ახალი ამბები
ზუგდიდის მერობის ერთ-ერთი კანდიდატი სტუდენტია
FaceBook Twitter
E-mail Print
პაატა პირტახია, რომელიც ზუგდიდის მერობის კანდიდატია პარტიიდან - "თავისუფლება - ზვიად გამსახურდიას გზა", მარტვილის მუნიციპალიტეტის სოფელ თამაკონის მცხოვრებია. ის მოქმედი სტუდენტია და უკრაინის ერთ-ერთი უნივერსიტეტის ფილიალში ბიზნეს ადმინისტრირებასა და მენჯმენტს დაუსწრებლად საქართველოში სწავლობს. ის 39 წლისაა. მან "ლაივპრესს" უთხრა, რომ აქვს საშუალო განათლება, თუმცა განმარტავს - არჩევნებში მონაწილეობას არ სჭირდება მაღალი დონის განათლება და უცხოეთში სწავლა. მისი სურვილია ზუგდიდი უკეთეს მუნიციპალიტეტად აქციოს.

პაატა პირტახიას თქმით, სწავლა გამარჯვების შემთხვევაში მისთვის ხელისშემშლელი გარემოება არ იქნება. ყველაფრის მიუხედავად, არჩევნებში ძალების მოსინჯვა გადაწყვიტა. ცდა ბედის მონახევრეაო, გვითხრა. აღიარებს, რომ სერიოზული კონკურენტები ჰყავს.

კანდიდატი ზუგდიდში მოსახლეობასთან შესახვედრად საკუთარი სახსრებით გადაადგილდება. ისმენს მათ საჭიროებებს. განმარტავს, რომ ბევრი რამეა შესაცვლელი. მათ შორის მოსაწესრიგებელია ინფრასტრუქტურა. ასევე, ბიუჯეტი მეტად უნდა მოერგოს ხალხის საჭიროებებს.

"არ არის საჭირო ამდენი პრემიები. ხალხს მეტი თანადგომა სჭირდება. ერთი კლანი მეორეს ებრძვის. ამან გადამაწყვეტინა არჩევნებში მონაწილეობა. უკეთესი მინდა გავხადო ზუგდიდი. პატივს ვცემ მოწინააღმდეგეებს, მაგრამ ჩემი გათვლები მაქვს", - აღნიშნა პაატა პირტახიამ.

ამბობს, თუ ვინმეს მისი დახმარება-თანამონაწილეობა დასჭირდება, თანამშრომლობისთვის მზად არის. რატომ გადაწყვიტა მარტვილის მცხოვრებმა ზუგდიდის მერად კენჭისყრა, განმარტა - რა მნიშვნელობა აქვს, ქართველები ხომ ვართ? სანდრას თუ შეუძლია, ჰოლანდიის წარმომადგენელს, უცხოელს, ქართველს არ შეუძლია? ვინც ღირსეულია, იმან მოიგოს.

პაატა პირტახიას უმუშავია საქართველოს ფოსტაში. ასევე იყო მარტვილის მუნიციპალიტეტის საკრებულოს დამოუკიდებელი წევრი და ფრაქცია "თავისუფლება - ზვიად გამსახურდიას გზის" წარმომადგენელი.

ის პირველი პარტიული კანდიდატია, რომელიც ზუგდიდის საოლქო საარჩევნო კომისიაში დარეგისტრირდა.

არჩევნებისთვის უკვე დარეგისტრირდნენ საინიციატივო ჯგუფების მიერ წარმოდგენილი დამოუკიდებელი კანდიდატები - ფეხბურთის ფედერაციის ყოფილი პრეზიდენტი ზვიად სიჭინავა, "სამეგრელოს ხმის" ხელმძღვანელი თენგიზ ჯგუშია და პროფესიით თეოლოგი დავით თორდია.

ზუგდიდი მერს 19 მაისს აირჩევს.

მმართველი პარტიიდან გამარჯვებისთვის გიორგი შენგელია იბრძოლებს. გაერთიანებული ოპოზიციიდან სანდრა რულოვსი. "ქრისტიან-დემოკრატიული მოძრაობის" მერობის კანდიდატია გოგიტა ბიგვავა. სხვა პარტიებს ჯერ არჩევნებში მონაწილეობის შესახებ არ განუცხადებიათ.

მერის თანამდებობა ვაკანტური მას შემდეგ გახდა, რაც 2018 წლის სექტემბერში პოსტი დატოვა "ქართული ოცნებიდან" 2017 წელს არჩეულმა ლაშა გოგიამ.

2018 წლის ნოემბერში, სახელმწიფო უსაფრთხოების სამსახურის ანტიკორუფციულმა სააგენტომ ლაშა გოგია დიდი ოდენობით ქრთამის აღების ბრალდებით დააკავა. ის ბრალდებას უარყოფს.
Print E-mail
Twitter
სხვა მასალები
აფხაზეთის დე ფაქტო რესპუბლიკის ცენტრალურმა საარჩევნო კომისიამ
15:53 / 17.02.2020
აფხაზეთის დე ფაქტო რესპუბლიკის ცენტრალურმა საარჩევნო კომისიამ
82 წლის ასაკში კინორეჟისორი, რუსთაველის პრემიის ლაურეატი,
საქართველოს
13:26 / 17.02.2020
82 წლის ასაკში კინორეჟისორი, რუსთაველის პრემიის ლაურეატი, საქართველოს
საქართველოს ყოფილი პრეზიდენტი გიორგი მარგველაშვილი აცხადებს,
13:11 / 17.02.2020
საქართველოს ყოფილი პრეზიდენტი გიორგი მარგველაშვილი აცხადებს,
ხანძრის შედეგად დაზიანებული ერგეტის საბავშვო ბაღის
აღსაზრდელებისთვის სასწავლო პროცესი განახლდა.
12:57 / 17.02.2020
ხანძრის შედეგად დაზიანებული ერგეტის საბავშვო ბაღის აღსაზრდელებისთვის სასწავლო პროცესი განახლდა.
ვიდეო
ენგურის ხიდი სოხუმის მიერ გამოცხადებული კარანტინის პირობებში [ვიდეო]
აფხაზეთის დე ფაქტო რესპუბლიკის პრეზიდენტის მოვალეობის
ქუჩისთვის შეცვლილი სახელი, რომელზეც ინფორმაცია მოსახლეობას არ ჰქონდა [ვიდეო]
არასამთავრობო ორგანიზაციების რეკომენდაციების შემდეგ ზუგდიდის
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
ფოტო
მამზიშხას მთა [ფოტო]
მამზიშხას მთა აფხაზეთში, გაგრიდან 6 კილომეტრში მდებარეობს.
ხანმოკლე თოვა ზუგდიდში [ფოტო]
ზუგდიდში ცოტა ხნით გათოვდა. თოვა დაახლოებით 30 წუთს გაგრძელდა. 14 თებერვლის ჩათვლით
ოკაცეს ჩანჩქერი ყინულის ლოლოებით [ფოტო]
ოკაცეს ჩანჩქერი წლის ნებისმიერ დროს ლამაზია.
„სამოქალაქო აქტივიზმი“
ზუგდიდში, ცოტნე დადიანის #3-ში, მრავალბინიანი საცხოვრებელი
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
მზარეულის მაგიდა
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.