რაც უფრო ბევრ სიყალბეს ჩაიდენენ, მით უფრო მწვავე იქნება ჩვენი აქციები - ოპოზიცია [ვიდეო]
მარტივად შეგვეძლო გზა გადაგვეკეტა,
მაგრამ შეგნებულად არ მივიღეთ ეს გადაწყვეტილება, მაგრამ ეს არის
უკანასკნელი ასეთი პოზიცია. რაც უფრო ბევრ სიყალბეს ჩაიდენენ, მით
უფრო მწვავე იქნება ჩვენი აქციები, გზებიც გადაიკეტება და ოფისების
პიკეტირებაც იქნება, დღს ამით ვასრულებთ - ამ სიტყვებით მიმართა
გაერთიანებული ოპოზიციის წარმომადგენელმა ბაჩუკი ქარდავამ საოლქო
საარჩევნო კომისიასთან შეკრებილ მომხრეებს და აქციაც დასრულდა.
როგორც ოპოზიციის ლიდერებმა განაცხადეს, მათი საპროტესტო გამოსვლები მოვლენების განვითარების მიხედვით დაიგეგმება. ოპოზიციის ერთ-ერთი ლიდერის ნიკა მელიას განცხადებით, მოთხოვნები არის კონკრეტული და უცვლელი - გადადგეს მირანდა მესხი და მიეცეს სისხლის სამართლის პასუხისგებაში, რადგან მას ჰქონდა არჩევნების გაყალბების მცდელობა. ასევე უფლება-მოსილება შეუწყდეს ზუგდიდის მუნიციპალიტეტის საკრებულოს წევრ გია დანელიას.
ნიკა მელიას განცხადებით მათი მოთხოვნაა, დაისაჯოს ყველა ის პირი ვინც მონაწილეობას იღებდა დადიანების მუზეუმის ეზოში 14 მაისს მომხდარ ინციდენტში.
გაერთიანებული ოპოზიციის ლიდერებმა სიტყვით გამოსვლისას დღეს აღნიშნეს, რომ მათ პირველ გამარჯვებას უკვე მიაღწიეს, როცა საოლქო კომისიას უბნებიდან მოატანინეს ვადების დარღვევით გატანილი სამაგიდო სიები, მორიგი გამარჯვება მათი სიტყვებით, იქნება მირანდა მესხის გადადგომა და შემდეგ უკვე არჩევნებში გამარჯვება.
თავის მხრივ, დღეს ჟურნალისტებთან განმარტება გააკეთა, საოლქო საარჩევნო კომისიის თავმჯდომარემ. მირანდა მესხის განცხადებით, კომისიის წევრები უბნებიდან მობრუნებულ ამომრჩეველთა სამაგიდო სიებს ამოწმებენ, თუმცა ოპოზიციას ამ პროცესის მიმართ ინტერესი არ გამოუჩენია. საოლქო საარჩევნო კომისიის თავმჯდომარის განმარტებით, გაერთიანებულმა ოპოზიციამ სინამდვილეში სამაგიდო სიები "თემად ააგორა" და შემდეგ მიატოვა. მირანდა მესხმა კიდევ ერთხელ გაიმეორა, რომ კანონი არ დაურღვევია და დასძინა, თუ ოპოზიცია მის სისხლის სამართლებრივ პასუხისგებაში მიცემას ითხოვს, უნდა დაამტკიცონ და ალბათ დაამტკიცებენ, რასაც ამბობენ.
კომისიის წევრის "ერთიანი ნაციონალური მოძრაობდან", მაია გაწერელიას თქმით, მოტანილი ბეჭდების და სიების გადამოწმების პროცესში მონაწილეობს და ამ ეტაპზე დარღვევა არ დაუფიქსირებია.
ოპოზიციის უკმაყოფილება ჯერ კიდევ 14 მაისს დაიწყო, როცა ამომრჩეველთა სამაგიდო სიები საარჩევნო უბნებს, ოპოზიციის მტკიცებით, კანონით განსაზღვრულ დროზე ადრე გადასცეს, რაც მათი მხრიდან გაყალბების მცდელობად შეფასდა. თავის მხრივ, ცესკოც ირწმუნება, რომ საოლქო კომისიას კანონი არ დაურღვევია, თუმცა რეგისტრატორის ბეჭდებთან დაკავშირებით განმარტავს, რადგან იყო "სპეკულაციები", ბეჭდებს შეცვლიან.
როგორც ოპოზიციის ლიდერებმა განაცხადეს, მათი საპროტესტო გამოსვლები მოვლენების განვითარების მიხედვით დაიგეგმება. ოპოზიციის ერთ-ერთი ლიდერის ნიკა მელიას განცხადებით, მოთხოვნები არის კონკრეტული და უცვლელი - გადადგეს მირანდა მესხი და მიეცეს სისხლის სამართლის პასუხისგებაში, რადგან მას ჰქონდა არჩევნების გაყალბების მცდელობა. ასევე უფლება-მოსილება შეუწყდეს ზუგდიდის მუნიციპალიტეტის საკრებულოს წევრ გია დანელიას.
ნიკა მელიას განცხადებით მათი მოთხოვნაა, დაისაჯოს ყველა ის პირი ვინც მონაწილეობას იღებდა დადიანების მუზეუმის ეზოში 14 მაისს მომხდარ ინციდენტში.
გაერთიანებული ოპოზიციის ლიდერებმა სიტყვით გამოსვლისას დღეს აღნიშნეს, რომ მათ პირველ გამარჯვებას უკვე მიაღწიეს, როცა საოლქო კომისიას უბნებიდან მოატანინეს ვადების დარღვევით გატანილი სამაგიდო სიები, მორიგი გამარჯვება მათი სიტყვებით, იქნება მირანდა მესხის გადადგომა და შემდეგ უკვე არჩევნებში გამარჯვება.
თავის მხრივ, დღეს ჟურნალისტებთან განმარტება გააკეთა, საოლქო საარჩევნო კომისიის თავმჯდომარემ. მირანდა მესხის განცხადებით, კომისიის წევრები უბნებიდან მობრუნებულ ამომრჩეველთა სამაგიდო სიებს ამოწმებენ, თუმცა ოპოზიციას ამ პროცესის მიმართ ინტერესი არ გამოუჩენია. საოლქო საარჩევნო კომისიის თავმჯდომარის განმარტებით, გაერთიანებულმა ოპოზიციამ სინამდვილეში სამაგიდო სიები "თემად ააგორა" და შემდეგ მიატოვა. მირანდა მესხმა კიდევ ერთხელ გაიმეორა, რომ კანონი არ დაურღვევია და დასძინა, თუ ოპოზიცია მის სისხლის სამართლებრივ პასუხისგებაში მიცემას ითხოვს, უნდა დაამტკიცონ და ალბათ დაამტკიცებენ, რასაც ამბობენ.
კომისიის წევრის "ერთიანი ნაციონალური მოძრაობდან", მაია გაწერელიას თქმით, მოტანილი ბეჭდების და სიების გადამოწმების პროცესში მონაწილეობს და ამ ეტაპზე დარღვევა არ დაუფიქსირებია.
ოპოზიციის უკმაყოფილება ჯერ კიდევ 14 მაისს დაიწყო, როცა ამომრჩეველთა სამაგიდო სიები საარჩევნო უბნებს, ოპოზიციის მტკიცებით, კანონით განსაზღვრულ დროზე ადრე გადასცეს, რაც მათი მხრიდან გაყალბების მცდელობად შეფასდა. თავის მხრივ, ცესკოც ირწმუნება, რომ საოლქო კომისიას კანონი არ დაურღვევია, თუმცა რეგისტრატორის ბეჭდებთან დაკავშირებით განმარტავს, რადგან იყო "სპეკულაციები", ბეჭდებს შეცვლიან.