ახალი ამბები
საკრებულოს დეპუტატები „ზუგდიდდასუფთავების“ საქმიანობის შესწავლაში ექსპერტების ჩართვას ითხოვენ [ვიდეო]
FaceBook Twitter
E-mail Print
ზუგდიდის საკრებულოში ააიპ-ების საქმიანობის შემსწავლელმა კომისიამ დღეს „ზუგდიდდასუფთავების ცენტრის“ დირექტორს, ნუგზარ მალაშხიას ანგარიშს მოუსმინა.

ორგანიზაციის საშტატო განრიგის მიხედვით, ცენტრში დასაქმებულია 474 ადამიანი.

უმრავლესობის დეპუტატები დაინტერესდნენ, არის თუ არა შესაძლებელი შტატების შემცირება, რაზეც ნუგზარ მალაშხიამ უპასუხა, რომ მიმდინარე წლიდან უკვე შეამცირა 27 პირი.

დეპუტატ ირაკლი ლაგვილავას განცხადებით, ის ფაქტი, რომ ზუგდიდი უკვე მესამედ გახდა ყველაზე სუფთა რეგიონი, მეეზოვების და ამ სამსახურის მენეჯმენტის დამსახურებაა, ამიტომ მათი შრომა მეტად დაფასდეს და მეეზოვეების ხელფასი უნდა გაიზარდოს. რაც შეეხება თანაშრომლების რაოდენობას, მისი აზრით, ეს საკითხი კომისიამ კომპეტენტურ ადამიანებთან ერთად უნდა შეისწავლოს.

„გასაგებია, რომ დასუფთავებაში ბევრი ადამიანი მუშაობს, მაგრამ რამდენი სჭირდება, ამის განსაზღვრა არის საჭირო. ამისთვის კი ექსპერტებს უნდა ვკითხოთ რჩევა. აქ სხვა სტანდარტებია გასათვალისწინებლი და რადგან ჩვენ არ ვართ ამ საქმის პროფესიონალები, ეს არის ყველაზე მსხვილი აიპი და რამდენი თანამშრომელი სჭირდება მას, ამ საქმის არაპროფესიონალმა არ უნდა განსაზღვროს“, - განაცხადა ირაკლი ლაგვილავამ.

მის განცხადებას პოლიტიკური უწოდა ოპოზიციონერმა დეპუტატმა ბათლომე შელიამ.

„მეეზოვეებს მოვუმატოთ ხელფასიო და იცი, რომ ვერ ვუმატებთ ამას, პოლიტიკურ განცხადებას აკეთებ? ახლა შენ გინდა, რომ კარგი ბიჭი გამოხვიდე? სამუშაო რეჟიმში ვართ აქ“, - მიმართა მას ბათლომე შელიამ.

მისივე თქმით, დასუფთავების სამსახურის მიმართ ძალიან ბევრი კითხვა არსებობს.

„სამწუხაროდ, ნაცვლად საკითხის ძირეული შესწავლისა, ქართული ოცნების ზოგიერთი წარმომადგენლის მხრიდან ვიღებთ ისეთი ტიპის სამადლობო განცხადებებს სადღეგრძელოს სტილში, როგორიც დღეს გაკეთდა, მაგალითად „ამხანაგი" ლაგვილავას მხრიდან. მე არ ვარ ჩახედული თქვენს საქმიანობაში, მაგრამ მაინც მადლობას გიხდით ასეთი კარგები რომ ხართო. ასეთი კომკავშირული ენთუზიაზმით კომისიის მუშაობისგან გვექნება ნულოვანი შედეგი. მეეზოვეები, რომლებიც ჩვენს ქალაქს ასუფთავებენ, ჩემთვის განსაკუთრებულად პატივსაცემი ადამიანები არიან, მაგრამ იმ კითხვის ნიშნებზე, რაც გაბერილ შტატებთან დაკავშირებით მაქვს, ამომწურავი პასუხი ვერ მოვისმინე. ვფიქრობ, უნდა მოვიწვიოთ შესაბამისი სპეციალისტები, რომლებიც დაგვეხმარებიან სპეციფიური სამსახურების მუშაობის რეგულაციის სტანდარტების დადგენაში“, - განაცხადა ბათლომე შელიამ.

დასუფთავების ცენტრის მიმდინარე წლის ბიუჯეტი 4 მილიონ 200 ათასი ლარია. აქედან 2 მილიონ 882 ათას 40 ლარი ხელფასებზე იხარჯება.

Print E-mail
Twitter
არჩევნები
ვიდეო
ცირკი ცხოველების გარეშე - აქცია ზუგდიდში [ვიდეო]
ზუგდიდში ცირკის ცხოველების მხარდასაჭერი აქცია გაიმართა.
არის თუ არა შრომითი უფლებები დაცული - გამოკითხვა
1 მაისი მშრომელთა საერთაშორისო დღეა.
ზოოპარკი ბეტონის ცხოველებით [ვიდეო]
„ბეტონის ცხოველების და ფრინველების ზოოპარკი“ ზუგდიდში,
ანიმაციის საერთაშორისო ფესტივალი ზუგდიდში [ვიდეო]
ზუგდიდის მოსწავლე-ახალგაზრდობის სასახლეში დღეს
ბავშვების საყვარელი გაკვეთილი ახალსოფლის სკოლაში [ვიდეო/ფოტო]
ანჟელა ჩუბინიძე ახალსოფლის სკოლაში ხელოვნებას ასწავლის.
ფოტო
ქვეითთა შეზღუდული უფლებები ზუგდიდში [ფოტო]
ქვეითთა უფლებები ზუგდიდში ხშირად ირღვევა.
პროტესტი ვენეციის კომისიის სახელით [ფოტო]
უზენაეს სასამართლოს მოსამართლეთა უვადოდ
ქვეითთა წაშლილი გადასასვლელები ზუგდიდში [ფოტო]
ზუგდიდის ცენტრში, საავტომობილო გზებზე ქვეითთა გადასასვლელები
ორიგინალური და სახალისო სააღდგომო კვერცხები [ფოტო]
წითლად შეღებილი კვერცხი აღდგომის დღესასწაულის
წვიმას გაქცეული თავშესაფრის მაძიებლები [ფოტო]
მიუსაფარი ძაღლების ბრძოლა არსებობისთვის,
მზარეულის მაგიდა
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.