ახალი ამბები
მკვლელობაში ბრალდებული ფოთელი პოლიციელი გირაოს სანაცვლოდ გათავისუფლდა
FaceBook Twitter
E-mail Print
მკვლელობაში ბრალდებული ფოთელი პოლიციელი ზუგდიდის სასამართლომ გირაოს სანაცვლოდ გაათავისუფლა. სასამართლომ აღკვეთის ღონისძიება პატიმრობა, 45 000-ლარიანი გირაოთი შეცვალა. უთხრა „ლაივპრესს“ ბრალდებულის ადვოკატმა იოსებ ჯანაშიამ.

მისი თქმით, საქმის განხილვა გაგრძელდება, მაგრამ ძირითადი მოწმეები უკვე დაიკითხნენ. რჩება ექსპერტიზის დასკვნების გამოკვლევა. თუმცა, ადვოკატი ამბობს, რომ ეს დასკვნები სურათს ვერ შეცვლის.

„რაც მოხდა შემთხვევის ადგილას, აჩვენებენ ეს მოწმეები. წინა სხდომებზე, როცა აღკვეთზე ვმსჯელობდით, იყო საუბარი საფრთხეზე, რომ მათზე მოხდებოდა ზემოქმედება. ეს რომ ამოიწურა და გამოიკითხნენ, განეიტრალდა სიტუაცია და საფრთხე არ არსებობდა. სასამართლომ თავისი ინიციატივით დააყენა სასამართლოზე აღკვეთის ღონისძიების გადახედვის საკითხი. ჩვენ რა შუამდგომლობაც დავაყენეთ, დაკმაყოფილდა. გაათავისუფლეს დარბაზიდან“, - გვითხრა იოსებ ჯანაშიამ.

მისივე თქმით, მტკიცებულებები, რაც გამოიკვლიეს, ადასტურებს ვერსიას, რასაც დაცვის მხარე სასამართლოს სთავაზობს, ამიტომაც გამამართლებელი გადაწყვეტილების მოლოდინი აქვს.

ფოთში შარშან, 23 ივლისს დააკავეს პოლიციელი, რომელსაც ძარცვაში ბრალდებულის მკვლელობა ედება. მას ბრალი წარედგინა 333-ე მუხლის 3 ნაწილის „ბ“ ქვეპუნქტით, რაც გულისხმობს სამსახურებრივი უფლებამოსილების გადამეტებას ძალადობით, ან იარაღის გამოყენებით. ასევე, 116-ე მუხლის პირველი ნაწილით - სიცოცხლის გაუფრთხილებლობით მოსპობა, რასაც დაცვის მხარე არ ეთანხმება.

შსს-ს ინფორმაციით, მიმდინარე წლის 23 ივლისს, გამთენიისას, ფოთში, სამსახურებრივი მოვალეობის შესრულების დროს, სამართალდამცველებმა ჩასარიცხი აპარატის გაქურდვის მცდელობის ფაქტზე დაუდგენელ პირს წაასწრეს. პოლიციელი მის დაკავებას შეეცადა, რა დროსაც ჯერჯერობით დაუდგენელი პირი სამართალდამცველს თავს დაესხა და ბლაგვი საგნით თავის არეში ჭრილობა მიაყენა. პოლიციელმა თავდასხმის მოგერიების მიზნით, სამსახურებრივი იარაღიდან გაისროლა და დასაკავებელი პირი დაჭრა. დაჭრილი საავადმყოფოში მიყვანის შემდეგ გარდაიცვალა.
Print E-mail
Twitter
სხვა მასალები
ვიდეო
ზუგდიდის „საარჩევნო ტურიზმის“ მადლი [ვიდეო]
არჩევნები დასრულდა და ქალაქი ნელ-ნელა უბრუნდება ჩვეულ რიტმს.
დამკვირვებელი ქალი, რომელიც არჩევნებმა პოპულარული გახადა [ვიდეო]
63 წლის ქეთევან სორდია ზუგდიდის სოფელ კახათში ცხოვრობს.
ცირკი ცხოველების გარეშე - აქცია ზუგდიდში [ვიდეო]
ზუგდიდში ცირკის ცხოველების მხარდასაჭერი აქცია გაიმართა.
არის თუ არა შრომითი უფლებები დაცული - გამოკითხვა
1 მაისი მშრომელთა საერთაშორისო დღეა.
ზოოპარკი ბეტონის ცხოველებით [ვიდეო]
„ბეტონის ცხოველების და ფრინველების ზოოპარკი“ ზუგდიდში,
ფოტო
ქვეითთა შეზღუდული უფლებები ზუგდიდში [ფოტო]
ქვეითთა უფლებები ზუგდიდში ხშირად ირღვევა.
პროტესტი ვენეციის კომისიის სახელით [ფოტო]
უზენაეს სასამართლოს მოსამართლეთა უვადოდ
ქვეითთა წაშლილი გადასასვლელები ზუგდიდში [ფოტო]
ზუგდიდის ცენტრში, საავტომობილო გზებზე ქვეითთა გადასასვლელები
ორიგინალური და სახალისო სააღდგომო კვერცხები [ფოტო]
წითლად შეღებილი კვერცხი აღდგომის დღესასწაულის
წვიმას გაქცეული თავშესაფრის მაძიებლები [ფოტო]
მიუსაფარი ძაღლების ბრძოლა არსებობისთვის,
მზარეულის მაგიდა
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.