ახალი ამბები
არასამთავრობოები პოლიციას მოუწოდებენ, „თბილისი პრაიდის“ უსაფრთხო გარემოში ჩატარება უზრუნველყოს
FaceBook Twitter
E-mail Print
14 არასამთავრობო ორგანიზაცია სოლიდარობას უცხადებს "თბილისი პრაიდის" ორგანიზატორებს და ლგბტ+ აქტივისტებს, რომელთა გამოხატვის თავისუფლებაც, მათივე განცხადებით, უხეშად შეიზღუდა ძალადობრივი ჯგუფების მიერ მთავრობის კანცელარიის მიმდებარედ. ისინი მოუწოდებენ სამართალდამცავ ორგანოებს, მიმართონ ყველა საჭირო ზომას, ერთი მხრივ მოძალადეთა სამართლებრივ პასუხისგებაში მისაცემად, მეორე მხრივ კი "თბილისი პრაიდის" კვირეულის მშვიდობიან გარემოში ჩატარების უზრუნველსაყოფად.

არასამთავრობოების თქმით, კონსტიტუციით გარანტირებულია თითოეული ადამიანის გამოხატვის თავისუფლება, მათ შორის მშვიდობიანი შეკრების უფლება, სექსუალური ორიენტაციის, გენდერული იდენტობის თუ სხვა კუთვნილების მიუხედავად. ამავდროულად, განმარტავენ - სახელმწიფოს პოზიტიური ვალდებულებაა, მიიღოს სათანადო ზომები, იმ ადამიანების წინააღმდეგ, რომლებიც ხელს უშლიან ამ უფლებით სარგებლობას.

"საზოგადოებამ ნათლად იხილა, რომ 14 ივნისს, კანცელარიასთან, ლგბტ+ აქტივისტებს არ მიეცათ საკუთარი უფლებების რეალიზების საშუალება. ისინი, ისევე როგორც იქ მყოფი სხვა მშვიდობიანი მოქალაქეები, ჟურნალისტები და სახალხო დამცველის წარმომადგენლები, გახდნენ მუქარისა და ძალადობის ობიექტები იმ ჯგუფების მხრიდან, რომელთა ლიდერებსაც კავშირი აქვთ რუსეთის ფედერაციასთან. განსაკუთრებულ შეშფოთებას იწვევს 16 ივნისს ვერის პარკში ძალადობრივი ჯგუფების წარმომადგენლების განცხადებები, რომლებიც შეიცავდა მკაფიო მუქარას და ძალადობისკენ მოწოდებას ლგბტ+ აქტივისტების, პოლიციელების, უფლებადამცველებისა და საერთაშორისო პარტნიორების მიმართ. ბიზნესმენმა ლევან ვასაძემ ვერის პარკში შეკრებილებს "თბილისი პრაიდის" ჩაშლის გეგმაც გააცნო და ძალადობრივი დაჯგუფებაში გაწევრიანებისკენ მოუწოდა.

შინაგან საქმეთა სამინისტრომ აქციის მიმდინარეობისას, ადმინისტრაციული წესით, დააკავა 28 პირი, რომლებიც ცდილობდნენ პოლიციის კორდონის გარღვევას და სხვადასხვა ქმედებით გამოხატავდნენ აგრესიას აქციის მშვიდობიანი მონაწილეების, მათი მხარდამჭერების, ასევე, ჟურნალისტების მიმართ. ამასთან, სამინისტრომ უკვე დაიწყო გამოძიება უკანონო ფორმირების შექმნის, ხელმძღვანელობის და მასში გაწევრების ფაქტებზე, სისხლის სამართლის კოდექსის 223-ე მუხლის პირველი ნაწილით. შინაგან საქმეთა სამინისტროს მიერ ექსტრემისტული ჯგუფების ძალადობრივ ქმედებებსა და მოწოდებებზე რეაგირება მისასალმებელია, თუმცა აღსანიშნავია, რომ ასეთი ჯგუფების გაძლიერება წლების მანძილზე ხელისუფლების არასათანადო პოლიტიკის, უმოქმედობისა და ხშირად შემწყნარებლური დამოკიდებულების შედეგია. განსაკუთრებით საგანგაშოა ის ფაქტი, რომ შინაგან საქმეთა სამინისტრო "თბილისი პრაიდის" ორგანიზატორებს პრაიდის არჩატარებას სთავაზობს და უსაფრთხოების გარანტიებს ვერ აძლევს", - აცხადებენ განცხადების ავტორები.

სწორედ ამიტომ, არასამთავრობოების თქმით, სამართალდამცავმა ორგანოებმა დროულად და ეფექტურად უნდა გამოიძიონ 14 და 16 ივნისის აქციებზე განხორციელებული ძალადობრივი აქტები და მოწოდებები. ამ კუთხით მათ განსაკუთრებული ყურადღება უნდა გამოიჩინონ ლევან ვასაძის მიერ გაჟღერებული გეგმების მიმართ, რომელიც სისხლის სამართლის დანაშაულის ნიშნებს შეიცავს.

ამასთან, არასამთავრობოების განმარტებით, უნდა განხორციელდეს ყველა საჭირო პრევენციული ღონისძიება იმისთვის, რომ ლგბტ+ აქტივისტების უსაფრთხოება იყოს უზრუნველყოფილი "თბილისი პრაიდის" კვირეულის განმავლობაში და მიეცეთ საჯაროდ შეკრებისა და გამოხატვის უფლებებით თავისუფლად სარგებლობის საშუალება.

ამავე განცხადების მიხედვით, ხელისუფლება განსაკუთრებული სიფრთხილით და ყურადღებით უნდა დააკვირდეს ქვეყანაში ექსტრემისტული ძალების გააქტიურებას, შეისწავლოს რუსეთის სპეც-სამსახურებთან მათი შესაძლო კავშირები და მოახდინოს ამ მხრივ არსებულ საფრთხეებსა და გამოწვევებზე ეფექტური რეაგირება.

"თბილისი პრაიდის" საწინააღმდეგო აქცია ზუგდიდშიც გაიმართა, როცა ხელოვნებისა და კულტურის ცენტრის, სამხატვრო გალერეის თანამშრომელმა, ხატია ჯანაშიამ ჰომოფობიური პლაკატები გააკრა. მანამდე, თბილისში ვერის ბაღში ბიზნესმენმა ლევან ვასაძემ მხარდამჭერებთან ერთად, ჰომოფობიური აქცია გამართა, სადაც არამხოლოდ ლგბტ პირებსა და მათ მხარდამჭერებს, არამედ პოლიციასაც დაემუქრა. მისი განმარტებით, ქვეყანაში "უწესობას" არ დაუშვებენ.
Print E-mail
Twitter
სხვა მასალები
ეპარქიის მდივანი, მღვდელი დიმიტრი ვეკუა, სოციალურ ქსელში ზუგდიდის
18:24 / 21.02.2020
ეპარქიის მდივანი, მღვდელი დიმიტრი ვეკუა, სოციალურ ქსელში ზუგდიდის
„ლელომ“ საკრებულოს მიმართა ინიციატივით, ზუგდიდის ერთ-ერთ ქუჩას მარო
მაყაშვილის სახელი ეწოდოს.
14:14 / 21.02.2020
„ლელომ“ საკრებულოს მიმართა ინიციატივით, ზუგდიდის ერთ-ერთ ქუჩას მარო მაყაშვილის სახელი ეწოდოს.
სამეგრელო-ზემო სვანეთის საოლქო პროკურატურაში, ზუგდიდის და მესტიის
მუნიციპალიტეტების
14:05 / 21.02.2020
სამეგრელო-ზემო სვანეთის საოლქო პროკურატურაში, ზუგდიდის და მესტიის მუნიციპალიტეტების
ვიდეო
ენგურის ხიდი სოხუმის მიერ გამოცხადებული კარანტინის პირობებში [ვიდეო]
აფხაზეთის დე ფაქტო რესპუბლიკის პრეზიდენტის მოვალეობის
ქუჩისთვის შეცვლილი სახელი, რომელზეც ინფორმაცია მოსახლეობას არ ჰქონდა [ვიდეო]
არასამთავრობო ორგანიზაციების რეკომენდაციების შემდეგ ზუგდიდის
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
ფოტო
მამზიშხას მთა [ფოტო]
მამზიშხას მთა აფხაზეთში, გაგრიდან 6 კილომეტრში მდებარეობს.
ხანმოკლე თოვა ზუგდიდში [ფოტო]
ზუგდიდში გათოვდა. თოვა ხანმოკლე იყო და მალევე დადნა.
ოკაცეს ჩანჩქერი ყინულის ლოლოებით [ფოტო]
ოკაცეს ჩანჩქერი წლის ნებისმიერ დროს ლამაზია.
„სამოქალაქო აქტივიზმი“
ზუგდიდში, ცოტნე დადიანის #3-ში, მრავალბინიანი საცხოვრებელი
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
მზარეულის მაგიდა
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.