ახალი ამბები
ზუგდიდში ბერტა ფონ ზუტნერის მშვიდობის პრემია დაფუძნდება
FaceBook Twitter
E-mail Print
მალე საქართველოში ბერტა ფონ ზუტნერის სახელობის საერთაშორისო პრემია დაფუძნდება. ეს იქნება ერთგვარი წახალისება ადამიანების, რომლებიც წლებია ჩართულები არიან სამშვიდობო დიალოგის პროცესსა და კონფლიქტების ტრანსფორმაციის საქმეში. იდეა ზუგდიდელ სალომე ადამიას ეკუთვნის. ის ახალგაზრდული საინიციატივო ჯგუფის წევრი და მშვიდობის აქტივისტია. პრემიის დაარსება ჯერ კიდევ რამდენიმე წლის წინ ჩაიფიქრა. შემოიკრიბა თანამოაზრეები, რომლებთან ერთადაც დაწყებული მუშაობა დღეს უკვე ლოგიკურ დასასრულს მიუახლოვდა. 8 მაისს ზუგდიდი პირველად უმასპინძლებს გამარჯვებულის დაჯილდოვების ღონისძიებას. მეტიც, პრემია სწორედ აქ დაიდებს ბინას, ქალაქში, სადაც ავსტრიელმა მშვიდობის ნობელიანტმა ქალმა და პაციფისტმა მწერალმა თავისი ცხოვრების მნიშვნელოვანი და გარდამტეხი წლები გაატარა.

სალომე ადამიამ "ლაივპრესს" უთხრა, რომ პრემიის დაარსებას იმთავითვე რამდენიმე მიზანი აქვს. ერთ-ერთი მშვიდობის მშენებლობის პროცესის მონაწილე ადამიანების შრომის დაფასებაა, რომლის შედეგებიც მხოლოდ გრძელვადიან პერსპექტივაში შეიძლება გამოჩნდეს, თემის სპეციფიკიდან გამომდინარე. იდეის ავტორის თქმით, იგივე მიზეზით ეს მოქალაქეები ხშირ შემთხვევაში საზოგადოებისთვის უჩინრები არიან და ზედაპირზე არ ჩანან.

მანვე აღნიშნა, რომ ბერტა ფონ ზუტნერი სწორედ სამეგრელოში, ზუგდიდში ცხოვრების გამოცდილებამ აქცია სამშვიდობო პროცესების მნიშვნელოვან მონაპოვრად, რადგან აქ მოახერხა ავსტრიელმა ქალმა ბევრ საკვანძო საკითხზე დაფიქრება და კონცენტრირება, მომავალში მისი, და არამხოლოდ მისი ცხოვრების მთავარ იმპულსად რომ იქცა.

სალომე ადამია მთელს ამ პროცესში ყურადღებას მშობლიური ქალაქის სამშვიდობო ფუნქციაზე ამახვილებს. ამბობს, რომ ეს ისტორიული როლი დღემდე შეუქცევადია და თანამედროვე რეალობაშიც კი, ზუგდიდი ინარჩუნებს მოდერატორის დანიშნულებას, რაშიც გეოპოლიტიკური ვითარება, იგივე კონფლიქტურ რეგიონთან მეზობლობაც ეხმარება.

ფოტო სალომე ადამიას ფეისბუკიდან

იდეის ავტორი ფიქრობს, რომ საქართველოში ბევრია, ვინც ამ პრემიას იმსახურებს. თუმცა ჩანაფიქრის მასშტაბი ლოკალური ვერ იქნება. გამარჯვებულებს ყოველწლიურად მომავალში მსოფლიოს სხვადასხვა ქვეყნიდან, საერთაშორისო ორგანიზაციების წარმომადგენლებით და ექსპერტებით დაკომპლექტებული ჟიური გამოავლენს. სალომე ადამიას აზრით, პრემიის დაწესება ერთგვარი მოტივაციაც იქნება ახალგაზრდა თაობისთვის, რომლებსაც დღეს ნაკლებად აინტერესებთ სამშვიდობო დიალოგი და კონფლიქტების მოგვარებაზე ზრუნვა.

"აუცილებლად, ეს პრემია დაიდებს ბინას ზუგდიდში. აქ შედგება დაჯილდოვება 8 მაისს, რომელიც არის ევროპის დღე. ეს დღე შემთხვევით არ შეგვირჩევია. გვინდა საზეიმო ღონისძიებით შევუერთდეთ ევროპულ ოჯახს ძალიან ლოგიკურად. საერთაშორისო ორგანიზაციები, მათ შორის ავსტრიის საელჩო გვეხმარება საპრიზო ფონდის და სხვა ლოჯისტიკური საკითხების გადაწყვეტაში", - გვითხრა სალომე ადამიამ.

მისი თქმით, პროცესში ჩართული იქნება მეორეს მხრივ ზუგდიდის მერიაც, რადგან ქალაქი საერთაშორისო მნიშვნელობის ღონისძიების გამართვის ადგილი იქნება, რომელიც არაერთ უცხოელ სტუმარს, მათ შორის დიპლომატიური კორპუსის წარმომადგენლებს უმასპინძლებს.

ახალგაზდული საინიციატივო ჯგუფი ოთხ ადამიანს აერთიანებს. ამასთან, რამდენიმე პარტიორ ორგანიზაციას, საელჩოს. სალომე ბერტას მეგობართა კლუბის სამშვიდობო საზოგადოების წევრიცაა, რომელიც ამ პროცესების ერთ-ერთი მონაწილეა.

საპრიზო ფონდი 3 000 ლარია. თუმცა მშვიდობის აქტივისტს იმედი აქვს, რომ თანხის გაზრდას მომდევნო წლებში შეძლებენ.

სალომე ადამია ამბობს, რომ პრემიის დაწესებას კიდევ ერთი ირიბი მიზანი აქვს - ქვეყნის და ზუგდიდის პოპულარიზება, ტურისტებისთვის მეტად მიმზიდველ და საინტერესო ლოკაციად ქცევა.

ბერტა ფონ ზუტნერი პირველი ქალია, რომელიც ალფრედ ნობელის პრემიის ლაურეატი გახდა ჯერ კიდევ 1905 წელს. ავსტრიელი მწერალი სამეგრელოს სამთავროს უკანასკნელ დედოფალთან, ეკატერინე ჭავჭავაძესთან მეგობრობდა და ხუთი წლის მანძილზე ზუგდიდში ცხოვრობდა.

ბერტა ფონ ზუტნერზე ადგილობრივმა მერიამ ორი წლის წინ დოკუმენტური ფილმი - "ქართველებთან და საქართველოში" გადაიღო. შარშან კი ერთ-ერთ ქუჩას ზუგდიდში მისი სახელი მიანიჭა.
Print E-mail
Twitter
სხვა მასალები
ანაკლიაში ლოტბარ პოლიკარპე ხუბულავას სახელობის
00:04 / 17.07.2019
ანაკლიაში ლოტბარ პოლიკარპე ხუბულავას სახელობის
ქრონიკული დაავადებების სამკურნალო მედიკამენტების პროგრამაში
ცვლილებები შევა,
17:41 / 16.07.2019
ქრონიკული დაავადებების სამკურნალო მედიკამენტების პროგრამაში ცვლილებები შევა,
ძლიერი წვიმის შედეგად, მესტიაში, იფარი-ადიშის დამაკავშირებელ
17:40 / 16.07.2019
ძლიერი წვიმის შედეგად, მესტიაში, იფარი-ადიშის დამაკავშირებელ
პეტიცია სახელწოდებით
15:53 / 16.07.2019
პეტიცია სახელწოდებით "აამუშავე კანონი ცხოველთა წამებისა და მოკვლის წინააღმდეგ",
საბჭოთა რეპრესიები
ვიდეო
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად მსვლელობით დაიწყო.
ანაკლიაში „მომავლის ბანაკი 2019" გაიხსნა [ვიდეო]
„აფხაზეთი საქართველოა! რუსეთი ოკუპანტია!“ - ამ სიტყვებით
მეგრული ნავის ერთადერთი ოსტატი ანაკლიაში [ვიდეო]
მეგრულ ბრტყელძირიან ნავს ძველი, ტრადიციული ტექნიკით
სახლს მიღმა ბარიერია [ვიდეო]
53 წლის რუსლან საჯაიას დილა ჩვეულებრივ იწყება
ზუგდიდელების აზრი აქციის დარბევაზე - [ვიდეო]
რას ფიქრობენ ზუგდიდის მცხოვრებლები თბილისში,
ფოტო
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
გამოცდიდან გამოსული აბიტურიენტების ემოციები [ფოტო]
საქართველოში ერთიანი ეროვნული გამოცდები დღეიდან დაიწყო.
როგორი ეზოები აქვს ზუგდიდში კორპუსებს [ფოტო]
ზუგდიდში მრავალბინიანი კორპუსების ეზოები ის ადგილია,
ზუგდიდში აქციის მონაწილეებმა სოლიდარობის ნიშნად თვალი წითლად შეიღებეს [ფოტო]
ზუგდიდის ბულვარში დაწყებული აქცია "სირცხვილია", სადაც
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.