,
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.