ახალი ამბები
მუნიციპალიტეტებს უსაყვედურეს დაუსრულებელი ინფრასტრუქტურული პროექტების გამო
FaceBook Twitter
E-mail Print
სამეგრელო-ზემო სვანეთის მუნიციპალიტეტების ხელმძღვანელ პირებს უსაყვედურეს იმის გამო, რომ რეგიონებში განსახორციელებელი პროექტების ფონდიდან, 2018 წლის პროექტებისთვის გამოყოფილი თანხის ათვისება შარშანვე ვერ მოხერხდა. განაცხადა რეგიონული განვითარების და ინფრასტრუქტურის მინისტრის მოადგილე ილია ბეგიაშვილმა ზუგდიდში გამართულ შეხვედრაზე, სადაც 2020 წლისთვის დაგეგმილ პრიორიტეტულ ინფრასტრუქტურულ პროექტებზე ისაუბრეს. მინისტრის მოადგილემ განმარტა, რომ საქმე ეხება პროექტებს, რომლებზეც გამოცხადდა ტენდერი, სამუშაოები დაიწყო, თუმცა გაწერილ ვადებში ვერ დასრულდა და მშენებლობის პროცესი დღესაც გრძელდება.

"6 მილიონ 700 ათასიდან, რომელიც ამ რეგიონს შარშან გადმოჰყვა, დაპროცესებულია 45%. ცოტა უხერხულია, როცა 2020 წლის გეგმებზე ვლაპარაკობთ და 2018 წელი არ გვაქვს დახურული გარკვეულ ნაწილში", - აღნიშნა მან.

ილია ბეგიაშვილის თქმით, სამეგრელო-ზემო სვანეთში დროულად ვერ აითვისეს 3 მილიონამდე ლარამდე. მან მიმართა მუნიციპალიტეტების წარმომადგენლებს, ყურადღება მიაქციონ ამ საკითხს და პროექტების განხორციელებაც დაჩქარდეს.

რეგიონში სახელმწფო რწმუნებულმა ალექსანდრე მოწერელიამ განმარტა, რომ აუთვისებელი თანხების მიზეზი ამ შემთხვევაში არის ის, რომ კომპანიებს საჭირო რესურსი არ ჰყოფნით სამშენებლო სამუშაოებისთვის. მისივე თქმით, ამას გარდა, გვხვდება ხარვეზებიც მენეჯმენტში.

"არის შემთხვევები, როცა კომპანია ვერ წარმოადგენს შესაბამის დოკუმენტაციას და ხდება გასაჩივრება. ალბათ საჭირო იქნება დამატებითი საკანონმდებლო ცვლილებები, რომ არ მოხდეს დავების საბჭოში ასე ხშირად გასაჩივრება, რადგან შედეგად ფაქტიურად საქმე ზარალდება", - განაცხადა სახელმწიფო რწმუნებულმა.

მინისტრის მოადგილისვე თქმით, სკოლების კომპონენტისთვის რეგიონს წელს 5 მილიონ 240 ათასი ლარი გადმოეცა, თუმცა ამ მხრივ ცუდი მდგომარეობა გვაქვს. კერძოდ, ილია ბეგიაშვილი ამბობს, რომ სარეკონსტრუქციო სამუშაოები დროულად უნდა დასრულდეს, რადგან სწავლა 17 სექტემბერს იწყება, მოსწავლეებს კი ხარაჩოები არ უნდა დახვდეთ:

"თან ვისწვალოთ და თან სარემონტო სამუშაოები ვატაროთ, არ გამოვა. ამიტომაც თხოვნა მაქვს, ამ კომპონენტს მაქსიმალური ყურადღება მიექცეს. თუ ვერ ასწრებთ, ჯობია ეს თანხა სხვა სკოლას გადავცეთ, ან სხვაგან მივმართოთ".

ილია ბეგიაშვილის ინფორმაციით, რეგიონებში განსახორციელებელი პროექტების ფონდიდან 2020 წლისთვისთვის სამეგრელო-ზემო სვანეთს 14 მილიონამდე ლარით მეტი გამოეყოფა და ეს თანხა ჯამში 71 მილიონ 487 ათას 870 ლარით განისაზღვრება. ფული გზებს, ბაღებს, წყალს, კულტურულ ობიექტებს, სკვერებს, ამბულატორიების მშენებლობას მოხმარდება. მინისტრის მოადგილე ამბობს, რომ მომავალი წლისთვის ორი ქვეპროგრამის დამატება სურთ - ერთი ბაღების მშენებლობა-რეკონსტრუქციის, მეორე კი წყლის ხარისხის გაუმჯობესების მიმართულების.

მუნიციპალიტეტების მიხედვით თანხა მომდევნო წელს ასე გადანაწილდება - ყველაზე მეტ თანხას ზუგდიდი მიიღებს -15 მილიონ 440 ათას 330 ლარი. შემდეგ მოდის სენაკი - 8 მილიონ 113 ათას 170 ლარი, ფოთი - 7 მილიონ 734 ათას 270 ლარი, მარტვილი - 7 მილიონ 613 ათას 680 ლარი, ხობი -7 მილიონ 065 ათას 840, მესტია - 6 მილიონ 795 ათას 330 ლარი, წალენჯიხა -6 მილიონ 189 ათას 770 ლარი, აბაშა - 5 მილიონ 958 ათას 999 ლარი და ჩხოროწყუ -5 მილიონ 776 ათას 490 ლარი.

დღევანდელ შეხვედრაზე ასევე ისაუბრეს ტექნიკურ დეტალებზე, რაც ტენდერების უფრო ადრე გამოცხადებას ეხება, პროექტების დროულად და ეფექტურად დასრულებისთვის.

რაც შეეხება აუდიტის დასკვნას, რომლის მიხედვითაც ცალკეული ინფრასტრუქტურული პროექტები უხარისხოდ შესრულდა, სახელმწიფო რწმუნებულის განმარტებით, მსგავსი შემთხვევების შესახებ ინფორმაცია სამართალდამცავ ორგანოებს გადაეცემათ მოკვლევის საფუძველზე, შემდგომი რეაგირებისთვის.

"ასეთ შემთხვევებს ვერავინ გამორიცხავს, მაგრამ გარკვეულწილად, ეს იქნება პრევენციაც, რომ იმ კომპანიების მიმართ, ვისთანაც არსებობს კითხვის ნიშნები, მოხდეს სამუშაოების პროცესიდან მათი სამართლებრივი გზით განრიდება, არ იყოს უხარისხო, გაჭიანურებული მშენებლობები", - აღნიშნა ალექსანდრე მოწერელიამ.

შეხვედრას მაჟორიტარი დეპუტატები, სახელმწიფო რწმუნებულის მოადგილეები, რეგიონის მუნიციპალიტეტების მერები, საკრებულოს თავმჯდომარეები და მუნიციპალიტეტების ინფრასტრუქტურის სამსახურების უფროსები ესწრებოდნენ.
Print E-mail
Twitter
სხვა მასალები
ზუგდიდის მერმა გიორგი შენგელიამ
14:45 / 06.06.2020
ზუგდიდის მერმა გიორგი შენგელიამ "ერთიანი ნაციონალური მოძრაობის" ზუგდიდის ოფისის ხელმძღვანელ ანა წითლიძის ბრალდებას,
რუხის ცენტრში მოსახლეობამ საპროტესტო აქცია გამართა. მათი
განცხადებით, 100 ჰექტრამდე მიწა
13:03 / 06.06.2020
რუხის ცენტრში მოსახლეობამ საპროტესტო აქცია გამართა. მათი განცხადებით, 100 ჰექტრამდე მიწა
რუსეთში ბოლო 24 საათში კორონავირუსით 197 ადამიანი გარდაიცვალა. სულ
11:55 / 06.06.2020
რუსეთში ბოლო 24 საათში კორონავირუსით 197 ადამიანი გარდაიცვალა. სულ
კორონავირუსით ინფიცირების სამი ახალი შემთხვევიდან 2 სატვირთო
მანქანის
11:02 / 06.06.2020
კორონავირუსით ინფიცირების სამი ახალი შემთხვევიდან 2 სატვირთო მანქანის
ვიდეო
აფხაზეთში მიმავალი ხიდი მგზავრების გარეშე [ვიდეო]
აფხაზეთ-სამეგრელოს დამაკავშირებელ ენგურის ხიდზე
საყიდლებზე და რესტორანში ახალი წესებით [ვიდეო/ფოტო]
მუშაობა განაახლეს პანდემიის გამო 3 თვის წინ დახურულმა
მუნიციპალურმა ტრანსპორტმა ახალი წესებით მუშაობა განაახლა [ვიდეო/ფოტო]
პანდემიის გამო 2 თვის წინ გაჩერებული საზოგადოებრივი
ზუგდიდში სილამაზის სალონების უმრავლესობამ მუშაობა განაახლა [ვიდეო/ფოტო]
საქართველოში დღეიდან, 18 მაისიდან განაახლეს მუშაობა
ზუგდიდის ბოტანიკური ბაღი გაიხსნა [ვიდეო]
საგანგებო მდგომარეობის გამო, დაახლოებით 2 თვის წინ დაკეტილი
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.