ახალი ამბები
პროკურატურამ გაასაჯაროვა წერილის ასლი, რომლითაც ხაზარაძის თქმით გახარია დაემუქრა
FaceBook Twitter
E-mail Print
მამუკა ხაზარაძემ დაკითხვისას წარმოადგინა კომპიუტერულ პრინტერზე დაბეჭდილი ე.წ. დოკუმენტი, რომელსაც არ გააჩნია არანაირი მაიდენტიფიცირებელი მონაცემები და ნიშნები, - განაცხადეს მთავარ პროკურატურაში გამართულ ბრიფინგზე. საგამოძიებო ორგანოს განმარტებით, ამ ფურცელს არც შედგენის თარიღი, ადგილი, შემდგენის ვინაობა, ხელმოწერა ერთვის თან.

მათივე თქმით, ხაზარაძემ სიტყვიერად აღნიშნა, რომ მუქარის წერილის დედანი კვლევისთვის საზღვარგარეთ აქვს გაგზავნილი და ამიტომ, გამოძიებას წარმოუდგინა მხოლოდ „ამ ე.წ. დოკუმენტის ასლი“. პროკურატურა ამბობს, რომ არაერთი მოთხოვნის მიუხედავად, მამუკა ხაზარაძემ არ დაასახელა იმ შუამავლის ვინაობა, ვინც მას ეს „ე.წ. წერილი“, მისი სიტყვების თანახმად, გადასცა.

„აღნიშნულ გარემოებათა გათვალისწინებით, გამოძიება, ამ ეტაპზე, მოკლებულია მამუკა ხაზარაძის მიერ მოწოდებული ინფორმაციის გადამოწმების და მისი უტყუარობის დადგენის შესაძლებლობას, რადგან ვერც დოკუმენტის ავთენტიკურობის დადგენის მიზნით მოახდენს ექსპერტული კვლევის ინიცირებას, რადგან სახეზე მხოლოდ ე.წ. დოკუმენტის ასლია და ვერც ე.წ. შუამავალს დაკითხავს, მოწმე ხაზარაძის მიერ მისი ვინაობის გაუმჟღავნებლობის გამო“, - აცხადებს პროკურატურა.

საგამოძიებო ორგანოს განმარტებით, მაღალი საზოგადოებრივი ინტერესიდან გამომდინარე, საქართველოს გენერალური პროკურატურა აქვეყნებს სასამართლოში მამუკა ხაზარაძის მიერ წარდგენილ ე.წ. დოკუმენტს და კიდევ ერთხელ განმარტავს, რომ სასამართლოში დაკითხვისას მოწმე ხაზარაძემ სრულყოფილად არ ითანამშრომლა გამოძიებასთან.

წერილში საუბარია ტელეკომპანია პირველზე, რომ მან სარედაქციო პოლიტიკა უნდა შეიცვალოს და ის „იმედის” მსგავსი უნდა გახდეს და მაუწყებლობის საგანგებო რეჟიმზე უნდა გადავიდეს. აღნიშნულია ისიც, რომ მამუკა ხაზარაძემ უნდა განაცხადოს - მისთვის მიუღებელია „ნაციონალური მოძრაობის“ რევანში, რომ ქართულ ბიზნესს კარგად ახსოვს, როგორ ექცეოდნენ მას მათი მმართველობის პირობებში.

„ამ პირობებში მზად ვართ ვაწარმოოთ ჯანსაღი მოლაპარაკებები ყველანაირი წინაპირობის გარეშე. წინააღმდეგ შემთხვევაში გამოვიყენებთ ჩვენს ხელთ არსებულ ყველა სამართლებრივ ობიექტურ საშუალებას, და გავაკეთებთ ამას საჯაროდ, შიდა და საერთაშორისო მომხმარებლებისთვის“, - ნათქვამია წერილში.

ხაზარაძე 5 მარტს იგი მოწმის სახით დამატებით დაიკითხა თბილისის საქალაქო სასამართლოში.

„თიბისი ბანკის“ დამფუძნებლის, მამუკა ხაზარაძის განცხადებით, მუქარის წერილი შინაგან საქმეთა მინისტრ და ვიცე პრემიერ გიორგი გახარიასგან მიიღო საპრეზიდენტო არჩევნების მეორე ტურის წინ, სადაც მათი რეპუტაციის დანგრევაზე იყო საუბარი.

ბრალდებებს უარყოფს შს მინისტრი. მისი თქმით, ყველას მოუწევს პასუხისგება თავის ვალდებულებებსა და სიტყვებზე.
Print E-mail
Twitter
სხვა მასალები
ოკუპირებულ აფხაზეთში კორონავირუსზე ბოლო 24 საათში 235
19:51 / 14.08.2020
ოკუპირებულ აფხაზეთში კორონავირუსზე ბოლო 24 საათში 235
საქართველოს მთავრობის გადაწყვეტილებით, კორონავირუსის
16:53 / 14.08.2020
საქართველოს მთავრობის გადაწყვეტილებით, კორონავირუსის
რუხის საუნივერსიტეტო კლინიკაში კოვიდინფიცირებულ
14:22 / 14.08.2020
რუხის საუნივერსიტეტო კლინიკაში კოვიდინფიცირებულ
ვიდეო
  ბავშვები საბავშვო ბაღს მიღმა
პანდემიის გამო, მუნიციპალური ბაღების მსგავსად,
პირველი შეხვედრა მაყურებელთან - თეატრის ცხოვრება პანდემიისას
ზუგდიდის თეატრი 5 თვიანი კარანტინის შემდეგ პირველად
ჩხოროწყუელი მასწავლებელი მოსწავლეების დასახმარებლად [ვიდეო]
ჩხოროწყუში, აფხაზეთის მე-10 საჯარო სკოლაში კომპიუტერულ
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.