ახალი ამბები
ზუგდიდის მერის არჩევნების გაყალბება უკვე დაიწყო - თენგიზ ჯგუშია [ვიდეო]
FaceBook Twitter
E-mail Print
მოძრაობა „სამეგრელოს ხმის“ დამფუძნებელი თენგიზ ჯგუშია, რომელიც ზუგდიდის მერად კენჭისყრას გეგმავს, ამბობს, რომ მაისში გასამართი არჩევნების გაყალბებაზე მუშაობა უკვე დაწყებულია. ამის შესახებ მან სამეგრელო-ზემო სვანეთის სამხარეო ადმინისტრაციის შენობაში გამართულ ბრიფინგზე განაცხადა. მისი თქმით, სწორედ ეს არის ის ადგილი, საიდანაც მმართველი პოლიტიკური ძალა არჩევნებზე ზეგავლენას ცდილობს. ამ ყველაფერში მან სახელმწიფო რწმუნებული დაადანაშაულა, რომელიც ჯგუშიას მტკიცებით, შინაგან საქმეთა მინისტრის, გიორგი გახარიას დაკვეთით და მითითებით მოქმედებს.

კერძოდ, ორგანიზაციის ხელმძღვანელის თქმით, მან ერთ-ერთი საჯარო მოხელისგან, რომლის ვინაობაც, როგორც განმარტა, მისივე უსაფრთხოების მიზნით არ დაასახელა, მიიღო წერილი, სადაც ნათქვამია, თუ რა გზას მიმართავენ არჩევნების გასაყალბებლად. თენგიზ ჯგუშია ამბობს, რომ გაიცა დავალება საჯარო მოსამსახურეებზე, რომლის თანახმადაც მათ შვიდკაციანი სია უნდა წარმოადგინონ იმ ადამიანების, ვინც ხმას „ოცნების“ კანდიდატს, გიორგი შენგელიას მისცემს. სიას თან მოქალაქეთა პირადი და სატელეფონო ნომრები უნდა ერთვოდეს. რიგ შემთხვევებში კი ერთი ხმა შესაძლოა 100 ლარად იყიდონ.

„სამეგრელოს ხმის“ დამფუძნებლის ინფორმაციით, არჩევნებზე ზემოქმედებისთვის იყენებენ სკოლის და საბავშვო ბაღების პედაგოგებს. თავის მხრივ, მასწავლებლები კი მშობლებს მიმართავენ თხოვნით, დარიგებულ სიაზე ხელი მოუწერონ, რადგან წინააღმდეგ შემთხვევაში სამსახურიდან დათხოვნა ემუქრებათ. მისივე მტკიცებით, სახელმწიფო რწმუნებულთან შეუთანხმებლად მსგავსი რამ არ ხდება და ის უშუალოდაა ამ პროცესების ერთ-ერთი მთავარი მონაწილე.

„ამიტომ ალეკო, ჯიგარო, დაანებეთ თავი ზუგდიდის და სამეგრელოს სოფლების გაცნობას და მიეცით ხალხს თავისუფალი არჩევანის უფლება. მივმართავ მასწავლებლებს, სკოლების დირექტორებს, ბიზნესმენებს, დაწესებულებების ხელმძღვანელებს - თქვენ გაზომბირებენ. აგერ ჯანმრთელი, კარგ ფორმაში მყოფი, აქტიური თენგიზ ჯგუშია ვდგავარ თქვენს გვერდით. როგორც კი ჩემს გვერდით დაგაფიქსირებენ, ყველა დაგანებებთ თავს, არავისი შეგეშინდეთ“, - განაცხადა მან.

ჯგუშიასვე თქმით, მისი სურვილი ზუგდიდის მერობა არ არის, ეს გადაწყვეტილება იძულებით მას შემდეგ მიიღო, რაც ქრთამის აღების ფაქტზე ყოფილი მერი და ვიცე მერი დააკავეს, პრეზიდენტის არჩევნებმა კი გაყალბებით ჩაიარა. ამ ფონზე, „სამეგრელოს ხმის“ დამფუძნებელი ამბობს, რომ „ქართულ ოცნებას“ მორალური უფლება არ აქვს კანდიდატი შესთავაზოს საზოგადოებას.

მან ბრიფინგი სამხარეო ადმინისტრაციის შენობაში, ზუგდიდის საკრებულოს ბანერის ფონზე გამართა და აღნიშნა, რომ მართალია ფინანსური რესურსი არ აქვს, არც მედიის მხარდაჭერა, თუმცა აქვს ღირსება, რომლითაც საარჩევნო კამპანიის წარმართვას გეგმავს.

ბრიფინგამდე თენგიზ ჯგუშიამ ბედნიერების დღესთან დაკავშირებით სახელმწიფო რწმუნებულის ადმინისტრაციის თანამშრომლებს ყვავილები დაურიგა. მან ნარცისების თაიგული ალექსანდრე მოწერელიასთვისაც დატოვა. აღნიშნა, რომ სახელმწიფო რწმუნებულთან, თუ ნებისმიერ სხვა საჯარო მოხელესთან შესვლა დაუბრკოლებლად, შეუფერხებლად, ზედმეტი ნებართვების პროცედურის გვერდის ავლით უნდა იყოს შესაძლებელი ნებისმიერი მოქალაქისთვის.

გაჟღერებულ ბრალდებებთან დაკავშირებით კომენტარზე უარი თქვეს სახელმწიფო რწმუნებულის ადმინისტრაციაში.

Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.