რუსეთის პრეზიდენტი ვლადიმირ პუტინი აფხაზეთის დე ფაქტო პრეზიდენტს, რაულ ხაჯიმბას სოჭში შეხვდა. რუსეთის პრეზიდენტის ადმინისტრაციის ინფორმაციით, შეხვედრაზე „პრეზიდენტებმა“ სოციალურ-ეკონომიკური თანამშრომლობის შესახებ ისაუბრეს.

„ჩვენ ერთმანეთს ვხვდებით აფხაზეთში დაგეგმილი არჩევნების წინ და დიდი იმედი მაქვს, რომ ის გაიმართება დემოკრატიული პრინციპების მკაცრი დაცვით, რაც ხელს შეუწყობს რეგიონში სამომავლო სტაბილურობას“, - განაცხადა პუტინმა ხაჯიმბასთან შეხვედრაზე.

დე ფაქტო პრეზიდენტმა აფხაზი ხალხის სახელით პუტინს მადლობა გადაუხადა იმ ყურადღებისთვის, რასაც „რესპუბლიკის მიმართ იჩენს.“