ახალი ამბები
თვითმმკვლელობას გამოვრიცხავ - ირაკლი კვარაცხელიას ნათესავი
FaceBook Twitter
E-mail Print
გალში გარდაცვლილის ნათესავს ირაკლი კვარაცხელიას თვითმკვლელობის არ სჯერა. თამუნა ფიფიას თქმით, სავარაუდოდ ის ცემით მოკლეს. მისთვის ეს ვერსია ბევრად სარწმუნოა, ვიდრე დე ფაქტო ხელისუფლების მიერ გავრცელებული ინფორმაცია.

„თავი რომ ჩამოიხრჩო, არის აბსურდი, იმდენად ეკლესიურად ცხოვრობდა ბოლო დროს. შეამოაკვდათ ცემაში. ეს უფრო დასაჯერებელია“, - გვითხრა მან, რომელმაც ნათესავის შესაძლო ცემის თაობაზე ინფორმაცია ტელევიზიით მოისმინა.

თამუნა ფიფიას ცნობით, მისთვის გაურკვეველია, რატომ, ან ვისთან გადავიდა გარდაცვლილი აჩიგვარაში, სადაც არავინ არ ჰყავდა და სახლიც ჯერ კიდევ ომის დროს დაიწვა. ამბობს, რომ აფხაზეთში შეიარაღებული დაპირისპირების დასრულების შემდეგ პირველად ჩავიდა.

ბოლოს, მისი ცნობით, ირაკლი კვარაცხელია აღმოსავლეთ საქართველოში, ერთ-ერთ მონასტერში იმყოფებოდა. განმარტავს, რომ ერთი, მუდმივი მისამართი არ ჰქონდა და სხვადასხვა ნათესავთან აფარებდა თავს. მართალია სენაკში, ბებიის გარდაცვალების შემდეგ ბინა მისცეს, თუმცა იქ ერთი დღეც არ უცხოვრია.

„მამა ავტოსაგზაო შემთხვევისას გარდაიცვალა. დედა ორსულად დარჩა. მან შემდეგ სიცოცხლე თვითმკვლელობით დაასრულა, რასაც ირაკლი ძალიან განიცდიდა. არავინ არ ჰყავს. არც მშობლები, არც და-ძმა. ზოგჯერ მონასტერს აფარებდა თავს. სიმშვიდეს ეძებდა“, - გვითხრა გარდაცვლილის ნათესავმა.

ამბობს, რომ ბოლოს ირაკლი ერთი წლის წინ, ცოტა ხნით ნახა. თხუთმეტიოდე წუთი დაჰყო მასთან, ყავა დალია და მას შემდეგ აღარ უნახავს.

„იმის მერე არაფერი არ ვიცი. არავინ არ იცოდა ამის ასავალ-დასავალი. ტელეფონი არ ჰქონდა. სენაკში, მის ბინაში გადმოასვენებენ ალბათ მოვაწესრიგებთ როგორმე ერთ ოთახს და იქ დავასვენებთ“, - აღნიშნა თამუნა ფიფიამ.

სახელმწიფო უსაფრთხოების სამსახურმა ცხელ ხაზზე დაყრდნობით 12 მარტს გაავრცელა ინფორმაცია, რომ გალის რაიონში ქარველმა პატიმარმა სიცოცხლე თვითმკვლელობით დაასრულა. გარდაცვალების გარემოებების დადგენას ცდილობს თავის მხრივ ქართული მხარე.

საგარეო საქმეთა მინისტრმა დავით ზალკალიანმა განაცხადა, რომ გარდაცვალების ობიექტური მიზეზების დასადგენად ყველა საჭირო ინსტრუმენტს გამოიყენებენ.

აფხაზეთის ავტონომიური რესპუბლიკის მთავრობის წარმომადგენელი სამეგრელო-ზემო სვანეთის რეგიონში წითელი ჯვრის წარმომადგენლებს შეხვდა გალში ირაკლი კვარაცხელიას გარდაცვალების საქმესთან დაკავშირებით. რეზო ქობალიამ „ლაივპრესს“ უთხრა, რომ მიაწოდეს მათ ხელთ არსებული ინფორმაცია. საუბარი ასევე შეეხო გარდაცვლილის გადმოსვენების საკითხს.

მომხდარს ევროკავშირის სადამკვირვებლო მისიაც გამოეხმაურა.
Print E-mail
Twitter
ვიდეო
ზუგდიდის „საარჩევნო ტურიზმის“ მადლი [ვიდეო]
არჩევნები დასრულდა და ქალაქი ნელ-ნელა უბრუნდება ჩვეულ რიტმს.
დამკვირვებელი ქალი, რომელიც არჩევნებმა პოპულარული გახადა [ვიდეო]
63 წლის ქეთევან სორდია ზუგდიდის სოფელ კახათში ცხოვრობს.
ცირკი ცხოველების გარეშე - აქცია ზუგდიდში [ვიდეო]
ზუგდიდში ცირკის ცხოველების მხარდასაჭერი აქცია გაიმართა.
არის თუ არა შრომითი უფლებები დაცული - გამოკითხვა
1 მაისი მშრომელთა საერთაშორისო დღეა.
ზოოპარკი ბეტონის ცხოველებით [ვიდეო]
„ბეტონის ცხოველების და ფრინველების ზოოპარკი“ ზუგდიდში,
ფოტო
ქვეითთა შეზღუდული უფლებები ზუგდიდში [ფოტო]
ქვეითთა უფლებები ზუგდიდში ხშირად ირღვევა.
პროტესტი ვენეციის კომისიის სახელით [ფოტო]
უზენაეს სასამართლოს მოსამართლეთა უვადოდ
ქვეითთა წაშლილი გადასასვლელები ზუგდიდში [ფოტო]
ზუგდიდის ცენტრში, საავტომობილო გზებზე ქვეითთა გადასასვლელები
ორიგინალური და სახალისო სააღდგომო კვერცხები [ფოტო]
წითლად შეღებილი კვერცხი აღდგომის დღესასწაულის
წვიმას გაქცეული თავშესაფრის მაძიებლები [ფოტო]
მიუსაფარი ძაღლების ბრძოლა არსებობისთვის,
მზარეულის მაგიდა
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.