ახალი ამბები
არ გადავდგები - საოლქო კომისიის თავმჯდომარე
FaceBook Twitter
E-mail Print
ზუგდიდის საოლქო საარჩევნო კომისიის თავმჯდომარის განცხადებით, ყველა ადამიანი, რომელიც სპეციალურ სიაში წერია, ზუგდიდის მცხოვრებია. ასე უპასუხა მირანდა მესხმა გაერთიანებული ოპოზიციის საარჩევნო შტაბის წარმომადგენელ თინა ბოკუჩავას ბრალდებას, რომ ამ სიებში სინამდვილეში სხვაგან რეგისტრირებული პირები შეიყვანეს.

დანარჩენი, ოლქის თავმჯდომარის თქმით, ოპოზიციას მოუწოდა, წაიკითხონ მუხლი, თუ რას ნიშნავს სპეციალური სია. მანვე განმარტა, რომ კანონმდებლობა არც ამ შემთხვევაში დაურღვევიათ.

მესხის სიტყვებით, დღეს სხდომაზე გასატანი იყო ორი საკითხი, სპეც სიების დამტკიცების თაობაზე. პირველი, საუბნო საარჩევნო კომისიის წევრების შეყვანა იმ უბნის ამომრჩეველთა სიებში, სადაც მუშაობენ, რადგან სახურებრივად ისინი ვერ ახერხებენ ხმა მისცენ იმ უბანზე, სადაც არიან რეგისტრირებული.

მისივე თქმით, მეორე ნაწილი შეეხებოდა შინაგან საქმეთა სამინისტროს მიერ მოწოდებულ სიებს. როგორც კომისიის თავმჯდომარე ამბობს, შსს-მ კომისიას მიაწოდა 292 კაციანი სია და დამტკიცდა 139 კაციანი სია. მირანდა მესხის განმარტებით, განისაზღვრა უბანი, სადაც ამ სიაში შესული ადამიანები მიიღებენ კენჭისყრაში მონაწილეობას.

"ოპოზიცია ცრუობს. არანაირი დარღვევა არ არის. წავიკითხოთ მუხლები. შეგიძლიათ განკარგულების ასლებიც გაიტანოთ და ნახოთ. ზუსტად ის კატეგორიაა მითითებული, ვინც თავისი სამსახურებრივი მოვალეობის შესრულების გამო ვერ ახერხებს გადაადგილებას. ისინი არიან ზუგდიდში რეგისტრირებული, მაგრამ ვერ ახდენენ რეგისტრაციის მიხედვით ამას", - განმარტა მირანდა მესხი.

ოლქის თავმჯდომარე ამბობს, რომ ოპოზიციას მისი გადადგომის მოთხოვნით საოლქო კომისიისთვის წერილობით არ მიუმართავს, ისმის მხოლოდ ზეპირი განცხადებები. თუმცა, ნებისმიერ შემთხვევაში გადადგომას არ აპირებს, რადგან განმარატავს - კანონი არ დაურღვევია.

მირანდა მესხისვე განმარტებით, ყველაფერს თავისი პროცედურები აქვს, რომლის მიხედვითაც მოქმედებენ. მისი თქმით, ის საკითხი, რომლის დაყენებაც დღეს ოპოზიციას სურდა, დღის განრიგით გათვალისწინებული არ ყოფილა.

ოლქის თავმჯდომარისვე თქმით, საჩივრები, რომლებიც დაფიქსირებულია, მოიკვლევენ და განიხილავენ.

კომისიის დღევანდელი სხდომა ხმაურის ფონზე წარიმართა. კომისიის წევრებს და ოლქის თავმჯდომარეს ოპოზიცია რამდენჯერმე დაუპირისპირდა. კომისიამ არ დააკმაყოფილა მოთხოვნა, დღის წესრიგში შეეტანათ და განეხილათ მათი მოთხოვნა, სამაგიდო სიების და რეგისტრატორის ბეჭდების, მათივე მტკიცებით დაუცველ უბნებზე გადატანაზე პასუხისმგებელი პირების საკითხზე მსჯელობის, და ბრალეულობის გამოკვეთის შემთხვევაში, მათ პასუხისგებაში მიცემის შესახებ.

მანამდე ხატია დეკანოიძემ უჩვენა შეკრებილებს ვიდეომასალა, სადაც მისი თქმით ჩანს, თუ სად, როგორ პირობებში გადაიტანეს სიები და რეგისტრატორის ბეჭდები.
Print E-mail
Twitter
სხვა მასალები
სახელმწიფო პროექტში „დანერგე მომავალი“ ცვლილებები შევიდა.
15:54 / 27.05.2019
სახელმწიფო პროექტში „დანერგე მომავალი“ ცვლილებები შევიდა.
სენაკში რძის პროდუქტების საწარმო „შურობუმუ“ გაქურდეს.
14:05 / 27.05.2019
სენაკში რძის პროდუქტების საწარმო „შურობუმუ“ გაქურდეს.
ვიდეო
ჰოლანდიური ნესვის სათბური ზუგდიდში [ვიდეო]
ზუგდიდის სოფელ ცაიშში 65 წლის გენო ასათიანს ნესვი მოჰყავს.
ზუგდიდის „საარჩევნო ტურიზმის“ მადლი [ვიდეო]
არჩევნები დასრულდა და ქალაქი ნელ-ნელა უბრუნდება ჩვეულ რიტმს.
დამკვირვებელი ქალი, რომელიც არჩევნებმა პოპულარული გახადა [ვიდეო]
63 წლის ქეთევან სორდია ზუგდიდის სოფელ კახათში ცხოვრობს.
ცირკი ცხოველების გარეშე - აქცია ზუგდიდში [ვიდეო]
ზუგდიდში ცირკის ცხოველების მხარდასაჭერი აქცია გაიმართა.
არის თუ არა შრომითი უფლებები დაცული - გამოკითხვა
1 მაისი მშრომელთა საერთაშორისო დღეა.
ფოტო
საქართველოს დამოუკიდებლობის 101-ე წელი [ფოტო]
ზუგდიდელები საქართველოს დამოუკიდებლობის 101-ე
ზუგდიდის ცენტრალურ ქუჩებში საცობებია [ფოტო]
ზუგდიდის ბულვართან ცენტარლური გზების ჩაკეტვამ ქალაქში
ქვეითთა შეზღუდული უფლებები ზუგდიდში [ფოტო]
ქვეითთა უფლებები ზუგდიდში ხშირად ირღვევა.
პროტესტი ვენეციის კომისიის სახელით [ფოტო]
უზენაეს სასამართლოს მოსამართლეთა უვადოდ
ქვეითთა წაშლილი გადასასვლელები ზუგდიდში [ფოტო]
ზუგდიდის ცენტრში, საავტომობილო გზებზე ქვეითთა გადასასვლელები
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.