სოხუმში მავნებლის დაზიანებული პალმების მოჭრისა და გასხვლის პროცესი განახლდა. ტელესტუდია „ასარკას“ ინფორმაციით, ამ დროისთვის საერთო ჯამში 18 პალმაა მოჭრილი და იგეგმება კიდევ ათის ლიკვიდაცია. ამასთან, როგორც გამოცემა წერს, განადგურებას გადაურჩა ის პალმები, რომლებიც დროულად შეიწამლა.

აზიური ფაროსანას შემდეგ აფხაზეთში ახალი მავნებელი, ე.წ. პალმის წითელი გრძელცხვირა 2018 წელს გამოჩნდა. მდედრი მავნებლები პალმის ფოთლებზე დებენ კვერცხებს, უკვე ერთი კვირის შემდეგ კი 5 სმ სიგრძის ჭუპრები პალმის ხის განადგურებას შიგნიდან იწყებენ.