F5 უკვე საერთაშორისოა - ზუგდიდის ფესტივალის ორგანიზატორი
90-იანი წლების და თანამედროვე ლიტერატურა, მწერლები დროის ორ
განზომილებაში,
ამონარიდები შემოქმედებიდან, აუდიტორიის კითხვები ავტორებს და გიორგი
ძამუკაშვილის მუსიკა - ასე დასრულდა წლევანდელი F5-ის ღონისძიებაც,
რომელსაც პირველად ჰყავდა უცხოელი მონაწილე - ლატვიელი პოეტი სემიონ
ხანინი.
დავით რობაქიძის თქმით, მიუხედავად იმისა, რომ ჯერ კიდევ წლების წინ შესუსტდა მწერალთა აღქმა ერის მამის პრიზმიდან, დღეს ეს ძალა, ოღონდ ბევრად თვალშისაცემად ფორმირებული სამოქალაქო აქტივიზმად, უფრო შეუნიღბავად ამბობს სათქმელს.
"ახალგაზრდა მწერლები არიან ერის მამები, ოღონდ სიმართლის მამები, რომლებიც წერენ, რომ არ შეიძლება ადამიანი სამსახურიდან გაუშვა, დაჩაგრო, საქართველოს სახელით ფული აკეთო", - უთხრა დავით რობაქიძემ "ლაივპრესს".
მისივე თქმით, წლების წინაც რეჟიმს ებრძოდა ხელოვანი კაცი და ასეა დღესაც.
შოთა იათაშვილი აუდიტორიას ესაუბრა იმ სირთულეებზე, რომელიც ახალგაზრდა პოეტებს ხშირად აბრკოლებთ განაგრძონ წერა, ოღონდ ისე, რომ არ გაიმეორონ ადრე თქმული. ეს მდგომარეობა, როგორც განმარტა, ასაკთან და გამოცდილებასთან ერთად მოდის, როცა თითქოს ამოწურე საკუთარი თავი ლექსებით და ვეღარ ეძებ ახალ ფორმას, შინაარსს გამოსახატად.
"გბლოკავს რაღაც შიგნიდან - შენ ხომ ეს უკვე დაწერე, გააკეთე. ეს არის ლექსის წერის სიმწარე", - მიმართა პოეტმა შეკრებილებს.
"არტ ჰაუსში" გამართულ შეხვედრაზე ლატვიელმა პოეტმაც წაიკითხა ლექსები აუდიტორიისთვის. გაჟღერდა ამ ლექსების ქართული თარგმანიც. შედგა ივა ფეზუაშვილის წიგნის - "ფსკერის სახარების" პრეზენტაცია, სადაც ავტორი მოგვითხრობს სიღრმიდან დანახულ თბილისზე.
ფესტივალის ერთ-ერთი ორგანიზატორი ნიკა ლაშხია ამბობს, რომ შარშანდელის მსგავსად წლევანდელმა ღონისძიებამაც გაამართლა. მომავალში ეცდებიან უფრო მასშტაბური გახადონ და თანამედროვე მწერლები უკვე გერმანიიდან ჩამოიყვანონ.
"თუმცა ფესტივალი წელს უკვე გახდა საერთაშორისო, რადგან სტუმარი გვყავს ლატვიიდან. თავად გამოთქვა ჩამოსვლის და მონაწილეობის სურვილი", - განმარტა მან.
ნიკა ლაშხია ამბობს, რომ ასევე ეცდებიან ადგილობრივი მწერლების კიდევ უფრო პოპულარიზაციას. მათ შორის მეგრული პოეზიის წარმოჩენას.
ზუგდიდმა თანამედროვე ლიტერატურის ფესტივალს მეორედ უმასპინძლა.
დავით რობაქიძის თქმით, მიუხედავად იმისა, რომ ჯერ კიდევ წლების წინ შესუსტდა მწერალთა აღქმა ერის მამის პრიზმიდან, დღეს ეს ძალა, ოღონდ ბევრად თვალშისაცემად ფორმირებული სამოქალაქო აქტივიზმად, უფრო შეუნიღბავად ამბობს სათქმელს.
"ახალგაზრდა მწერლები არიან ერის მამები, ოღონდ სიმართლის მამები, რომლებიც წერენ, რომ არ შეიძლება ადამიანი სამსახურიდან გაუშვა, დაჩაგრო, საქართველოს სახელით ფული აკეთო", - უთხრა დავით რობაქიძემ "ლაივპრესს".
მისივე თქმით, წლების წინაც რეჟიმს ებრძოდა ხელოვანი კაცი და ასეა დღესაც.
შოთა იათაშვილი აუდიტორიას ესაუბრა იმ სირთულეებზე, რომელიც ახალგაზრდა პოეტებს ხშირად აბრკოლებთ განაგრძონ წერა, ოღონდ ისე, რომ არ გაიმეორონ ადრე თქმული. ეს მდგომარეობა, როგორც განმარტა, ასაკთან და გამოცდილებასთან ერთად მოდის, როცა თითქოს ამოწურე საკუთარი თავი ლექსებით და ვეღარ ეძებ ახალ ფორმას, შინაარსს გამოსახატად.
"გბლოკავს რაღაც შიგნიდან - შენ ხომ ეს უკვე დაწერე, გააკეთე. ეს არის ლექსის წერის სიმწარე", - მიმართა პოეტმა შეკრებილებს.
"არტ ჰაუსში" გამართულ შეხვედრაზე ლატვიელმა პოეტმაც წაიკითხა ლექსები აუდიტორიისთვის. გაჟღერდა ამ ლექსების ქართული თარგმანიც. შედგა ივა ფეზუაშვილის წიგნის - "ფსკერის სახარების" პრეზენტაცია, სადაც ავტორი მოგვითხრობს სიღრმიდან დანახულ თბილისზე.
ფესტივალის ერთ-ერთი ორგანიზატორი ნიკა ლაშხია ამბობს, რომ შარშანდელის მსგავსად წლევანდელმა ღონისძიებამაც გაამართლა. მომავალში ეცდებიან უფრო მასშტაბური გახადონ და თანამედროვე მწერლები უკვე გერმანიიდან ჩამოიყვანონ.
"თუმცა ფესტივალი წელს უკვე გახდა საერთაშორისო, რადგან სტუმარი გვყავს ლატვიიდან. თავად გამოთქვა ჩამოსვლის და მონაწილეობის სურვილი", - განმარტა მან.
ნიკა ლაშხია ამბობს, რომ ასევე ეცდებიან ადგილობრივი მწერლების კიდევ უფრო პოპულარიზაციას. მათ შორის მეგრული პოეზიის წარმოჩენას.
ზუგდიდმა თანამედროვე ლიტერატურის ფესტივალს მეორედ უმასპინძლა.