ბავშვზე ძალადობაში ბრალდებული ბაღის აღმზრდელი თავს უდანაშაულოდ მიიჩნევს
ბავშვზე ძალადობაში ბრალდებული ბაღის ყოფილი აღმზრდელი
ამბობს, რომ უდანაშაულოა. ამის შესახებ ინგა ვეკუამ დღეს გამართულ
წინასასამართლო სხდომაზე განაცხადა. საქმე ეხება ზუგდიდის სოფელ
ზედაეწერში მომხდარ შემთხვევას, როცა მშობელმა მცირეწლოვანი შვილის
მიმართ აღმზრდელი, ფიზიკურ და ფსიქოლოგიურ ძალადობაში
დაადანაშაულა.
მოსამართლე ნატრული აკობიას კითხვას, სცნობს თუ არა ის თავს დამნაშავედ წარდგენილ ბრალდებაში, მან უპასუხა, რომ - არა.
დღევანდელ პროცესზე საქმის დეტალებზე საუბარი არ ყოფილა. კომენტარზე "ლაივპრესს" სხდომის დასრულების შემდეგ უარი უთხრა როგორც ბრალდებულმა, ისე მისმა ადვოკატმა ლონდარა შამუგიამ.
მხარეებმა პროცესზე წარმოადგინეს ის მასალები, რომელთა დართვაც საქმისთვის ითხოვეს. ორივე მათგანის შუამდგომლობები მოსამართლემ დააკმაყოფილა. მათ შორის არის ერთის მხრივ დაზარალებულად ცნობილი მცირეწლოვნის, სხვა არასრულწლოვნების გამოკითხვების ოქმები, ისე ბრალდებულის დახასიათება სკოლამდელი სააღმზრდელო დაწესებულებათა მართვის ცენტრიდან და მეზობლების დახასიათებები.
სხდომებზე არასრულწლოვნებთან ერთად, დაზარალებულის დაკითხვაც იგეგმება.
ადვოკატმა აღნიშნა, რომ სასამართლო მსვლელობისას ყველა დარწმუნდება მისი დაცვის ქვეშ მყოფის უდანაშაულობაში.
5 წლის ბავშვზე ძალადობაში ბრალდებულ ბაღის აღმზრდელს უფლებამოსილება 11 აპრილს შეუჩერდა. მასვე 8 აპრილს ზუგდიდის სასამართლომ აღკმკვეთი ღონისძიების სახით გირაო შეუფარდა.
ბაღის გამგემ მშობლის ბრალდება "ლაივპრესთან" საუბარში ჯერ კიდევ 30 მარტს უარყო. ფატიმა ხუბუას თქმით, აღმზრდელმა ბავშვს მხოლოდ წესრიგისკენ და აქტივობაში ჩართვისკენ მოუწოდა. სხვა არაფერი მომხდარა.
შინაგან საქმეთა სამინისტრომ შეტყობინების საფუძველზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
მოსამართლე ნატრული აკობიას კითხვას, სცნობს თუ არა ის თავს დამნაშავედ წარდგენილ ბრალდებაში, მან უპასუხა, რომ - არა.
დღევანდელ პროცესზე საქმის დეტალებზე საუბარი არ ყოფილა. კომენტარზე "ლაივპრესს" სხდომის დასრულების შემდეგ უარი უთხრა როგორც ბრალდებულმა, ისე მისმა ადვოკატმა ლონდარა შამუგიამ.
მხარეებმა პროცესზე წარმოადგინეს ის მასალები, რომელთა დართვაც საქმისთვის ითხოვეს. ორივე მათგანის შუამდგომლობები მოსამართლემ დააკმაყოფილა. მათ შორის არის ერთის მხრივ დაზარალებულად ცნობილი მცირეწლოვნის, სხვა არასრულწლოვნების გამოკითხვების ოქმები, ისე ბრალდებულის დახასიათება სკოლამდელი სააღმზრდელო დაწესებულებათა მართვის ცენტრიდან და მეზობლების დახასიათებები.
სხდომებზე არასრულწლოვნებთან ერთად, დაზარალებულის დაკითხვაც იგეგმება.
ადვოკატმა აღნიშნა, რომ სასამართლო მსვლელობისას ყველა დარწმუნდება მისი დაცვის ქვეშ მყოფის უდანაშაულობაში.
5 წლის ბავშვზე ძალადობაში ბრალდებულ ბაღის აღმზრდელს უფლებამოსილება 11 აპრილს შეუჩერდა. მასვე 8 აპრილს ზუგდიდის სასამართლომ აღკმკვეთი ღონისძიების სახით გირაო შეუფარდა.
ბაღის გამგემ მშობლის ბრალდება "ლაივპრესთან" საუბარში ჯერ კიდევ 30 მარტს უარყო. ფატიმა ხუბუას თქმით, აღმზრდელმა ბავშვს მხოლოდ წესრიგისკენ და აქტივობაში ჩართვისკენ მოუწოდა. სხვა არაფერი მომხდარა.
შინაგან საქმეთა სამინისტრომ შეტყობინების საფუძველზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.