ახალი ამბები
აბიტურიენტები აფხაზეთიდან ოკუპაციის პირისპირ
FaceBook Twitter
E-mail Print
პირობითად დათო, გალში მცხოვრები აბიტურიენტია, რომელსაც ადმინისტრაციული საზღვრის გადმოკვეთა ხელის დაზიანებად, შიშად და კლასელების და მშობლების ნერვიულობად დაუჯდა. დღეს ის ზუგდიდშია და ერთიანი ეროვნული გამოცდების გავლით შეეცდება საქართველოს უმაღლეს სასწავლებელში მოხვედრას. მართალია მავთულხლართებზე ნაღრძნობმა მაჯამ და ტკივილმა დისკომფორტი შეუქმნა ტესტირებისას, კონცეტრირებაც გაუჭირდა თავდაპირველად, თუმცა იმედი აქვს, რომ მძიმე წუთებს კარგი დასასრული ე ქნება - მალე სტუდენტი გახდება.

28 ივნისის დილით, ექვს მეგობართან ერთად ე.წ საზღვრის გადმოლახვა გადაწყვიტა. როგორმე ენგურს გამოღმა უნდა მოხვედრილიყვნენ. ჯერ, უკვე ყოფილმა თანაკლასელებმა გაარღვიეს ეკალბარდების და მავთულხლართების ბარიერი, მერე კი სამშვიდობოს გასულები დაუკავშირდნენ და გააფრთხილეს, როგორ აღმოჩენილიყო ზუგდიდის ტერიტორიაზე უსაფრთხოდ. თუმცა მარტოს გაუჭირდა. ხეზე ავიდა და იქიდან აპირებდა წინაღობებს გადახტომოდა. ამ დროს ხეს ტოტი ჩამოუტყდა და ხელიც მავთულხლართს გამოსდო, დაიზიანა. ჭრილობიდან სისხლი რომ დაინახა, ერთი პირობა იფიქრა უკან გაბრუნება, მაგრამ უახლოეს სამედიცინო პუნქტამდე მანძილი შორი იყო. ამიტომ კვლავ წინ სიარული არჩია.

"ძლივს გადმოვედი. ხელის დაზიანების გარდა, სხეულზე დაბეჟილობები მაქვს. აქეთ ჩემი კლასელები დამხვდნენ. ქართველი ჯარისკაცებიც მეძახდნენ, არავინ არ არის, გადმოდიო. ჭრილობა ადგილზე დამიმუშავეს. გამოიძასეს სასწრაფო. რვა ძაფი დამადეს. წამლებიც გამომიწერეს", - უყვება დათო "ლაივპრესს".

ამბობს - რომ გადმოვიდნენ კარგია, თუმცა რადგან სხვა მეგობრები ოკუპირებულ ტერიტორიაზე რჩებოდნენ, ეს აღელვებდათ. იქ, სადაც ერთმანეთს დაშორდნენ, განერვიულებული მშობლებიც დატოვეს. ახალგაზრდის თქმით, გადმოსულები დაუკავშირდნენ საქართველოს ცენტრალურ ხელისუფლებას, რომლებმაც დე ფაქტო მთავრობასთან მოლაპარაკების შედეგად მიაღწიეს დარჩენილთაგან უმეტესობის ზუგდიდში გადმოყვანას.

მავთულხლართზე დასერილი ხელის ფოტო, რომელიც "ლაივპრესს" აბიტურიენტმა მიაწოდა

უნდოდა სწავლა სოხუმის უნივერსიტეტში განეგრძო, მაგრამ რუსული და აფხაზური ენების ბარიერის გამო გამო თბილისი არჩია.

"მეორეც, თუ არ გყავს აფხაზი ვინმე, და ფული არ გაქვს, იქ სწავლა არის რთული. იმაზეც აქვთ გართულება, რომ ქართველი ვარ. ჩვენს სოფელში არის ბევრი მაგალითი, რომ იცოდნენ რუსული, აფხაზი ნათესავებიც ჰყავდათ, მაინც გვარის და ქართველობის გამო არ მიიღეს თანატოლებმა. იყო დისკრიმინაცია, ბულინგი. ასეთ ვითარებაში, სადაც დისკომფორტულად არ ვიგრძნობ თავს, სწავლა და გაჩერება ძნელია", - ამბობს აბიტურიენტი.

დათომ ქართული ენა და ლიტერატურის გამოცდა უკვე ჩააბარა. წინ უნარებია. სოციოლოგიურზე აბარებს და ჩამონათვალშიც პირველად ივანე ჯავახიშვილის სახელობის თბილისის სახელმწიფო უნივერსიტეტი აქვს მითითებული.

გალის საგანმანათლებლო რესურსცენტრის ინფორმაციით, ერთიან ეროვნულ გამოცდებში მონაწილეობისთვის ოკუპირებული ტერიტორიიდან სულ 185 აბიტურიენტი დარეგისტრირდა. მათგან 11-ის გარდა გადმოსვლა ყველამ შეძლო. დანარჩენებმა გადმოსვლა სხვადასხვა მიზეზით გადაიფიქრეს.

სოხუმის გადაწყვეტილებით, ენგურის ხიდი გაურკვეველით დროით 28 ივნისს ცალმხრივად ჩაიკეტა. მოქალაქეების ნაწილმა, მათ შორის აბიტურიენტებმა და სტუდენტებმა საოკუპაციო ხაზის გადაკვეთა თანხის სანაცვლოდ მოახერხეს.

"ლაივპრესის" გალელი რესპონდენტების ცნობით, დე ფაქტო ხელისუფლებამ ხიდზე შეზღუდვები მიზანმიმართულად დაამთხვია ეროვნულ გამოცდებს ორი მიზეზის გამო - ახალგაზრდებს აიძულოს სოხუმის უნივერსიტეტში სწავლა. მეორე ფინანსური ინტერესებია.
Print E-mail
Twitter
სხვა მასალები
დადიანების მუზეუმის ეზოში, 38 კვ.მ მიწის ნაკვეთზე მდებარე
საპირფარეშოს აუქციონზე გაიტანენ.
14:52 / 06.12.2019
დადიანების მუზეუმის ეზოში, 38 კვ.მ მიწის ნაკვეთზე მდებარე საპირფარეშოს აუქციონზე გაიტანენ.
საქართველოს ტერიტორიული მთლიანობისთვის მებრძოლი რეზო ხასიას
დაკრძალვის
14:37 / 06.12.2019
საქართველოს ტერიტორიული მთლიანობისთვის მებრძოლი რეზო ხასიას დაკრძალვის
ზუგდიდის მუნიციპალიტეტის საკრებულომ არ დაუჭირა მხარი ააიპ
14:29 / 06.12.2019
ზუგდიდის მუნიციპალიტეტის საკრებულომ არ დაუჭირა მხარი ააიპ "სამეგრელო-ზემო სვანეთის
საპარლამენტო უმრავლესობის ლიდერ მამუკა მდინარაძის განცხადებით,
სრულად მაჟორიტარულ
13:58 / 06.12.2019
საპარლამენტო უმრავლესობის ლიდერ მამუკა მდინარაძის განცხადებით, სრულად მაჟორიტარულ
ვიდეო
ქართული ყველის ძველი და ახალი სახეობების გამოფენა ზუგდიდში [ვიდეო]
ყველი წიწაკით, სხვდასხვა სუნელით, საფერავში ამოვლებული, კაკაოთი, როზმარინით
აფხაზური ნობათი კოლხური ღვინის ფესტივალზე [ვიდეო]
ზუგდიდში გამართულ კოლხური ღვინის ფესტივალზე ერთი კუთხე აფხაზეთსაც დაეთმო.
პოლიეთილენის საფრთხე [ვიდეო]
სამწუხაროდ, საქართველოში პოლიეთილენის გამოყენება კვლავ დიდი დოზით ხდება. ამის მიზეზი
ბოტანიკური ბაღი გახსნამდე ერთი თვით ადრე [ვიდეო]
ზუგდიდის განახლებული ბოტანიკური ბაღი,
ფოტო
ჩირის ფარდები მარტვილის სოფლებში [ფოტო]
მარტვილის მუნიციპალიტეტში ხურმა მნიშვნელოვანი სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.