ავტობუსს, რომლითაც ეტლით მოსარგებლემ ვერ იმგზავრა, პანდუსის პრობლემა არ აქვს - მერია
ზუგდიდის მერია ამბობს, რომ ახალი ავტობუსი
ტექნიკურად გამართულია და მძღოლმა ვერ გახსნა ეტლით მოსარგებლისთვის
პანდუსი.
„ავტობუსებს ტექნიკური გაუმართაობის პრობლემა არ აქვს. რაც შეეხება კონკრეტულ შემთხვევას, პანდუსი გაჭედილი არ ყოფილა, როგორც ჩანს მძღოლმა ვერ უზრუნველყო მისი გახსნა“, - უთხრეს „ლაივპრესს“ მერიაში.
ასოციაცია „ჰანგის“ ხელმძღვანელმა რუსლან საჯაიამ გვითხრა, რომ დღეს, კახათიდან მომავალი ეტლით მოსარგებლე სოფიო ჩახაია განმუხურის ავტობუსის მძღოლმა ქუჩაში დატოვა. თავის მხრივ, მძღოლი ამბობს, რომ ავტობუსის პანდუსი გაფუჭებული იყო, ეტლით მოსარგებლეს ავტობუსში ხელით აყვანა შესთავაზა, რაზეც შშმ პირმა და მისმა თანხმლებმა ბიჭმა უარი განაცხადეს.
ეტლით მოსარგებლეს, რომელმაც დღეს დილით საზოგადოებრივი ავტობუსით ვერ იმგზავრა, ბოდიში მოუხადა ზუგდიდის მერის მოადგილე კონსტანტინე კაკავამ.
„მინდა გამოვეხმაურო კახათის ადმინისტრაციულ ერთეულში მომხდარ ფაქტს და, პირველ რიგში, ბოდიშს ვუხდი სოფიოს იმ შექმნილი უხერხულობისა და უსამართლობისთვის, რომლის განცდამაც მას დღეს მოუწია. მინდა, პირობა მივცე, სოფიოს და თითოეულ ზუგდიდელს: ადგილობრივი თვითმმართველობის მხრიდან შესაბამისი რეაგირება მოყვება ნებისმიერი მოქალაქის მიმართ გამოჩენილ უყურადღებობას“, - განაცხადა კონსტანტინე კაკავამ.
ზუგდიდში 15 ახალი ავტობუსი მაისიდან ეტაპობრივად შემოიყვანეს. ავტობუსები 2019 წლის გამოშვებაა. ისინი კონდიცირება-ვენტილაციის სისტემითაა აღჭურვილი. ადაპტირებულია შეზღუდული შესაძლებლობის პირებისთვისაც. აქ მექანიკური პანდუსია დამონტაჟებული. ტრანსპორტის შესაძენად ადგილობრივმა ხელისუფლებამ სესხი აიღო. შეძენა 3 მილიონ 300 ათასი ლარი დაჯდა.
„ავტობუსებს ტექნიკური გაუმართაობის პრობლემა არ აქვს. რაც შეეხება კონკრეტულ შემთხვევას, პანდუსი გაჭედილი არ ყოფილა, როგორც ჩანს მძღოლმა ვერ უზრუნველყო მისი გახსნა“, - უთხრეს „ლაივპრესს“ მერიაში.
ასოციაცია „ჰანგის“ ხელმძღვანელმა რუსლან საჯაიამ გვითხრა, რომ დღეს, კახათიდან მომავალი ეტლით მოსარგებლე სოფიო ჩახაია განმუხურის ავტობუსის მძღოლმა ქუჩაში დატოვა. თავის მხრივ, მძღოლი ამბობს, რომ ავტობუსის პანდუსი გაფუჭებული იყო, ეტლით მოსარგებლეს ავტობუსში ხელით აყვანა შესთავაზა, რაზეც შშმ პირმა და მისმა თანხმლებმა ბიჭმა უარი განაცხადეს.
ეტლით მოსარგებლეს, რომელმაც დღეს დილით საზოგადოებრივი ავტობუსით ვერ იმგზავრა, ბოდიში მოუხადა ზუგდიდის მერის მოადგილე კონსტანტინე კაკავამ.
„მინდა გამოვეხმაურო კახათის ადმინისტრაციულ ერთეულში მომხდარ ფაქტს და, პირველ რიგში, ბოდიშს ვუხდი სოფიოს იმ შექმნილი უხერხულობისა და უსამართლობისთვის, რომლის განცდამაც მას დღეს მოუწია. მინდა, პირობა მივცე, სოფიოს და თითოეულ ზუგდიდელს: ადგილობრივი თვითმმართველობის მხრიდან შესაბამისი რეაგირება მოყვება ნებისმიერი მოქალაქის მიმართ გამოჩენილ უყურადღებობას“, - განაცხადა კონსტანტინე კაკავამ.
ზუგდიდში 15 ახალი ავტობუსი მაისიდან ეტაპობრივად შემოიყვანეს. ავტობუსები 2019 წლის გამოშვებაა. ისინი კონდიცირება-ვენტილაციის სისტემითაა აღჭურვილი. ადაპტირებულია შეზღუდული შესაძლებლობის პირებისთვისაც. აქ მექანიკური პანდუსია დამონტაჟებული. ტრანსპორტის შესაძენად ადგილობრივმა ხელისუფლებამ სესხი აიღო. შეძენა 3 მილიონ 300 ათასი ლარი დაჯდა.