სტრასბურგის სასამართლომ გურამ ბაძაღუას საქმე წარმოებაში მიიღო
ზუგდიდელი გურამ ბაძაღუას საქმე, რომელსაც დანაშაულის დაფარვას
ედავებიან, სტრასბურგის სასამართლომ წარმოებაში მიიღო. თუმცა საქმის
განხილვა თბილისის საქალაქო სასამართლოში ჯერ კიდევ გრძელდება.
ბრალდებულმა "ლაივპრესს" უთხრა, რომ ეს გადაწყვეტილება ჯერ კიდვე
მაშინ მიიღეს, როცა ის საპატიმროში იყო. ამბობს - ევროპული სასამართლო
ერთ-ერთი ბერკეტია შექმნილ უსამართლობასთან საბრძოლველად.
"ჩვენთვის სტრასბურგის გადაწყვეტილება მნიშვნელოვანია, რადგან ეს იქნება სხვებთან მსგავსი დარღვევების პრევენციის გარანტი. სტრასბურგის სასამართლოს გადაწყვეტილებამდე რა თქმა უნდა ჯერ შორია, თუმცა ის ფაქტი, რომ ჩვენი საქმე წარმოებაში მიიღეს, უკვე ძალიან ბევრ რამეზე მეტყველებს. საქმე მოიცავს იმ დარღვევებს, რომლებიც განხორციელდა ჩემს მიმართ დაკავების დღიდან, რიგი მოსამართლეებისაგან და ა.შ" , - განმარტა მან.
გურამ ბაძაღუას თქმით, სამართალდამცველებს ის "ოქროს მოწმედ" სჭირდებოდათ, მასთან ერთად დაკავებული პირისთვის დანაშაულის დამტკიცების მიზნით. მან ჩვენთან საუბარში გაიხსენა დაკავების ეპიზოდიც. თქვა, რომ სამსახურიდან სახლში მიმავალს ორი წლის უნახავი ნაცნობი შეხვდა, რომელიც თავისთან დაპატიჟა. ის მოუყვა ფინანსური პრობლემების შესახებ და სთხოვა, მასთან რამდენიმე დღე დარჩებოდა. გურამ ბაძაღუასაც უარი არ უთქვამს.
"მეორე დღეს სამართალდამცველები დაგვადგნენ. თვითონ პოლიციელები მეუბნებოდნენ, რომ ვიცით, რომ საქმესთან კავშირში არ ხარ, უბრალოდ ამ პირს ვერ უმტკიცებდნენ საქმეს. მეუბნებოდნენ, რომ მეთქვა, ამ ადამიანმა ეს და ეს გააკეთა და პრობლემა არ შემექმნებოდა. ხელი უნდა დამედო მისთვის", - გვითხრა ბრალდებულმა.
მისივე თქმით, დღეს სასამართლოში გრძელდება პროკურატურის მოწმეების დაკითხვა. გურამ ბაძაღუა ამბობს, რომ ეს მოწმეები პოლიციელები არიან, რომელთა ჩვენებებიც ირიბია. თუმცა მათი საუბრის 90% სიცრუე და ურთიერთგამომრიცხავი.
გუკა ბაძაღუა გასული წლის 11 ოქტომბერს, დანაშაულის დაფარვის ბრალდებით დააკავეს. ამ გადაწყვეტილებას მოჰყვა პროტესტი როგორც ზუგდიდში, ისე თბილისში, მათ შორის საკნების აქციაც. მას წინასწარი პატიმრობის ვადა 4 დეკემბერს ამოეწურა, თუმცა სასამართლომ ის კვლავ პატიმრობაში დატოვა. აქციის მონაწილეთა განმარტებით, ახალგაზრდა სტუდენტი პროკურატურის ტყვე იყო და მისი პატიმრობაში დატოვება სწორედ საგამოძიებო უწყებას დასჭირდა.
საბოლოოდ, ბრალდებულს აღმკვეთი ღონისძიების სახით შეფარდებული პატიმრობა გირაოთი შეეცვალა და გათავისუფლდა.
"ჩვენთვის სტრასბურგის გადაწყვეტილება მნიშვნელოვანია, რადგან ეს იქნება სხვებთან მსგავსი დარღვევების პრევენციის გარანტი. სტრასბურგის სასამართლოს გადაწყვეტილებამდე რა თქმა უნდა ჯერ შორია, თუმცა ის ფაქტი, რომ ჩვენი საქმე წარმოებაში მიიღეს, უკვე ძალიან ბევრ რამეზე მეტყველებს. საქმე მოიცავს იმ დარღვევებს, რომლებიც განხორციელდა ჩემს მიმართ დაკავების დღიდან, რიგი მოსამართლეებისაგან და ა.შ" , - განმარტა მან.
გურამ ბაძაღუას თქმით, სამართალდამცველებს ის "ოქროს მოწმედ" სჭირდებოდათ, მასთან ერთად დაკავებული პირისთვის დანაშაულის დამტკიცების მიზნით. მან ჩვენთან საუბარში გაიხსენა დაკავების ეპიზოდიც. თქვა, რომ სამსახურიდან სახლში მიმავალს ორი წლის უნახავი ნაცნობი შეხვდა, რომელიც თავისთან დაპატიჟა. ის მოუყვა ფინანსური პრობლემების შესახებ და სთხოვა, მასთან რამდენიმე დღე დარჩებოდა. გურამ ბაძაღუასაც უარი არ უთქვამს.
"მეორე დღეს სამართალდამცველები დაგვადგნენ. თვითონ პოლიციელები მეუბნებოდნენ, რომ ვიცით, რომ საქმესთან კავშირში არ ხარ, უბრალოდ ამ პირს ვერ უმტკიცებდნენ საქმეს. მეუბნებოდნენ, რომ მეთქვა, ამ ადამიანმა ეს და ეს გააკეთა და პრობლემა არ შემექმნებოდა. ხელი უნდა დამედო მისთვის", - გვითხრა ბრალდებულმა.
მისივე თქმით, დღეს სასამართლოში გრძელდება პროკურატურის მოწმეების დაკითხვა. გურამ ბაძაღუა ამბობს, რომ ეს მოწმეები პოლიციელები არიან, რომელთა ჩვენებებიც ირიბია. თუმცა მათი საუბრის 90% სიცრუე და ურთიერთგამომრიცხავი.
გუკა ბაძაღუა გასული წლის 11 ოქტომბერს, დანაშაულის დაფარვის ბრალდებით დააკავეს. ამ გადაწყვეტილებას მოჰყვა პროტესტი როგორც ზუგდიდში, ისე თბილისში, მათ შორის საკნების აქციაც. მას წინასწარი პატიმრობის ვადა 4 დეკემბერს ამოეწურა, თუმცა სასამართლომ ის კვლავ პატიმრობაში დატოვა. აქციის მონაწილეთა განმარტებით, ახალგაზრდა სტუდენტი პროკურატურის ტყვე იყო და მისი პატიმრობაში დატოვება სწორედ საგამოძიებო უწყებას დასჭირდა.
საბოლოოდ, ბრალდებულს აღმკვეთი ღონისძიების სახით შეფარდებული პატიმრობა გირაოთი შეეცვალა და გათავისუფლდა.