ახალი ამბები
გალელები ენგურის ხიდის ჩაკეტვის თარიღად 8 ივლისს ასახელებენ
FaceBook Twitter
E-mail Print
ოკუპირებული გალის რაიონისა და ზუგდიდის მუნიციპალიტეტის გამყოფ საოკუპაციო ხაზზე არსებული ერთადერთი ე.წ. გამშვები პუნქტი შესაძლოა 8 ივლისს ჩაიკეტოს.

როგორც „ლაივპრესთან“ საუბარში გალელი რესპონდენტები ამბობენ, ამ ეტაპზე მხოლოდ ეს ინფორმაცია აქვთ, რომ ენგურის ხიდზე 8 ივლისიდან მიმოსვლა ორმხრივად აიკრძალება.

„ზუსტად არავინ იცის, მაგრამ აქ ასე ამბობენ, რომ აპირებენ ჩაკეტვას 8 ივლისიდანო. ასე ამბობენ, საქართველოში მიმდინარე მოვლენების გამოო. ჯერ ზუსტად არავინ არაფერი იცის. მე ვკითხე დღეს გამშვებ პუნქტთან აფხაზებს, მაგრამ არაფერი მიპასუხეს“, - გვითხრა გალში მცხოვრებმა ანჟელა ბასარიამ.

ანალოგიური ინფორმაცია აქვს „ლაივპრესის“ სხვა რესპონდენტებსაც. მათი მხრიდან ხიდის ჩაკეტვის შესაძლო თარიღად 8 ივლისი სახელდება. ეს რიცხვი ემთხვევა რუსეთის მხრიდან საქართველოში ავიამიმოსვლის აკრძალვის თარიღს.

რუსეთის პრეზიდენტმა ვლადიმირ პუტინმა 21 ივნისს, საქართველოში საპროტესტო აქციების ფონზე, ხელი მოაწერა ბრძანებულებას 8 ივლისიდან რუსეთის კომპანიებისათვის საქართველოსთან საჰაერო მიმოსვლის აკრძალვის შესახებ. ხოლო რუსეთის ტრანსპორტის სამინისტრომ გამოაცხადა, რომ იმავე დღიდან შეწყდება საქართველოს ავიაკომპანიების რეისები რუსეთში.

უკავშირდება თუ არა მოსკოვის ამ გადაწყვეტილებას, ენგურის ხიდის 8 ივლისს შესაძლო ჩაკეტვა, გალელებმა არ იციან.

ენგურის ხიდის ჩაკეტვის მოთხოვნით დე ფაქტო პრეზიდენტს ე.წ. პრლამენტმა 25 ივნისს მიმართა. აფხაზური მედიასაშუალებების მიერ გავრცელებულ ინფორმაციაში ნათქვამია, რომ ე.წ. დეპუტატმა დიმიტრი დბარმა სხდომაზე ამ მოთხოვნის მიზეზად დაასახელა საქართველოს პარლამენტში „ევროპული საქართველოს“ წევრის აკაკი ბობოხიძის განცხადება, რომლითაც თბილისში, მართლმადიდებლობის საპარლამენტთაშორისო ასამბლეის სესიაზე რუსეთის დელეგაციის წევრებს მიმართა: „ვხოცავდი თქვენიანებს, ვხოცავდი აფხაზეთში, ვხოცავდი და დავხოცავ“.

დიმიტრი დბარი ასევე ე.წ. გენერალურ პროკურატურას მიმართავს აკაკი ბობოხიძის წინააღმდეგ გამოძიება დაიწყოს სისხლის სამართლის მუხლით და სრული სიმკაცრით აგოს პასუხი საჯაროდ გამოთქმული ამ განცხადების გამო.

ე.წ. პარლამენტის დეპუტატი ითხოვს ასევე, რომ რუსეთმა საერთაშორისო ძებნაში გამოაცხადოს „ევროპული საქართველოს“ წევრი.

დღეის მდგომარეობით ენგურის ხიდზე ე.წ. გამშვები პუნქტი ჩევეულ რეჟიმში მუშაობს და მოქალაქეები, რომლებსაც შესაბამისი დოკუმენტაცია გააჩნია, საოკუპაციო ხაზს განსაკუთრებული შეზღუდვების გარეშე კვეთენ.

ცნობისთვის, დე ფაქტო ხელისუფლებას ენგურის ხიდი მიმდინარე წლის თებერვალში, 25 დღით ე.წ. ღორის გრიპის გავრცელების თავიდან აცილების მიზეზით ჰქონდა ჩაკეტილი.

გალელები მაშინ ყვებოდნენ, რომ ოკუპირებულ ტერიტორიაზე საკვები პროდუქტების ყიდვა გაცილებით მაღალ ფასად უწევდათ. გარდა ეკონომიკური ზიანისა, ხელი შეეშალათ სტუდენტებს და მოსწავლეებს რომლებიც განათლებას დანარჩენ საქართველოში იღებენ, ასევე ადამიანებს, რომლებსაც სამედიცინო სერვისის მისაღებად ყოველდღიურ რეჟიმში უწევთ საოკუპაციო ხაზის კვეთა.
Print E-mail
Twitter
სხვა მასალები
საქართველოს პრემიერ-მინისტრის მრჩევლად თავდაცვისა და უსაფრთხოების
12:21 / 13.05.2021
საქართველოს პრემიერ-მინისტრის მრჩევლად თავდაცვისა და უსაფრთხოების
ინფიცირების 776 ახალი შემთხვევიდან, თბილისში გამოვლენილია 359
შემთხვევა,
11:07 / 13.05.2021
ინფიცირების 776 ახალი შემთხვევიდან, თბილისში გამოვლენილია 359 შემთხვევა,
ბოლო 24 საათში 31982 კვლევა ჩატარდა ტესტით. მათ შორის ანტიგენის
სწრაფი
11:00 / 13.05.2021
ბოლო 24 საათში 31982 კვლევა ჩატარდა ტესტით. მათ შორის ანტიგენის სწრაფი
აბაშის მცხოვრები გარდაიცვალა ქუთაისის კოვიდ კლინიკაში.
10:24 / 13.05.2021
აბაშის მცხოვრები გარდაიცვალა ქუთაისის კოვიდ კლინიკაში.
კორონავირუსი

საბჭოთა რეპრესიები

ვიდეო
ღია ნაგავსაყრელი სახლებთან  - რა პრობლემების წინაშე დგას მოსახლეობა [ვიდეო]
ზუგდიდის მუნიციპალიტეტის სოფელ ცაცხვში, რეგიონული
უსინათლოდ არაადაპტირებულ ქალაქში [ვიდეო/ ფოტო]
ეზოში მამამ ბურთი გააგორა და შვილებს დაუძახა,
„ჩვენთან სასწრაფოც ვერ მოდის“ - სოფელი, რომელსაც გზა არასდროს ჰქონია [ვიდეო/ფოტო]
ზუგდიდის მუნიციპალიტეტის სოფელ ჯიხაშკარში, სამარღიოს უბანში
ქუჩაში, ადამიანების შიშით და იმედად [ვიდეო/ფოტო]
მიუსაფარ ცხოველებს ზუგდიდის ქუჩებში მრავლად შეხვდებით.
ბიზნესი და თერაპია პანდემიაში - საყელოები ანასა და ესმასგან  [ვიდეო]
საკერავი მანქანის ჩუმი ხმაური არღვევს ოთახის მყუდროებას,
ფოტო
ოჩოფეხები კოლხეთის ეროვნული პარკიდან [ფოტო]
ოჩოფეხები, რომლებიც კოლხეთის ეროვნული
კორონავირუსის საწინააღმდეგო ვაქცინაცია ზუგდიდში [ფოტო]
საქართველოში კორონავირუსის საწინააღმდეგო ვაქცინაციის
 „ყინულის სამყარო“ სვანეთში
„ყინულის მინი სამყაროში“ ასე დაარქვა საკუთარ ფოტოამბავს
დათოვლილი მესტია და ჰეშკილი [ფოტო]
სვანეთი განსაკუთრებით ლამაზია ზამთარში, როცა მთები
საშობაო „ალილო“ მრევლის გარეშე [ფოტო]
პანდემიის გამო, ტრადიციული საშობაო „ალილოს" მსვლელობა
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.